YEREMIA 4:16 - Bibilia Kui Mdedie fo Kimochi

¹⁶ Wienyi wandu wa mkambo mbonyi; ambuyenyi, onguonyi kya Yerusalemu, Wakituwa wacha wawuka oruka lo kuleshe waideda kya mṟi ya Yuda.

YEREMIA 4:16 ပူးပေါင်းရင်းမြစ်များ

YESAYA 34:1

Tikirienyi, nyo mkambo fo wandu, muidime iicho; adanyienyi, nyo njoshari tsa wandu; wuyana wuicho, na ikyo kiwuichuṟie, oruka na shose shekewuto nyi lo.

YESAYA 39:3

Naalyo Yesaya mwikimbi kahendia mangi Hezekia kambia, “Wandu-wa walehamba kiki? Nawo nku wawukie wakacha na kopfo?” Hezekia kahamba, “Wawukie oruka lo kuleshe, wakacha wawuka Babeli.”

YEREMIA 1:15

Kipfa njechilaha shishari sha wumangi wuka mtsudu.” Mndumii ahamba, “Wechicha na orio mndu nawike loṟika loke lo wuitoṟi oo kufui na Mongo foida na Yerusalemu, na iambuya sumuhana na mawanda hake njora tsose na iambuyana na mṟi yose ya Yuda.

YEREMIA 16:6

Wose wang'anyi na watutu wechipfa. Kiidi kya orukalu; wechiṟiko-pfo, kochiwoneka mowakapia kilio pfo, kuwode mokusaṟasaṟa na iwuta njui tseawuka pfo.

YEREMIA 2:15

Miiso njikoho tsiṟuṟuma kipfa kyake, tsapoṟohoṟa mnu na ṟu ling'anyi; tsikatewa oruka lukadeo mrapu, Mṟi ikasaramaya ilawode wandu.

YEREMIA 31:10

Lanye mkambo fo wandu adanyienyi idedo lyako inyi Mndumii-Ruwa, oguonyi njorukenyi tsa kuleshe, hambenyi, ‘Ichu alenanatsa Israeli, nechimsanyia, nechimringa cha mlisi aiambuya machondi hake.’

YEREMIA 39:1

Kushikie meri fo ikumi fo maka fo kenda fo wuchili wo Sedekia mangi ya Yuda, Nebukadneza mangi ya Babeli kashika na ichekeṟo lya shida lyose icha isaṟikia mṟi fo Yerusalemu, kafutengetia.

YEREMIA 4:17

Cha wandu wairinga mdemi, wafutengetie riti, kipfa walenjileha inyi, Mndumii ahamba.

YEREMIA 5:15

“Ambuya njechiende mkambo fo wandu fuwukie haleshe mnu iyo mba ya Israeli: Mndumii ahamba; nyi wandu waapfinya, nyi wandu wa mkambo fo kacha, mkambo fo wandu ulaichi kishomo kyawo, ma kulaichi kilya wadeda.

YEREMIA 5:6

Kipfa ikyo mwiso fuwukie ngeṟenyi fochiwawaha, kisii kechiwadeha kiukanyi, rumu lyechilaaya mṟi yawo, orio motambahana iwukapfo nechitufuyotufuyo nasie; kipfa madeko hawo nyi hafoi na iwuya, numa kowo nyi kuengeṟekie.

YEREMIA 50:2

“Hamba kiidi kya mkambo, irienyi bendeṟa na ihamba, mlaṟike kindo ma kimu. Hambenyi: ‘Babeli yamewado, Beli nasutso, Merodaki naiṟewe; sanamu tsake tsasutso, maruwa hetsana hadedema.’

YEREMIA 6:18

Kui kipfa kya ikyo adanyienyi, nyo wandu wa mkambo, mumanye nyo mukuwumbie, nkiki kekaa kihoye kiidi kyawo.

YEREMIA 6:19

Adanyia iyo Oruka; uambuye, njechiende mawicho huye ya wandu wa, ee da ndunda tsa mahiyo hawo, kipfa walaleicho madedo hako; na kya ngoseṟa mbonyi tsa wuwawaso woko wakaleha.

YEREMIA 6:22

Mndumii nahamba adi, “Ambuya, wandu waicha wawuka kiidi kya oruka lo mtsudu, na mamiingi fo mkambo fo wandu fochiamtso, fuwukie mtsitsionyi fo masanga.

YEREMIA 6:23

Wewada uda na pfumu wai waneesi na pata, wawode isaṟiapfo; maṟu hawo hekeṟuṟuma cha ipalyipalyi, orio umu nadoye huya frasi yake; wai cha wandu wa shida wakuṟeheṟie, icha kopfo iyo mana o Siyoni!

YEREMIA 8:19

Aikyo kilio kya wandu wako, kyaichuo orukenyi lui kuleshe mnu, ngesa Mndumii ai kiidi kya Sioni? Mangi yake ii kiidi kyake? “Nyi kitewe kya iki wanjipfulutsa nyashi na ofano lowo walepacha, na iwuta sha wukika sha wahenu?

EZEKIELI 21:22

Kii kidi mfi fulya fuolongie Yerusalemu fukaolokia owoko loke lo kulyo; Koikyo kateseheṟa shisha shewunduo mṟi fulya, kawewawasa shifahiyo sha shida shiwoke, na oshu lukundi hoya mṟi fo, kuwewikopfo mafoo na njomombo tsechitengetia mṟi fo.