YEREMIA 4:13 - Bibilia Kui Mdedie fo Kimochi

¹³ Ambuya! Mkituwa opfo nechido huye cha mapuchi, na magari hake ha shida hechiwa cha kiwiriwiri, farasi tsake tsiichi iwikia mteṟa kota owishi. Ochia lodu! Kipfa lunyamaṟikie.

YEREMIA 4:13 ပူးပေါင်းရင်းမြစ်များ

2SAMWELI 1:23

“Sauli na Yonathani, wawei wandu wawakunde na weṟihisha; wawei wamu kiheri kya moo na kiheri walepfa. Wawei waweṟeshu kota owishi, na wawewode pfinya kota miiso.

YESAYA 13:5

wandu wawukie oruka lo kuleshe wokia ora lo mtsitsioni fo ngina; ee Mndumii na shisha sha nyashi yake kundu narumatse oruka.

YESAYA 19:1

Otambahaluo lo Misri. Ambuya Mndumii nado na ipuchi liangu, nashika Misri, na sanamu tsa Misri tsidedema oshangunyi loke, na mrima fo Misri fosalaa.

YESAYA 3:8

Kipfa Yerusalemu yamewunduyo, Yuda wakaoloka, kipfa madedo hawo na mawuto hawo, hai kihadi na Mndumii mṟasa hasuiṟa meso ha Mndumii.

YESAYA 5:28

Mfi yawo injohi, na wuda tsawo tsinjileme; mbahachu tsa frasi tsawo tsi njiumu cha maho; Oṟo tsa magari hawo tsi cha otanu luapfinya;

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

YEREMIA 10:19

Ochia loko inyi Yerusalemu kipfa kya shifaṟe shako shi shiwicho mnu. Kyaindi njilehamba lohi iha nyi matuuro, kinjiwaṟi ikarishia.

YEREMIA 4:12

Nyi otanu sa luapfinya kota tsose lochicha kipfa kyako; wulalu inyi njechianduo kipfa kya ikyo.”

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 46:18

Inyi ngalya nyamu ko moo foko, njihamba inyi nyi mangi njekelaho Mndumii-Ruwa Menyi Matorito, na lohi mkituwa naicha imusaṟikia. Nyi kya lohi chandu Tabori fui fumvu, chandu Karmeli fumvu lekewono kuwuka ipalyipalyinyi.

YEREMIA 48:40

Mndumii-Ruwa nahamba adi; “Ambuya, mkambo fo wandu wechirunduka, na itowokia wa Moabu, cha owishi, lualie makungo halo.

YEREMIA 49:22

Ambuya mkituwa nechirunduka cha mbeṟo na iṟambatsa makungo hake huya Bosra. Mkonu fo mrima fo mbahanyi tsa Edomu fochiwada wuowu cha mndumka aifee.”

YEREMIA 6:23

Wewada uda na pfumu wai waneesi na pata, wawode isaṟiapfo; maṟu hawo hekeṟuṟuma cha ipalyipalyi, orio umu nadoye huya frasi yake; wai cha wandu wa shida wakuṟeheṟie, icha kopfo iyo mana o Siyoni!

YEREMIA 9:19

Kipfa ṟu lya kilio liichio liwuka Sioni. Losaramaya nakamu! Luwodo nyi sonu tsing'anyi! Kipfa luleda oruka lodu! Kipfa walenyamaṟa handu hadu hekaa!”

SHILIO 4:19

Walya waweluosha wakaanguo kota owishi, wakalufuna ipfo mafumvuhu, wakawelutukia ipfo kundu ko nuka.

EZEKIELI 26:10

Kyamba Nebukadneza narie frasi sa tsifoi, kiluli kyo tsechidutsa nyi king'anyi nakyo nyi kechikushikia, njomombo tsapfo nyi tsechidihinyitso nyi ṟu lya mbahanyi tsake, na makari ha shida ili mandi wechiida mongonyi ya mṟi fopfo cha ili mandi waida na mṟinyi fuwundukie wundukie.

EZEKIELI 38:9

Ambuya nyi ochihenda oweṟe usokie orukalo cha otanu lung'anyi uwehenda ilushikia cha ipuchi, iyo na mbahanyi yapfo na wasoṟo walya wengi warianyi hamu na iyo.

DANIELI 11:40

“Na kiheri kya ifurumia mangi ya nuka nyi echihodana nao; na mangi ya mtsudu nyi yechimkapa na otanu lo kiwiriwiri, hamu na magari ha shida, na wandu wa frasi, na merikebu tsifoi; nao nyi echiida kiidi kya njorukatso kui pfinya na iida kiidi.

DANIELI 7:4

Lya kuwoka liwefananyi na mwiso liwewode makungo cha owishi; ngaambuya, makungo halya hakairiya mberi, likairo huye, likahoṟotso na madende hawi cha mndu; likainengo mrima fo mndu.

HOSEA 8:1

Kapenyi iranda! Kyamba mkituwa nyi aicha cha mbeṟo, nasokie mba ya Mndumii-Ruwa, kyamba nyi waletehiya mkundana foko, wakaweleha wuwawaso woko.

MIKA 2:4

Kiheri kyo wandu wechimutaluo ko shiimbo, wechifihiṟa na ikapa kilio kwi iwawio wechihamba, “Losaramaya piu, Mndumii-Ruwa naduo oruka lodu, ee da! Naluwuta mawokonyi hadu. Madema hadu nahawia walya waleluduo wupfungo.”

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

HABAKUKI 1:8

Frasi tsawo tsinjiangu kota rumu, nyi tsilang'a kota shisii sha kiukanyi, wenyi frasi wekekudosa ke frasi tsawo tsiichi irunduka cha mbeṟo yeshiha kelya.

ZEKARIA 6:1

Ngairia meso hako, ngawona magari haana ha shida hawuka kiidi kya mafumvu hawi, mafumvu ha hawei ha aṟeṟa.

MATAYO 24:30

Mandi nalyo kiṟingishyo kya Mana o mndu kikuloṟe alya ruwehu. Na mbaṟi tsa wandu wa kunu orukenyi tsiwefihiṟa tsose. Nawo wawone Mana o mndu kecha akeri huya mapuchi ha ruwehu ai na pfinya ing'anyi na wusuṟi.

NGUMBUO YA MAWAWASO 28:49

“Mndumii-Ruwa nechiende mkambo fumu fo wandu kuwuka kuleshe fumupufukie owicho cha mbeṟo, mkambo mulaichi manya mdedie fowo.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.