YEREMIA 4:8 - Bibilia Kui Mdedie fo Kimochi

⁸ Kokoya mbonyi nyi wudo tsii, ṟaenyi nguo tsa masaṟa; fihiṟenyi na ikuinadia hamu na ikuotoya; kipfa nyashi njiwawo ya Mndumii ilakunda iololia na iluda.

YEREMIA 4:8 ပူးပေါင်းရင်းမြစ်များ

SHIIMBO SHA DAWIDI 78:49

Kawadikia wulang'a wo nyashi yake, tuke na wukiwa na mawawio, wamalaika sa wafoi wekeende mawicho.

YESAYA 10:4

Wechihongoma wanda ya wapfungo tupu, wechioloka wanda ya iwo wai wawahe. Hamu na isho shose nyashi yake ilehalukia aleshepfo, indi owoko loke lui luhoṟwo itane wulalu.

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YESAYA 32:11

Dedemenyi, nyo waka muwodo nyi sia; kulisenyi wukiwa nyo mlai na osaaṟe; kuatuonyi; wutenyi nguwo tsanu tsose, ṟaenyi masaṟa shitsinyi shanu.

YESAYA 5:25

Nkyo kimaduma nyashi ya Ruwa yechiakia oshari loke nahende iluhoṟoya owoko loke, nalukape itane mafumvu hechidedema, mnying'a yalyo ilae njienyi tsa mṟinyi cha kyala kya mambuṟo; Hamu na isho nyashi yake ilehalukia haleshepfo, indi owoko loke luluhoṟuo itane wulalu.

YESAYA 9:12

Waashuru wawe kusonguo, na Wafilisti ora lo nduma, nawo wechidapfuna Israeli kui madumbu hamatambaṟuo. Hamu na isho shose nyashi yake ilehalukia kuleshipfo, indi owoko loke lui luhoṟuo itane wulalu.

YESAYA 9:17

Kui kipfa kya ikyo Mndumii echichihiyo kipfa kya wanake wawopfo, echisaṟia wangoeda ma wakusu wawopfo, kipfa orio mndu nyi afanyi ngafu, naichuo ngafu na orio olimi lokededa wutondo. Kimu na isho nyashi yake ilehalukia kuleshe-pfo, indi owoko loke lui luhoṟwo itane wulalu.

YESAYA 9:21

Manase nailya Efraimu, na Efraimu nailya Manase, nawo wa wawi handu hamu wechiwa huya Yuda. Hamu na isho shose nyashi yake ilehalukia kuleshe-pfo, indi owoko loke lui luhoṟwo itane wulalu.

YEREMIA 25:34

“Kapenyi kelewui nyo walisi, fihiṟenyi na ikuturunja ifunyi nyo wanene wa ipo; Kipfa kiheri kyanu kepfa kyatikiria, inyi njechimufunja shiteeno teeno, nanyo mochiomboka cha kihia kya mfuho.

YEREMIA 30:24

Nyashi ya Mndumii-Ruwa yechiwuya ndumapfo, mṟasa nainutsie kilya aṟeheṟie mrimenyi foke. Maheri hechicha mochimanya isho shose necha.”

YEREMIA 48:20

Moabu yasutso kipfa yafunjo, kapenyi kilio na ifihiṟa, onguonyi mbai ya meda fo Arnoni, ke Moabu yanyamaṟo kichikichi.

YEREMIA 6:26

Nyo wandu wako, ṟaenyi nguwo tsa makunyia na idamia kiidi kya mafu na ikapa kilio, cha kilio kya mana kimumu kilio kiwicho mnu, kipfa ichu aleduo wapfungo wa shida naicha huye yadu faṟa.

SHILIO 1:12

“A ngesa nyo mukuidia na njia musaṟawo kindo? Keambuyenyi! Kuwode mndu alemewado nyi fowa mrimenyi cha inyipfo, Mndumii-Ruwa alenjiendie, keambuya chandu njilewa indo lipiṟe.

EZEKIELI 21:12

Kapa kilio Iyo mndu, kyamba oshu lui huye ya wandu wako, luwekeri huye ya wanene wose wa Israeli. Wose iwa wahenda ipfo hamu na wandu wako, kapa kipeta kyapfo ko fowa.

EZEKIELI 30:2

“Iyo mndu! Wutase wuikimbi ochihamba Inyi Mndumii-Ruwa ngahamba kudi: ‘Kapenyi kilio mochihamba ochia nyi lodu mkonu fulya.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

MIKA 1:16

Nanyo wandu wa Yuda, odenyi ohaa, ifihiṟia wana wanu wakunde, landaṟenyi ohaa lonu lulandae cha lo owishi, kipfa wana wanu wadao wusingenyi kuleshe.

MAITALA 25:4

Kyasia Mndumii-Ruwa kawia Mose, “Duo wasongoru wose wa Waisraeli nowaotsuo oshangunyi loko kui na sa, kundu nyashi yako nawo isie.”