YEREMIA 48:14 - Bibilia Kui Mdedie fo Kimochi

¹⁴ “Mochiidima kuda ihamba, “So nyi lui wakari, nyi wandu wawode pfinya tsa shida?

YEREMIA 48:14 ပူးပေါင်းရင်းမြစ်များ

SHIIMBO SHA DAWIDI 33:16

Kuwode mangi ekekia kipfa kya mfoeṟa fo wuidimi woke pfo, Manya mbahanyi ekyekia kipfa kya mfoeṟa fo pfinya pfo.

YESAYA 10:16

Ko ikyo Mndumii, Mndumii menyi Matorito, nechimudikia ipooka lya wandu wanoru; nechidika isaramaya lya walya wenyi, kiṟumi cha isaramatsia modonyi.

YESAYA 10:13

Kipfa nahambie, “Kui pfinya tsa mawoko hako njiwutie kindo ki, na kui wuṟango woko, kipfa inyi njii mṟango, na inyi njilewuta mṟasa ya wandu, ngawada shisa shawo, ngaolotsa wose wedamia huya shidi sha wuitoṟi chando mbahanyi ekewuta.

SEFANIA 2:10

Mbonyi-tso tsechiwahoya kipfa kya orikiki lowo na kipfa waleruma wandu wa Mndumii menyi matorito na ikung'anyisha.

EZEKIELI 30:6

“Inyi Mndumii-Ruwa ngahamba njidi: Walya wose wa lunganyi na Wamisri nyi wechisaramaya, Mbahanyi tsake tsiwode kiṟumi nyi wechisaramaya, kuwokia Migdoli itane Syene wandu wo nyi wechipfia shidenyi. Nyi Inyi Mndumii-Ruwa ngahamba.

YEREMIA 49:16

Mbonyi tseowesha na orikiki lopfo shakulemba, iyo okekaa kiidi kya mbako tsa ngaṟahamba tsa maho, kowekaa huya njowerihu tsa fumvu! Ma chando uwikie kanyi kopfo huye cha mbero, inyi njechikupuhutsa uwuke ipfo kundu ui. Nyi inyi Mndumii-Ruwa ngahamba.

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

YEREMIA 8:8

“Mohamba muda, so nyi luwode wuṟango, na wuwawaso wo Mndumii wui naso? Kyaindi ambuya kilya keṟehia wongo kya mṟehi kya haluka wongo.

YESAYA 16:6

Luleicho mbonyi tsa orikiki lo Moabu, ke nyi wenyi orikiki lung'anyi; mbonyi tsa ikushela lyake; na orikiki loke, na nyashi yake; ikushela lyake chi kindopfo.

KOHELETI 9:11

Ngawuya ngaambuya kunu wuyana, ngawona chi wose wekewikia mteeṟa wakawa wawinzi pfo, ma chi waapfinya wekewinga shidenyi pfo, ma chi waṟango wekewona kando pfo, ma chi wandu waichi wekewona masaa pfo, ma wandu waaria wakundikepfo; indi kiheri kya osu kekeshikia wose.

SHIIMBO SHA DAWIDI 11:1

Njiledichia Mndumii. Nkili muiwia mrima foko, Dicha cha kilehe mafumvunyi hanu?