YEREMIA 4:31 - Bibilia Kui Mdedie fo Kimochi

³¹ Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 4:31 ပူးပေါင်းရင်းမြစ်များ

MAWOOKIONYI 27:46

Rebeka kawia Isaki, “Mrimenyi foko njiwode siapfo kipfa kya wanawo wa kika wa Hithi. Kokoya Yakobo aduo mka kiidi kya wana wa Hithi, cha wanawa wa kika wa oruka, kiira kya moo foko nkiki?”

YOBU 10:1

Ohendo loko lo moo lochisuiṟa! Njideda njechinunuwa kulawode monjiima. Kilya kitewa mrima foko fukawawa-njechikihamba.

SHIIMBO SHA DAWIDI 120:5

Ochia loko inyi! Kipfa njilekaa kiidi kya Mesheki; Ngahaluo handu hako hekaa makidi hawi ha mahema ha Kedari.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YESAYA 13:8

Nawo wechidedema, na wechiwawio cha mndu mka amlemo, ai hafui na iinengo mkoku, wechitukuyana meso; shamu shawo shechiwa shamu sha modo.

YESAYA 21:3

Kipfa kya ikyo njikeri iwawio itane shitsi shako shamanya, njikeri iwawio ili iwicho-wicho cha mndu mka ai kufui nainengyo mkoku; njiwawio mnu, njilaidime imanya ma iicho; njiichuo wuowu wung'anyi njilaidime iwona.

YESAYA 26:17

Cha mndu mka akapikie kiheri kyake kimandie, awodo nyi fowa na iwawio ling'anyi, nyi wudo luwei so oshangunyi lopfo hoi Mndumii.

YESAYA 42:14

“Mfiri ifoi njiwetsie sau; njiwetsie, ngakuima; wulalu njechifahia cha mndu mka ai kufui na iinengo mkoku; njechisumukia na idosa mosiro.

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YEREMIA 10:19

Ochia loko inyi Yerusalemu kipfa kya shifaṟe shako shi shiwicho mnu. Kyaindi njilehamba lohi iha nyi matuuro, kinjiwaṟi ikarishia.

YEREMIA 13:21

Iyo nkiki ochihamba, ili mandi ochiwika mbuya tsapfo tsiwe mdo huyapfo, kokoya iyo kumonyi nowaloshie ikaa huyapfo? Ngesa fowa yechikuwada cha mawawio, ha mndu mka ai kufui nafee?

YEREMIA 14:18

Ngahenda nja mndeminyi. Ngakoya mnying'a ya wandu wawahe shidenyi, ngaida na mṟinyi ngakoya mnying'a iwaahe nyi njaa! Waikimbi na wakohanyi watambahanyia mbonyi tsawo orukenyi, walamanye kindo waiwuta.’”

YEREMIA 15:18

Nkili maturo hako halasia? Kitewe shifaṟe shako shilachia, manya shikundi iṟundiopfo? Na kya lohi onjilemba? Cha kimeda kiumiaumia!

YEREMIA 18:21

Kui kipfa ikyo leka wana wawo wapfe njaa, leka oshu lowo luwahoye, waka wawo wapfiio nyi wana wawo, wawepfio nyi wamii wawo, wasoṟo wawo wawaho nyi ndaṟe mbicho, wanake wawo wawahiyo shidenyi. Kui oshu.

YEREMIA 22:23

lyo okekaa Lebanoni, okewika sungu yapfo kiidi kya mashidi ha meresi, nochikaa kui mosaṟio mnu, nochiwawio cha mndu mka ai kufui na ifee.

YEREMIA 30:6

Kuwesenyi wulalu na imanya: Ngesa, mndu msoṟo nechiidima ifee mana? Wulalu kyawa kida, njiwonyi orio, msoṟo nawode kitsi cha mndu mka awodo nyi mawawio hefee? Na shamu shawo shikailachika fana?

YEREMIA 45:2

“Mndumii-Ruwa, Ruwa o Israeli nahamba adi kyapfo iyo Baruku:

YEREMIA 48:41

Mṟi yake yechidao, njotiṟiwa tsechidao. Mkonu fo mrima ya wambahanyi wa Moabu, yechiowuo cha mndumka aifee.

YEREMIA 49:22

Ambuya mkituwa nechirunduka cha mbeṟo na iṟambatsa makungo hake huya Bosra. Mkonu fo mrima fo mbahanyi tsa Edomu fochiwada wuowu cha mndumka aifee.”

YEREMIA 49:24

Wandu wa Damasko wapfie mrima; wahaluka kundu wadiche; wuowu wung'anyi wowakoya, mawawio na fowa shawakoya cha mndumka aifee.

YEREMIA 50:43

Mangi o Babeli naicho mbonyi tsawo, mawoko hake hakawa cha mrewa. Nahoyo mawawio, kawado nyi okoṟa cha lo mndu mka akeri iendio mana.

YEREMIA 6:2

Mana o waka o Siyoni ai mcha mrendekeli, kyaindi njechimrumatsa.

SHILIO 1:17

“Ambuya njikeri iiriya mawoko hako huye, manya kuwode monjiwihiṟia moo pfo. Mndumii-Ruwa nyio alewuta wuwawaso ado kyako inyi Yakobo, wamṟasa wako wawe wakituwa wako, Ee, inyi Yerusalemu nyi ngawa kindo kidaa kowo.

SHILIO 1:20

“Keambuya wo hoi Mndumii-Ruwa chando njii mrohie. Mumuyo foko nyi fofana, mrima foko fukasokio nyi fowa. Kyamba nyi njilelekana na iyo ili iwicho. Kyamba ipfo nja nyi kuichuo wuwahi, na kunu mba nyi opfu tupu.

SHILIO 2:21

Mnying'a ya wanake na wameku ilee terinyi ipfo njiehu, wana wako wa kika na wa kisoṟo nyi walewoho ko oshu; ambuya nyi ulewaha kulawode isaṟia mkonu fulya fo nyashi yapfo.

HOSEA 13:13

Mawawio cha ha iwoneka lya mana nyi hakeri imchea. Kyaindi o nyi akeri mana mtondo, kiheri kikashika kya ifeo lya mana, oo nekeleha iwuka wusunyi wo mae.

MIKA 4:10

Lanye wandu wa Sioni, fihiṟenyi na ikukapa wanda cha mndu mka akeri ifee! Kipfa wulalu mochikure kiidi kya mṟi fu muhende ikaa patehu, mochihenda itane Babeli. Indi ipfo, mochikiṟo. Ipfo Mndumii nechimukiṟa mawokonyi ha wakituwa wanu.

MIKA 4:9

“Wulalu nki ili muifuha mukaichio ṟu ling'anyi? Ngesa, kuwode-se mangi? Ulya mosoṟa mbonyi nadekadeka. Moiria maṟu ha fowa, cha mndu mka aifee!

MIKA 7:1

Ochia loko! Chandu kii wulalu, kifanani cha ili wandu wamaa isambuo; kuwode ndunda tsakuwoka njitsilangie pfo. Nyi cha kiheri kyehaa zabibu, kuwode ma kidingo kimu kya zabibu kelyapfo!

MATAYO 21:5

Ambuya, mangi yapfo nyi ikuchea na kopfo ai, amoloru ambawe nyi nzoi na ihache lii imana lya indo lyekudika.”

1 WAKORINTO 9:16

Kyamba ma kikawa njiongwo ndumi ya sia ya okiio lyo linjiendie kiṟumipfo. Kyamba lyo limbode lii kitikima. Ochia loko kokoya ndaiongwo.

1WATESALONYIKYE 5:3

Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha.