YEREMIA 4:20 - Bibilia Kui Mdedie fo Kimochi

²⁰ Orumatso numa ya orumatso lomehambo, kipfa oruka lose lunyamaṟikie; mahema hako hawado shidenyi na shitambaa sheshikia matiṟishenyi shadao kui oweṟe.

YEREMIA 4:20 ပူးပေါင်းရင်းမြစ်များ

SHIIMBO SHA DAWIDI 42:7

Oṟoo la Nduwa lofahya na oṟoo lungi lo nduwa cha ṟu lya mṟinga fuisoka osanja lung'anyi Mfu fo mṟinga na masinanu haida huyako.

SHIIMBO SHA DAWIDI 72:19

Rina lyake inene lichiko mlungana, wuyana wose wuichuo wuitoṟi woke. Ameni na Ameni.

IWUKA 33:5

Mndumii-Ruwa kawia Mose, “Wia wana wa Waisraeli, Nyo nyi wandu muwode ngoo njiumu; kokoya ngaida na kiidi kyanu oweṟe lumu, njechimrumatsa; kyasia wulalu kuatuonyi shindo shanu sha wulole kundu njiidime imanya kindo njechimuwutia.”

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 15:5

Mrima foko fuifuhia Moabu; wanene wake waidichia Soari cha ihache lya maka iṟaṟu; kipfa wakeri ido owarihu lo Luhiti wefuha; kipfa kiidi kya njia ihendie mṟasa Horonaimu waikalahatsa maṟu helehela.

YESAYA 33:20

Ambuya Sioni, mṟi fonu fosia moo; meso hapfo hechiwona Yerusalemu fuwe mṟi fowada sia; ihema lileṟaha-ṟaha; njomambo tsalyo tsilechikuṟuyo, na shiwoho shalyo shilechidumbuka.

YESAYA 47:9

Kyaindi nomanye ke ishi shechikuhoya oweṟe lumu, mfiri fumu nopfio nyi wana na icheyo nyi wukusu; shechikuhoya mkonu mteṟie, wusawi wopfo ma wuwechifo na wuhanga wopfo wukang'ana.

YESAYA 54:2

“Engeṟa handu ochiwika hema lyapfo, waale nguwo tsa handu hekoyana; kulawaime, engeṟa wuleshe wo shiwoho shapfo; kundu shiwanze shidi sha hema lyapfo.

YEREMIA 12:11

Wakalihaluo mrapu, kui kipfa ikyo, linjifihiṟia oruka lose lowa mrapu, kipfa kuwode mndu alewika isho mrimenyi foke-pfo.

YEREMIA 17:18

Wahutsio sonu wose wainjipfulutsa, indi inyi njilahutsio sonu. Wawado nyi wuowu wung'anyi, indi inyi njilaowuo noende huyawo, mkonu ya wukiwa nowarumatse wakombeke kombi.

YEREMIA 4:21

Njiambuye bendeṟa mṟasa indii, njiicho ṟu lya iranda mṟasa indii?

YEREMIA 4:27

Kipfa Mndumii nahamba adi “Oruka lochikapa kilio na ngina tsiiwuo;

YEREMIA 4:6

Irienyi bendeṟa huye mhende Sioni; dichenyi mulakeleo, kundu lukukae kipuo; kipfa njiende mawicho wokia mtsudu, na orumatso lung'anyi mnu.

YEREMIA 9:18

Wakambiṟe owinyi wechifuha, kundu mchenyeṟe yadu ifo, na mbawa tsa meso hadu tsishingo nyi mchenyeṟe.

SHILIO 3:47

Shindo shioweshie na wuowu nyi shioshanyi naso, lukohoyo nyi ngapo na irumatso.

EZEKIELI 14:21

Mndumii-Ruwa nahamba, “Njikeṟi idika ngapo tsing'anyi tsina, mṟinyi fo Yerusalemu natso nyi shida, njaa, mando ha ngeṟenyi mawicho, na ndaṟe ya makokoi, natso tsihende irumatsa wandu na shindo shii na moo.

YOELI 1:15

Ochia lodu kya mkonu fulya fo Mndumii-Ruwa, mkonu fulya fo Mndumii-Ruwa fotikiria; fuicha handu hamu na orumatso, fuwuka ko Mndumii-Ruwa.

WALEWI 26:18

Na manya numa ya ikapo mudo, mochinjiichopfo, kyasiang'u njechimukapa ka mfungade ngoseṟa kipfa kya manyamaṟo hanu.

WALEWI 26:21

“Mukaengeṟa injikaṟuo na ileha injiicho, njechiengeṟase ngapo tsanu ka mfungade chandu wunyamaṟi wonu wufoi.

WALEWI 26:24

kyasia, na Inyi njechiwingana nanyo na imuengeṟia ngapo ka mfungade ngoseṟa kipfa kya wunyamaṟi wonu.

WALEWI 26:28

kyasia na Inyi njechiwingana nanyo kui nyashi ing'anyi, njimukape Inyi njimonyi ka mfungade ngoseṟa kipfa kya njonyamaṟo tsanu.

HABAKUKI 3:7

Ndewona mahema ha Kushani wukiwenyi; Shitambaa shemasa sha oruka lo Midiani shikadedema.

MAITALA 16:21

“Lekanenyi na wanduwa, njiwakombetse wulalu kudi.”

MAITALA 16:45

“Kaa haleshe na wandu wa njiwakombetse wulalu kudi! Kyaindi wo wakakukumba wanda na kyamu.”

MATAYO 10:28

Nanyo ma mlaowuo walya wewaha mbihu kya indi mrima-fo walaidime ifuwaha. Keengeṟenyi yowuo ichu moidima idetsa na mrima na mbihu handu hamu ii iwi idekye kulya Gehena.

2WATESALONYIKYE 1:9

Wo wechiwonyo kyewahoṟuo kyewaendie mawawiṟo ha mlungana ipfo oshangunyi Mndumii na ipfo wuitoṟinyi wo pfinya yake.