YEREMIA 30:3 - Bibilia Kui Mdedie fo Kimochi

³ Kipfa kuwode mkonu ikeri icha njimuwihiṟie sia nyo wandu wako Israeli na Yuda na imuwihiṟa se kiidi kya oruka lulya njileinenga waku wanu, nawo waluoṟe. Inyi Mndumii-Ruwa ngahamba.”

YEREMIA 30:3 ပူးပေါင်းရင်းမြစ်များ

EZRA 3:1

Meri mfungade yamsia wokia walewuya wusingenyi, Waisraeli wawemmaa isamia mṟinyi yawo, wakakusanza handu hamu kulya Yerusalemu.

EZRA 3:12

Wakohanyi walya waku na wana wa Lewi, na wanene wa shishari walya walewona hekalu lilya lya kuwoka, kiheri walewona otende lulya lo hekalu li lya kawi lochiwiko walefihiṟa ko ṟu ling'anyi indi wandu wengi walefihiṟa kipfa kya sia.

EZRA 3:8

Iṟunda lyewika hekalu lilya lya Yerusalemu lilewoka meri fo kawi wokia wawuka wusingenyi. Zerubabeli, Yeshua, na wana wa wamayawo, wakohanyi na Walewi na walya wose walewuka wusingenyi walewoka iṟunda. Wakawika Walewi waweshitsie maka makumi hawi na ngoseṟa wahoṟokie iṟunda li lyewika hekalu li ko wuhya.

SHIIMBO SHA DAWIDI 126:4

Hoi Mndumii, kewihiṟa wandu wadu wai wapfunge, cha shimeda sha ora lo nuka.

SHIIMBO SHA DAWIDI 53:6

Samanya okiṟo lo Israeli luwuke ipfo Sioni! Nyi Ruwa kechiwihiṟa wapfungo wa wandu wake; Yakobo naweitola kya sia, Israeli nechifuda.

YEREMIA 16:15

Indi wechilya nyamu na ihamba, ‘So Mndumii-Ruwa menyi moo, alewuta Waisraeli orukenyi lo mtsudu na wuka njoruka tsose alewafunyia pfo kipfa njechiwawihiṟa wawuye orukenyi lowo njiweinengie waku wawo.’”

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

YEREMIA 27:11

Kipfa isanga lilya lyechiwika nzingo tsawo kiidi kya shipfungo sha mangi ya Babeli, na imṟundia, isanga lyo njechilida likae kiidi kya oruka lowo wawenyi, nyi Mndumii ahamba, nawo wechiludema na ikaa pfo.”

YEREMIA 27:22

Nshedao itane Babeli nasho shechikaa pfo, itane mkonu njeshichea, nyi Mndumii ahamba. Nlyo njechishiendese na ishiwihiṟa iya.”

YEREMIA 29:10

Kipfa Mndumii nyi ahamba adi, “Babeli kamarisa maka makumi mfungade (70) njechimchea nyo na iawutsia idedo lyako licha konu na imuwihiṟa handu ha.

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 30:18

“Mndumii-Ruwa nahamba adi: Njechiwihiṟa se sia tsa kanyi ko Yakobo, na isaṟia kanyi koke; mṟi fochiwiko wuhya huye ya handu hawunduo, na mṟi fo mangi fochihoṟoka alya handu fuwei.

YEREMIA 30:4

Itsi nyitso mbonyi Mndumii-Ruwa alehamba kirianyi na wandu wa Israeli na Yuda:

YEREMIA 31:16

Wulalu da ifihiṟa, angatsa mchenyeṟe yapfo, kipfa nochiinengo wuwinzi ko iṟunda lyapfo, nyi inyi Mndumii-Ruwa ngahamba, ‘Wana wanu wawuka oruka lo wakituwa wanu.

YEREMIA 31:23

Mndumii-Ruwa menyi Matorito, Ruwa o Israeli, nahamba adi, “Kiheri-kyo njechimuinenga-se mboṟa nyo wandu wa Israeli, wo wechionguo-se kiidi kya oruka lo Yuda na kiidi kya mṟi yake wechihamba: “Mndumii-Ruwa nakuwikie ona iyo oruka lusumhanyi, nakuwikie ona iyo fumvu lyele!”

YEREMIA 31:27

Mndumii-Ruwa nahamba, “Ambuya kuicha kiheri njeichuṟa oruka lo Israeli na lo Yuda wandu na shiuma na orio kindo kii na moo chandu mdemi ekeola mbeu.

YEREMIA 31:31

Mndumii-Ruwa nahamba, “Mkonu ikeri icha njiwike mkundano mhya na wandu wa Israeli na Yuda.

YEREMIA 31:38

Mndumii-Ruwa nahamba: Mkonu ikeri icha mṟi fu fo Yerusalemu fuwiko wuhya kipfa kya Mndumii-Ruwa, wokia mnaṟa fo Hanaweli ushike kichumi kya mbai.

YEREMIA 32:37

Njechisanyia wandu wawuke kiidi kya njoruka tsose ipfo kundu walerahanyika kipfa kya nyashi yako na isuo, njiwawihiṟe se handu ha wakae kipuo.

YEREMIA 32:44

Wandu wechihuṟa madema ko fesa, wechiteseheṟa paruo tseoṟa, wechitsikapa mhuri, na iwika wangochi kiidi kya mṟi ya Yuda, kiidi kya oruka lo mafumvu, oruka lo mṟi ya Shefela, na kiidi kya mṟi ya nuka ya msanga ya Negebu. Kipfa njemsuṟisha se. Inyi Mndumii-Ruwa ngahamba.”

YEREMIA 33:26

Kyasia, nyi wudo kikeri da: njechikumba wafeo nyi Yakobo na Dawidi, mṟundi oko pfo. Njechihoṟotsa umu o kishari kyake naitoṟie wa oshari lo Abrahamu, Isaki na Yakobo. Kipfa njechiwawihiṟia sia yawo na iwasaṟia.”

YEREMIA 51:60

Njileṟehia kitapunyi mawukiwa hose njileonguo kya Babeli na madedo hengi da kipfa kya Babeli.

EZEKIELI 20:42

Ili mandi njechimuende na orukenyi lo Israeli, oruka njileteṟia ke njechiluinenga waku wanu nyi nanyo mochiwutaho imanya ke inyi nyi Mndumii-Ruwa.

EZEKIELI 34:13

Njihenda iwaashuo ipfo mawokonyi ha mkambo ya wandu. Njiwehenda iwasanyia wawuka njorukenyi tsa kuleshe njiwewawihiṟa na orukenyi lowo wawenyi. Njiwehenda iwalisa huye ya mafumvu ha Israeli, wambaṟa ya meda na kiidi kya oruka luwode wandu.

EZEKIELI 36:24

Ambuya nyi njihenda iwawuta ipfo kiidi kya mkambo ya wandu, njiwewawutase ipfo njorukenyi tsose njihenu njimuwihiṟese na kunu orukenyi lonu nyo muwenyi.

EZEKIELI 47:14

Ambuya nyi mochihawana shiṟinganyi kyamba inyi njilelya nyamu ke nyi njechiinenga waku wanu oruka lu, nalo nyi lochiwa lonu.

YOELI 3:1

“Kiheri kyo na mkonu yo, njechiachikia mbonyi tsa Yuda na Yerusalemu.

SEFANIA 2:7

Na oruka lo lo wambaṟa lochiwa oruka lo wandu wa mba ya Yuda watsihee; wechilisa mapo hawo ipfo; wechilaa kiidi kya mba tsa Ashkeloni kiheri kya kiukanyi; kipfa Mndumii-Ruwa owo, nyi nechiwachea na iwihiṟa wapfungo wawo.

SEFANIA 3:20

Mandi ho njechimusanyia na imuitsa na mba - kipfa njechimhaluo kiṟumi na rina kiidi kya wandu wose wa wuyana ilyi njechiwihiṟa wapfungo wanu oshangunyi lo meso hanu, Mndumii ahamba.

LUKA 17:22

Kyasia, kawia walya wa kiloshionyi kyake, “Nyi kochikaa kuche shiheri, nyilyondo mochilanga iwona mfiri fumu fo Mana o mndu, manya mulechifuwona.

LUKA 19:43

Cha kipfa nyi kochikaa kukuhoye mafiri, nlyondo wakituwa wapfo wechikuṟingichia na mfoo na ikutengetia na ikufiṟita kose kose.

LUKA 21:6

“Kya ishi muyambuya wulalu, nyi kochikaa kuche shiheri, kulechideo ma iho huya iho lingi lilaiwunduye wanda.”

NGUMBUO YA MAWAWASO 30:3

Mndumii-Ruwa, Ruwa onu nechimuwihiṟia mecha hanu na iwasaṟia na imusanyiase kuwuka mkambonyi kundu echikoya amemupaṟatsanyia.

NGUMBUO YA MAWAWASO 30:5

kundu muchiliese orukalo sa waku wanu walemekaapfo. Nao nechimusumba ngoseṟa mufo kota wameku wanu.

WAEBRANIA 8:8

Kyamba awadedya kehamba, “Mndumii ahambie, Ambuya, mkonu ikeri icha njechiwikya mba ya Israeli na mba ya Yuda owiko luhya.