YEREMIA 38:4 - Bibilia Kui Mdedie fo Kimochi

⁴ Wanene wakawia mangi, “Kiwaṟi mndu chu nawoho kipfa naifunja mrima ya Waaskari wo wawade mṟinyi kimu na wandu wose, ko ihamba madedo cha iho. Ichu alangie wandu wa mecha pfo, indi nyi mawicho.”

YEREMIA 38:4 ပူးပေါင်းရင်းမြစ်များ

1WAMANGI 21:20

Ahabu, kawia Elia, “Ngesa nonjiwadase, iyo mkituwa oko?” Kambia, “Ngakuwada kipfa nolekuhaluo mbucha kundu uwute mawicho oshangunyi lo Mndumii.

2MBONYI TSA MAHERI 24:21

Kyaindi wandu walya wakambikia mtambo na imhaluka; na ko iwawaso lya mangi Yoashi, wakamkapa na maho osehu lo mba ya Mndumii-Ruwa, wakambaha.

EZRA 4:12

Luwekundi mangi numanye ke Wayuda walya walecha na iya wawuka njorukenyi tsingi tsa wumangi wopfo walesamia iya Yerusalemu walewika ko wuhya mṟi fulya mtahachi na mnyamaṟi. Walewoka iwika njomombo tsa mṟi fu na wulalu nyi imarisia njotende wai.

NEHEMIA 6:9

Kyamba nyi walewuta wado wechikusaṟa ke nyi lochiowuo naso lulolome lulechiṟundase iṟunda lyi. Nalyo ngaterewa Mndumii-Ruwa njechihamba, ‘Hoi Mndumii unjiwanze.’”

IWUKA 5:4

Mangi ya Misri kawawia, “Lanye Mose na Aroni, nki ili muihataṟa wandu kiṟundionyi kyawo? Hendenyi na maṟio hanu.”

YEREMIA 11:21

Nkyo kitewe Mndumii nahamba adi kya wandu wa Anathothi iwo wakundi moo fopfo wehamba, “Ochiidima ihamba wuikimbi kui Rina lya Mndumii-pfo, kipfa nochipfa kui mawoko hadu.”

YEREMIA 18:23

Kyaindi iyo Mndumii, noichi chila tsawo tsose huyako tsenjiwaaha; kulawahoṟie wuwicho wowo, ma kulasanje wunyamari wowo mesonyi hapfo. Kyaindi wawone ngataṟa oshangunyi lopfo, nokapane nawo kiheri kya nyashi yapfo.

YEREMIA 26:11

Walaanyi na waikimbi wakawia wanene wa wandu wose wehamba: “Mndu chu nyi awaṟi ipfa, kipfa nyi aonguo kya mṟi fu. Chando moicho na madu hanu muwenyi.”

YEREMIA 29:7

Fulangienyi ofoṟo mṟi fulya njiletewa wadao wusingenyi mufuterewie ko Mndumii ko kipfa kya mṟi fo mochiwona ofoṟo.

YEREMIA 38:16

Nahong'u mangi Sedekia kaliia Yerusalemu nyamu ko kiṟika kechihamba, “So Mndumii-Ruwa menyi moo, njechikuwaha ma ikudambika mawokonyi ha iwo wakundi ikuwaha pfo.”

YEREMIA 38:25

Kokoya wasongoru walaicho ke ngadeda na iyo, numa wakacha ikuwesa, ‘Keluwie kiki ulededa na mangi. Ulaluṟike kindo kyose naso lochikuwaha pfo;’

YEREMIA 43:3

Baruku mana o Neria, nakusuwia kodu kundu luwiko mawokonyi ha Wakaldayo waluwahe ang'u waluduo osamiṟonyi Babeli.”

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

AMOSI 7:10

Nalyo Amazia, mkohanyi o Beteli, aledikya Yeroboamu mangi ya Israeli ndumi kehamba, Amosi nalekuṟiingia iyo na mba yapfo na Israeli yose; orukalu loidima ikarishiya madedo hake hose-pfo.

LUKA 23:2

Wakawoka imkumba wakahamba, “Ichu nyi lulembona chando aihaluo-haluo wandu wa oshari lodu na iwaima ke, walataaye Kaisari okamba, kakuhamba inyi Kristo nyi mangi.”

MAWUTO HA WASU 16:20

Wakawadaya wachili wakahamba, “Wandu wa wawa mopfuluopfuluo mṟi fodu, nawo nyi Wayuda.

MAWUTO HA WASU 17:6

Wamda walawakoya-pfo wakakuruo-pfo Yason kimu na wanawawama maata wakawaduo oshangunyi lo waitoṟi wa mṟi wakafihiṟa wakahamba, “Wandu wa wapfuluye wuyana wameshika na kunu.

MAWUTO HA WASU 24:5

Kyamba lombona mndu chu m mwambutsi sa mbicho awa moamtsa mapaṟatsano kiidi kya Wayuda wose iwo wadung'anye wuyana wu wose, nao nyio msongoru o siṟi ya Wanasareti iya ikuwikye kyanya.

MAWUTO HA WASU 28:22

Kya indi lukundi iicho kopfo iyo chando uwonyi. Kyamba kya siṟi ii ikuwikye idi kyanya nyi luichi ke nyi ikeri ileholeho hando hose.”