YEREMIA 37:3 - Bibilia Kui Mdedie fo Kimochi

³ Mangi Sedekia kaduma Yehukali mana o Shelemia, hamu na mkohanyi Sefania mana o Maasela ko mwikimbi Yeremia, wamterewe nawaterewie ko Mndumii-Ruwa, Ruwa owo.

YEREMIA 37:3 ပူးပေါင်းရင်းမြစ်များ

1WAMANGI 13:6

Mangi kahaluo, kawia mndu ulya o Ruwa, “Terewa Mndumii-Ruwa opfo, unjiterewie, kundu njiwihiṟio owoko loko.” Mndu ulya o Ruwa katerewa Mndumii-Ruwa, owoko lo Mangi lukawihiṟo lukawa chandu luwei kuwoka.

IWUKA 10:17

Kyasia wulalu, ngamuterewa, njihoṟienyi wunyamaṟi woko kambalyi limu tupu, muterewe Mndumii-Ruwa, Ruwachu onu, nakenjiwuta opfu lu tupu.”

IWUKA 8:28

Farao kahamba, “Inyi njechimuinenga momu muhende, kundu mushinjie Mndumii-Ruwa onu kidaso, ipfo nuka; indi mochihenda haleshe mnupfo; kyasia njiterewienying'u.”

IWUKA 8:8

Nalyo Farao kalaha Mose na Aroni kawawia, “Terewenyi Mndumii-Ruwa, nakewuta ngeletsi kunu koko na ko wandu wako; na inyi njechiinenga wanduwa momu wakuhendie; kundu wawutie Mndumii-Ruwa kidaso.”

IWUKA 9:28

Terewenyi Mndumii-Ruwa; cha kipfa makuṟuṟuma ha hang'anyi mnu na mvuo yo ya manzaho hashikie, na inyi njechimuinenga momu mukuhendie, mlakaese ngoseṟa.”

YEREMIA 15:11

Kyasia ng'u Mndumii-Ruwa kudee njosesotso tsinjikoye kokoya njilakurundia necha na kokoya njilalekuterewa kipfa kya wakituwa wako kiheri wawei wukiwenyi na waale.

YEREMIA 2:27

Wekewia ituṟuma lya ikidi, “Iyo nyi ndeako,” na iwia iho iyo nyi ulenjifee; kipfa nyi walenjikumba mhongo manya walakunde iambuyana na inyi; kyaindi maheri hakiwi wechihamba, “Horoka ulukiṟe!”

YEREMIA 29:21

Mndumii-Ruwa Menyi matorito, Ruwa o Israeli nahamba adi ko Ahabu, mana o Kolaya, na kya Zedekia mana o Maasea, walemuikimbia wongo ko rina lyake. “Njechimudambika mawokonyi ha Nebukadneza, mangi ya Babiloni, nao nechimuwaha mochiwona na meso hanu muwenyi.

YEREMIA 29:25

Mndumii-Ruwa Menyi Matorito nahamba adi: “Nodika paruo ko rina lyapfo ko wandu wose wa Yerusalemu na ko mkohanyi Sefania mana o Maaseia na ko wakohanyi wengi wose kiidi kya paruo yo nyi wudi kulewia Sefania:

YEREMIA 37:17

mangi Sedekia kamlaha na koke kamwaambia. Mangi kambia handu ha kisekenyi wai mbenyi yake: “Ngesa kuwode idedo lyose liwukie ko Mndumii-Ruwa?” Yeremia kamhaluo, “Yee! Kaengeṟa imbia, ‘Iyo nochidambiko mawokonyi ha mangi ya Babeli.’”

YEREMIA 37:7

“Inyi Mndumii-Ruwa, Ruwa o Israeli, ngahamba njidi: Nochiwia kudi mangi ya Yuda, ichu aleduma unjiterewe handu hake: ‘Ambuya! Wandu wa mbahanyi wa Farao walecha ikutarama, wai kufui iwuya na Misri kowo.

YEREMIA 38:1

Shefatia mana o Matani, Gedalia mana o Pashuri, mana o Malkia, waleicho madedo Yeremia aleongoya wandu wose kechihamba,

YEREMIA 42:1

Nahong'u wanene wose wa machekeṟo, Yohanani mana o Karea, na Azaria mana o Heshaia kimu na wandu wose, watutu ko wang'anyi,

YEREMIA 42:20

momedeko, mowika moo yanu kiterengionyi. Kipfa mulenjiduma ko Mndumii-Ruwa, Ruwa odu, na kyose Mndumii-Ruwa, Ruwa odu echikideda nuluwie, naso lochiinutsia.

YEREMIA 52:24

Kiidima Nebuzaradani mnene o waringi wa mangi kaduo mpfungo Seraya mkohanyi ang'anyi, na Sefania mkohanyi o kawi, hamu na waringi waṟaṟu wa mongo,

MAITALA 21:7

Kyasia wandu wakahendia Mose, wakambia, “Lomewuta wunyamaṟi lukanunuwia Mndumii-Ruwa na iyo daa. Terewa Mndumii-Ruwa naluwute njokatsi.” Nahong'u Mose katerewia wanduwo.

MAWUTO HA WASU 8:24

Simon kahalwo kahamba, “Kenjiterewenyi nyo ko Mndumii-kundu isho ohamba shilanjihoye ma kimu.”

1SAMWELI 12:19

Nahong'u wakawia Samweli, “Hoi lokuterewa noluterewie so waṟundi wapfo ko Mndumii-Ruwa, Ruwa opfo kundu lulapfe; cha kipfa lomekuengeṟia njonyamaṟo tsadu kui wuwichowo wokukundia mangi so luwenyi.”