YEREMIA 4:30 - Bibilia Kui Mdedie fo Kimochi

³⁰ Na iyo ili ochidao wupfungo, Nochiwika kuda Manya koṟaa nguo tsa kimande, na ikuchopa woṟaa sahabu, na ishia meso hapfo wuiwu nyi ukuloṟa ke nyi ui mcha kya wulya; wakunde wapfo wakumina na ikupiṟa waishiha ikusoka moo.

YEREMIA 4:30 ပူးပေါင်းရင်းမြစ်များ

2WAMANGI 9:30

Yehu kekishika Yezreeli, Yezebeli awemeshitsio mbonyi ko shilya shiwutikie. Kashia meso hake rangi na njui tsake naawo, kahenda itiṟishenyi kaambuya wandu.

MFANANO 6:25

Ulalange wucha woke mrimenyi fopfo, Ma kulaidikie nakuwade na mbawa tsa meso hake.

MFANANO 7:10

Ambuya, mndu mka umu kamkoya, Naṟee nguwo tsa wumeluki, namṟango maama mrimenyi

YESAYA 10:3

Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YESAYA 20:6

Na menyi kanyi oruka lo wambaṟa ya ipalyipalyi nechideda kya mkonu fo, ambuya ishi nyi shilya shilekoya wandu walya luwekusiṟie, walya lulewadichia, na lulewadichilia kundu nalukiṟe na mangi o Ashuru; a so lochiidima luda ikia ngesa?”

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

YEREMIA 13:21

Iyo nkiki ochihamba, ili mandi ochiwika mbuya tsapfo tsiwe mdo huyapfo, kokoya iyo kumonyi nowaloshie ikaa huyapfo? Ngesa fowa yechikuwada cha mawawio, ha mndu mka ai kufui nafee?

YEREMIA 22:23

lyo okekaa Lebanoni, okewika sungu yapfo kiidi kya mashidi ha meresi, nochikaa kui mosaṟio mnu, nochiwawio cha mndu mka ai kufui na ifee.

YEREMIA 30:14

Wakunde wapfo wose wakuhadimie, wasaṟie kindo kyapfo kyose pfo, ngakukapa ngapo ya mkituwa, kokapo kulawode isaṟia, kipfa deko lyapfo nyi ling'anyi; njonyamaṟo tsapfo nyi tsifoi mnu.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

SHILIO 1:19

“Ambuya nyi njilelaha wakunde wako, kyaindi wakanjilehia. Wakohanyi wako na wameku wako, nyi walepfiiya mṟinyi, wechipfula kelya, kundu kiwawihiṟiye moo.

SHILIO 1:2

Nyi wakeri ifihiṟa kio kyose mchenyeṟe ikeri ipusuka. Ambuya kuwode manya umu o wambuya wake akeri imsaṟiapfo. Mbuya tsake twose nyi tsilemṟiingia wose nyi walehaluka wakituwa wake.

SHILIO 4:17

Lukaarohiyo ilaa dembo lochiweda moiluikanyia, lukalaa dembo lochiweda mkambo fo wandu wechicha ilukiṟa lulawone.

EZEKIELI 28:13

Nyi uwekeri Edeni mdeminyi fo Mndumii-Ruwa. Nyi uwei mchope ko orio kindo kii kicha kyose akiki, lopazi, yaspi, zabarajadi, berili, sardoniki, yakuti, samawi, almasi na zumaridi nuwemchope ko sahabu. Isho shose nuwemteseheṟie kiheri kya iwumbo.

EZEKIELI 28:9

Ngesa, nochekutanase ke iyo nyi Ruwa. Oshangunyi lo iwo wakeri ikuwaha? Mawokonyi ha iwo wakeri ikumarisa, Kyaindi nochihenda imanya ke iyo nyi mndu owandu tupu manya ukeri Ruwapfo.

OBADIA 1:7

Wandu wose muweidikianyi nawo, Walekufuna, itane mṟasenyi; walya walewada ofoṟo na iyo nyi ofoṟo walekulemba, na ikurohia; Walya wekelya mkate fopfo wawikie mdeho shiyapfo; Ma awode mahiyo ha isho kiidi kyakepfo.

WAEBRANIA 2:3

Nyi wuda lochituruchukia-ho so ili loilaala okiio lung'anyi ludi? Nalo kimaenyi kyalo nyi ipfo kundo luleongoyo nyi Mndumii lukaweluwanzio so nyi walya walemwicho.

OTAMBAHALUO LO YOHANE 17:13

Iwo wose ikumi na umu wawode mhie fumu wechidambikya indo lyo pfinya na wuikolonyi wowo wose.

OTAMBAHALUO LO YOHANE 17:2

Nyi wamangi wa masanga waleṟuhuya nao na walee ipfo masangenyi wakahenda inanzo nyi mpfinyo fo wuṟuhui woke.”

OTAMBAHALUO LO YOHANE 17:4

Na mka chu aweṟee mṟae ya king'aring'ari na ya samu awei-mchope na sahabu, na shiho sha ngesa na ngisa tsa leṟi. Ipfo owokonyi loke awewode kirahu kya sahabu kiichuo mapfulutsa mrima na materefutsa ha wuṟuhui woke.