YEREMIA 4:1 - Bibilia Kui Mdedie fo Kimochi

¹ Kokoya okunda iwuya, iyo Israeli, Mndumii ahamba, “Nochiwuya na koko inyi; na kokoya okunda iwuta ngafu ii kidi kyapfo, ilakae kufui na iyo nyi ochikia.

YEREMIA 4:1 ပူးပေါင်းရင်းမြစ်များ

MAWOOKIONYI 35:2

Kyasia Yakobo kawia wandu wa mba yake, na wose wawei hamu nao, “Irenyi maruwa mahenu hai kiidi kyanu, mukuheṟemtse, muilache na nguo tsanu.

2WAMANGI 23:13

Mangi kawefanyitsa ngafu handu heterewa hawei ora lo ngamenyi lo Yerusalemu kuhendesanyi na ora lo fumvu lya njonyamaṟo, handu mangi o Israeli awewikie kui kipfa kya Ashtarothi, kirumo kya Wasidoni, Kemoshi kiṟumo kya Moabu na ngoseṟa Milkomu kiṟumo kya Waamoni.

2WAMANGI 23:24

Mangi Yosia kundu naidime iwuta wuwawaso wulya wuwei wuiṟehie kiidi kya kitapu kilya kilewono nyi mkohanyi menene Hilkia kiidi kya mba ya Mndumii-Ruwa le, nalefuna orukenyi lo Yuda na Yerusalemu, wasawi, waikimbi wa wongo, sanamu tsa maruwa ha wongo, na sanamu tsingi hamu na shindo shose shesuiṟa.

2MBONYI TSA MAHERI 15:8

Kyasia, Asa kaicho madedo ha mwikimbi Azaria, mana o Obedi, kawanzo mrima. Kawuta sanamu tsilya tsesukiṟa tsiwekeri orukenyi lo Yuda na Benyamini, na iwuka mṟinyi yose aleiwada shidenyi kiidi kya mafumvu ha Efraimu. Kawesungusia ko wuhya rasio lya Mndumii-Ruwa, kulya kiṟihenyi kya osehu kya hekalunyi lya Mndumii-Ruwa.

2MBONYI TSA MAHERI 33:8

Na kokoya wandu wa Israeli wechikunda iwuta shose njiwawasie, na iindia mdumbuye yako yose, sa mṟundi oko Mose alewainenga, kyasia njechiwada male wafuno iwuka kunu orukenyi sa njileinenga wasahuye wawo-pfo.”

2MBONYI TSA MAHERI 34:33

Mangi Yosia karumatsa sanamu tsilya tsose tsesukiṟa tsiwei kiidi kya wandu wa Israeli, na itutuma wandu wose wa Israeli, waindie Mndumii-Ruwa, Ruwa o wasahuye wawo.

YESAYA 31:6

Halukienyi ichu mulemleha nyo wana wa Israeli.

YEREMIA 15:19

Mndumii-Ruwa kahaluo: “Kokoya ochiwuya njechikuwihiṟia chando uwei mboko, na iyo unjiṟundie-se. Kokoya odeda madedo hawode wuṟango halai ha wutondo, nochiwa mdedi oko. Wandu wecha ikusanza na iyo ma chi iyo ochihenda iwasahia pfo.

YEREMIA 15:4

Njechimuhaluo kindo keowesha kiidi kya wamangi wose wa wuyana, kipfa kya mbonyi tsa Manase mana o Hezekia, alewuta ipfo Yerusalemu lilya awei mangi ya Yuda.

YEREMIA 18:11

Kyasia wulalu henda wia wandu wa Yuda na wenyi wa Yerusalemu ochihamba Mndumii nahamba adi njechiwumba mawicho huyanu, na makusaṟo huyanu, wuyenyi wulalu orio mndu nade mawicho, sungusienyi njia tsanu na mawuto hanu.

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 25:5

Kahamba wuyenying'u wulalu orio mndu nade ohendo loke luwicho na mawuto hanu mukae kiidi kya oruka lu Mndumii alemuinenga nyo na wandeanu wokia kacha mṟasa mlungana.

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 3:14

“Wuyenyi nyo wenyi mtolo nyo wana wedeko; Mndumii ahamba, kipfa inyi nyi mii onu; na inyi njechiwuta mndu umu, o mṟi fumu na wawi wa mba imu, na inyi njiwaende mṟasa Siyoni.

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 36:3

Kofia wandu wa Yuda wechiicho kya mawicho halya hose njikusirie iwawutia, kundu orio umu nade ohendo loke luwicho, na inyi njiidime iwahoṟia madeko hawo na wunyamaṟi wowo.”

YEREMIA 4:4

Halukienyi Mndumii cha wandu wadine mrima nyo wandu wa Yuda na wenyi Yerusalemu; nyashi yako ilamkooye cha modo, ikaaka kulawode mndu moirumisha, kipfa kya wuwicho wo mawuto hanu.”

YEREMIA 7:3

Keadanyienyi-wo idedo lya Mndumii-Ruwa. Mndumii-Ruwa menyi matorito ai Ruwa o Israeli, nyi ahambie adi, ‘Mukuitike ichumia mchumie isumhanyi na iwuta mawuto mecha, na inyi njide handu-ho mukae-pfo.’

YEREMIA 7:5

“Kipfa kokoya mokuitika ichumia mchumie fusumhanyi na iwuta mawuto mecha, mochimanyisha chile lohi ipfo wandunyi handu mndu aanduyana na ungi;

YEREMIA 7:7

Na inyi njimude handu-ho, mkulaye orukalu njileludambikia wandeanu wokia mbooko itane mlungana.

EZEKIELI 11:18

Ili mandi mochiwuya njechiwutapfo orio kindo kyose kisuiṟie na ngafu tsose.

EZEKIELI 18:13

nawei mndu ekeakuya wandu kundu nawone ngeria. Ngesa mndu cha ichu neidima ikaa na moo? Echiidima ikaa na moo pfo. Kipfa kya mawuto ho hose mawicho owutie nechipfa kyaindi nyio amonyi akuendie opfulo.”

EZEKIELI 43:9

Kyaindi wulalu wahende ida iindia sanamu tsawo, wawehenda iiwuta mnying'a ya wamangi wawo wechiiduo haleshe na inyi, nyi lyo njechihenda ikaa kiidi kyawo mlungana.

HOSEA 14:1

Wandu wa Samaria nyi wechikapo ko ideko lyawo, kyamba nyi walelekana na Mndumii-Ruwa owo, nyi wechiwoho ko oshu, shiwana shawo nyi shechipoṟipotso, na waka wawo wakapikie nyi wechirandulio.

HOSEA 2:2

Dediyenyi mayanu, mdediyenyi, kipfa wulalu o chi mka okosepfo, manya inyi chi mii okese-pfo. Mdediyenyi nalekane na iṟuhuya lyake, nalekane na wumeluki woke.

HOSEA 7:16

Ambuya, nyi walehalukia maruwa hengi, wakawa cha uda wulekeidima iṟunda, Wanene wawo nyi wechipfa ko oshu, kipfa kya madedo hawo hekudosa dosa, Kipfa kya ikyo nyi wechisalucho orukenyi lo Misri.

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.

NGUMBUO YA MAWAWASO 27:15

‘Naseso mnducho oose ekesungusia sanamu yepacha ang'u yetsana na iihoṟotsa ko kiṟika, kindo kikisungusie na mawoko ha wuaria kisukiṟie Mndumii-Ruwa, Ruwa onu.’ Na wandu wose waidikie, ‘Ameni!’

NGUMBUO YA MAWAWASO 4:30

Shindoshi shose ilyi shechimuhoya ipfo mkalya wukiwa, mochiwuuya Mndumii-Ruwa, na imuindia.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

WACHILI 10:16

Kiidima wakaṟukuta maruwa halya mahenu kuleshe, wakawuya isingia Mndumii-Ruwa menyi matorito. Mndumii-Ruwa nalaidime itirisia ngoseṟa iwona wukiwa wo wana wa Israeli wailiso.

1SAMWELI 7:3

Samweli kawia Waisraeli, “Kokoya mowuya Mndumii-Ruwa na mrima fonu fose kimuwaṟi muwute ipfo kiidi kyanu maruwa mahenu na sanamu tsa Ashtarothi. Halukienyi Mndumii-Ruwa kui mrima fose na imṟundia o amonyi tupu, nao nechimukiṟa kuwuka mawokonyi ha Wafilisti.”