YEREMIA 39:4 - Bibilia Kui Mdedie fo Kimochi

⁴ Sedekia mangi ya Yuda na Waasikari wake wose wekiwawona, wakasheṟuka. Wakawuka nja ya mṟi kio, wechiidia mdeminyi fo mangi, kichuminyi kya makidi hawi ha njomombo tsiwi, wakahenda ora lo Araba.

YEREMIA 39:4 ပူးပေါင်းရင်းမြစ်များ

2MBONYI TSA MAHERI 32:5

Mangi Hezekia katumuhaṟa mrima foke, kasungusia ko uhya omombo lose sa luwewundukie, kawika na mnaṟa ifoi huyake. Kasungusiase omombo lungi kya nja, na ikaṟa kihongo kelaho nyi Milo kiidi kya mṟi fo Dawidi. Ngoseṟa ya isho, kawesungusiase shihia shekapana shida na ngao tsifoi.

YESAYA 22:11

Nanyo mulewika nduwa ya mṟinga kiidi kya njomombo tsiwi, yewika mṟinga fo nduwa ya kacha; kyaindi mulaambuye ulya alewuta isho, ma ikusaṟa kya ulya aleṟunda kuwoka-pfo.

YESAYA 22:3

Wanene wapfo wose wadichie handu hamu; Wai wapfunge walawade wuda. Wose walewono wai wapfunge kimu, Wadichie haleshe mnu.

YESAYA 29:2

nlyo njechisuiṟa Arieli; kochiwada kifuhiyo; nao nechiwa koko cha Arieli.

YEREMIA 32:4

Sedekia mangi o Yuda, echiidima ikushowa alechiwiko mawokonyi ha Wakaldayo pfo, nyi lohi nechidao mpfungo na mangi o Babeli, nechiwonana nao oshangu kwi oshangu na ideda nao kyamu ko kyamu.

YEREMIA 32:5

Sedekia nechidao mṟasa Babeli, nao nechikaapfo mṟasa njikusaṟe kiwungi. Ma kokoya Sedekia nechikapana na Wakalidayo echiwingapfo.”

EZEKIELI 12:12

Nao mangi chu ai kiidi kyawo nechikudika ṟio lyake makosohu hake ili kio, nawehenda iida ṟochehu lilitoche omombonyi lo mba yake naweshikia kyamu kyake nakuhendie elechiwona orukalu.

EZEKIELI 12:4

Nahong'u uire nzohoṟa tsapfo oshangunyi lowo kiheri kya mfiri cha tsa mndu asamiṟo. Uwekuidia oshangunyi lowo kyukanyi na nzohoṟa tsapfo cha mndu ahenda kiowionyi.

WALEWI 26:17

Njechikoyana nanyo, nanyo mochikapo nyi wakituwa wanu; mochichilio nyi walya wamsuo. Mochikangaṟika na idicha ma kokoya kulawode mndu oose aimuwingia.

WALEWI 26:36

Na iwo maata wanu wechikiapfo njechiwaenenga wuowu mrimenyi yawo; kulya orukenyi lo wakituwa wawo; manya iṟa likawiwito nyi otanu wechilidicha. Wechidicha cha ili mndu aidicha shida. Wechidicha na ioloka ma kokoya kulawode mndu aiwawingia.

AMOSI 2:14

Na icho aidicha ekooya kidichionyipfo; Manya icho aichi ikapa mteeṟa pfinya yake yesia; Ichu akuhodye echiidima ikiṟa moo fokepfo.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.