YEREMIA 39:2 - Bibilia Kui Mdedie fo Kimochi

² Na kiidi kya mfiri fo kenda fo meri fo kana, maka fo ikumi na limu fo wuchili wo Sedekia, ora lo omombo lo mṟi lulewunduyo.

YEREMIA 39:2 ပူးပေါင်းရင်းမြစ်များ

YEREMIA 1:3

Idedo li lilecha maheri ha Yehoyakimu mana o Yosia, Mangi ya Yuda, mṟasa Imarisionyi lya maka fo ikumi na limu fo Sedekia mana o Yosia, Mangi ya Yuda na kiheri mṟi fo Yerusalemu fuledao wufungo kiidi kya meri fo katanu.

YEREMIA 32:1

Idedo lya Mndumii-Ruwa lilechea Yeremia maka fo ikumi fo wuchili wo Sedekia mangi o Yuda, fuwei maka fo ikumi na nyanya fo wuchili wo Nebukadneza.

YEREMIA 34:22

Inyi Mndumii-Ruwa ngahamba: Njechiwawasa nawo wechiwuya mṟi fu. Wechifusaṟikia, wafuwade na ifurumatsa na modo. Mṟi ya Yuda njechiihaluo iwe mrapu ilawade mndu.’”

YEREMIA 37:8

Na Wakalidayo wechiwuya icha isaṟikia mṟi fu. Wechiwada mṟi fu wupfungo na ifurumatsa ko modo.

YEREMIA 5:10

“Doyenyi omombohu loke muwunduo na inyamaṟa, kyaindi mulanyamaṟe mumarise pahuonyi maṟamba halyo, kipfa hai ha Mndumii-pfo.

EZEKIELI 33:21

Kiheri kuweshikie mkonu fo katanu fo meri fo ikumi, maka fo ikumi na kawi wokia losamiṟo, mndu umu aledicha kulya Yerusalemu kanjichea kanjiwia, “Mṟi fo Yerusalemu nyi fowado nyi watuuri.”

EZEKIELI 4:3

Kewepfula menya njilandari noihoṟotse iwe kiidi kyapfo na mṟifo. Hoṟokia mṟifo. Koikyo mṟi fo nyi fufutengetie na iyo uwewa chaili nyi ufutengetia. Kindo ki nyi kechiwa kichano ko wana wa Israeli.

EZEKIELI 5:2

Ohawi lo lumu lo njui tso nulukoṟe na modo makidi hawi ha mṟi fo, ili mandi mfiri yeṟingichio yechishika. Ohawi lo lo kawi noluwehe wehe na oshu lopfo ochihenda nja ya mṟifo, na ohawi lo lofurumia notsiwihitse tsidao na owira na inyi njechiduma oshu loko numa ya tso lutsioshe.

SEFANIA 1:10

Na kiidi kya mkonu fulya, Mndumii ahamba, kochiwada kifihiṟo mongonyi fo makunga na ifuha ling'anyi kihongo kya kawi, na mtiṟi fung'anyi fuwukie fumvuhu.

ZEKARIA 8:19

“Ikuotoya lya meeri fo kaana na ikuotoya lya meeri fo katanu, na ikuotoya lya meeri fo mfungade, na ikuotoya lya meeri fo ikumi lyewa sia na ikesa, nyi mkonu mnene yefuda ko mba ya Yuda; wulalu kundenyi lohi na ofoṟo.”