YEREMIA 4:10 - Bibilia Kui Mdedie fo Kimochi

¹⁰ Na inyi ngahamba, “Hoi Mndumii-Ruwa! Na kya lohi omelemba mnu wanduwa na Yerusalemu kochiwawia! Mochiwada ofoṟo; indi oshu lomeida kiidi kya mrima ya wandu-wa!”

YEREMIA 4:10 ပူးပေါင်းရင်းမြစ်များ

IWUKA 5:22

Mose kawuuya Mndumii-Ruwa, kahamba, “Mndumii-Ruwa nki ili kulewutia wanduwa mawicho? Nki ili kulenjiduma inyi?

IWUKA 9:14

Kyamba kiheri ki njiende ngapo tsako tsose huya mrima fopfo, na huya waṟundi wapfo, na huya wandu wapfo; kundu nowuteho imanya ke kuwode ungi cha inyi kunu wuyanenyi kosepfo.

YESAYA 30:10

Wekewia walya waloṟi, mulawone; na waikimbi, ma mulaikimbe kindo kii lohi, luwienyi madedo mahoo, onguonyi madedo helemba;

YESAYA 37:35

‘Inyi njechiringa mṟifu, njifukiṟe kipfa kyako njimonyi, na kipfa kya Dawidi, mṟundi oko.’”

YESAYA 63:17

Alewo Mndumii nkili oludetsa njia tsapfo kolutewa lukaumiṟa mrima yadu lulakuowuo hoi, wuya kipfa kya waṟundi wapfo, oshari lo kyoṟa kyapfo.

YEREMIA 1:6

Nalyondo njilehamba, “Hoi, Mndumii-Ruwa! Ambuya, njechiidima ideda-pfo kipfa inyi njii mana mtutu.”

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 32:17

Hoi Mndumii-Ruwa, nyi iyo kumonyi kwi pfinya tsapfo tsing'anyi na wuidimi wopfo, kulewumba ruwehu na oruka.

YEREMIA 4:18

Mawuto hapfo na ohendo lopfo lokuendie ishi, iwu nyiwo wuwicho wopfo, kipfa wui wuwawo, nylohi wushikie kiidi kya mrima fopfo.

YEREMIA 5:12

Wo nyi waleleha Mndumii wehamba, “Chio-pfo ma kuwode mawicho hechilukoya-pfo, lochikoyana na oshu manya njaa-pfo.

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 8:11

Kipfa nyi walechiṟa matiinga ha wandu wako huyehuye, wechihamba kuwode ofoṟo, nalo lulaipfo.

SHILIO 2:21

Mnying'a ya wanake na wameku ilee terinyi ipfo njiehu, wana wako wa kika na wa kisoṟo nyi walewoho ko oshu; ambuya nyi ulewaha kulawode isaṟia mkonu fulya fo nyashi yapfo.

EZEKIELI 11:13

Nahong'u kiheri njiwewuta wuikimbi wulya kudi Pelatia mana o Benaya kaoloka kapfa. Nalyo na inyi ngaoloka wanda na kyamu ngafihiṟa ko ṟu ling'anyi njechihamba, “Hoi Mndumii-Ruwa nocha ikombetsa wana wa Israeli waletsuhaa?”

WAROMA 1:24

Nkyo kitewe Ruwa alewalekia wahende dao nyi lango tsawo tsewaduo ngafunyi washike yendye mbihu yawo wusutsu kowo wawenyi.

WAROMA 1:26

Nkyo kimaduma Ruwa alewalekia wahende iwado nyi wulanga wuendie wusutsu; na waka wawo wakailacha mbutie fulya fuwaṟi na sa fulawaṟi.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.