YEREMIA 4:6 - Bibilia Kui Mdedie fo Kimochi

⁶ Irienyi bendeṟa huye mhende Sioni; dichenyi mulakeleo, kundu lukukae kipuo; kipfa njiende mawicho wokia mtsudu, na orumatso lung'anyi mnu.

YEREMIA 4:6 ပူးပေါင်းရင်းမြစ်များ

YESAYA 62:10

Idenyi, Idenyi, mongonyi; Sungusienyi njia ya wandu; Sumenyi, sumenyi njia; kuṟuonyipfo maho; Hoṟotsenyi bendeṟa kipfa kya shishari sha wandu.

YEREMIA 10:22

Ṟu lyaichio. Mbonyi tsaluchea. Kuwode mtiṟi fung'anyi fuwuka ora lo mtsudu. Wandu wa isanga wawuka mtsudu wakeri icha, ihaluo mṟi ya Yuda iwe nuka ya msanga, kuwade mbako ya mapaara.

YEREMIA 18:11

Kyasia wulalu henda wia wandu wa Yuda na wenyi wa Yerusalemu ochihamba Mndumii nahamba adi njechiwumba mawicho huyanu, na makusaṟo huyanu, wuyenyi wulalu orio mndu nade mawicho, sungusienyi njia tsanu na mawuto hanu.

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 22:7

Njechiṟeheṟa wandu wenyamaṟa orio mndu na kisha kyake. Nawo wechimanya meresi yapfo njisambuṟe, na iikumba modonyi.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 4:21

Njiambuye bendeṟa mṟasa indii, njiicho ṟu lya iranda mṟasa indii?

YEREMIA 50:2

“Hamba kiidi kya mkambo, irienyi bendeṟa na ihamba, mlaṟike kindo ma kimu. Hambenyi: ‘Babeli yamewado, Beli nasutso, Merodaki naiṟewe; sanamu tsake tsasutso, maruwa hetsana hadedema.’

YEREMIA 50:22

Kifahio kya shida kiichio mṟinyi, kuwode inyamaṟo ling'anyi.

YEREMIA 51:12

Irenyi bendeṟa ya shida saṟikienyi njomombo tsa Babeli. Wanzenyi wuringi; wikenyi waringi; reheṟenyi isaṟikia. Mndumii-Ruwa nadumbuye na iawutsia, mbonyi adedie kya wenyi wa Babeli.

YEREMIA 51:27

Iria bendeṟa ya shida wuyanenyi, kapa taṟumbeta kiidi kya wandu wa mkambo; teseheṟa mkambo ikapana nao; laha mangi isaṟikia; mangi tsa Ararati, Mini na Ashkenazi. Wika mbahanyi sumhana nawo; ende frasi cha mapo ha nzihe.

YEREMIA 51:54

“Adanyia! Ofuho loichio luwuka Babeli! Mtiṟi fo orumatso lung'anyi lowuka orukenyi lo Wakaldayo.

YEREMIA 6:1

Dichenyi nyo wana wa Benyameni kundu mukie; wukenyi kiidi kya Yerusalemu, Kapenyi iranda kiidi kya Tekoa. Wikenyi kichano ipfo Beth-hakeremu; ambuya kuwode mawicho hang'anyi hakeri iimehiya hache ora lo mtsudu.

YEREMIA 6:22

Mndumii nahamba adi, “Ambuya, wandu waicha wawuka kiidi kya oruka lo mtsudu, na mamiingi fo mkambo fo wandu fochiamtso, fuwukie mtsitsionyi fo masanga.

EZEKIELI 9:1

Nalyo Mndumii-Ruwa kalaha ko ṟu ling'anyi madunyi hako kechihamba, “Nchonyi hafui nyo wehoṟokia mṟifu, orio umu nache na shisha shake mawokonyi.”

EZEKIELI 9:2

Naho kukacha wandu waṟandaṟu wawuka ora lo huye lo hekalu lilya na orio umu nawerie kisha kyake mawokonyi hake. Kiidi kyawo wawerianyi na mndu umu awerie nguwo ya kimamile sa njiili peṟu, ipfo owokonyi nawerie kindo keṟehiya. Wose wakaida na mba wakahoṟoka alya oshangunyi lo rasionyi lilisungusie ko aṟeṟa.

SEFANIA 1:10

Na kiidi kya mkonu fulya, Mndumii ahamba, kochiwada kifihiṟo mongonyi fo makunga na ifuha ling'anyi kihongo kya kawi, na mtiṟi fung'anyi fuwukie fumvuhu.

ZEKARIA 6:6

Igari lilya lya frasi njiiwu likakure likahenda ora lo mtsudu; na lilya lya frasi njiili likahenda ora lo kyukanyi igari lilya lya ifuifu likahenda ora lo nuka.