YEREMIA 3:9 - Bibilia Kui Mdedie fo Kimochi

⁹ indi o nalehenda kawewa mmeluki oruka lukafana ngafu, nao kaṟuhuya na maho na mashidi kechihaindia.

YEREMIA 3:9 ပူးပေါင်းရင်းမြစ်များ

YESAYA 57:3

“Kyaindi nyo tikirienyi hafui, nyo wana wa mndu msawi, oshari lo wuṟuhui na wumeluki.

YESAYA 57:6

Ohawi lopfo lui kiidi kya pichi lya maho mapaṟepaṟe ikyo nolewona kui kuṟu kuhya; noleletsia kidaso kya mṟinga kowewika na mwano fo mso; ngesa njiwekutsia na isho uletana?

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 2:27

Wekewia ituṟuma lya ikidi, “Iyo nyi ndeako,” na iwia iho iyo nyi ulenjifee; kipfa nyi walenjikumba mhongo manya walakunde iambuyana na inyi; kyaindi maheri hakiwi wechihamba, “Horoka ulukiṟe!”

YEREMIA 2:7

Inyi ngawawika kiidi kya oruka luichuo kando, mulyepfo ndunda na mecha hose haipfo, indi nyo kiheri kilya muleida kiidi kya oruka lulya, mulefanyitsa oruka lulya loko na kyooṟa kyako mkakihaluo kindo kisuikie.

YEREMIA 3:2

Iria meso hapfo noambuye huya mafumvu! Na shitoṟomoso shose nyi hanga walalelaa na iyo mbai ya njia kulewedia. Udamie cha Mwarabu nuka ya msanga aiweda mbucha, itane ohaluo orukalu ngafu kipfa kya wumeluki wopfo na wuwicho wopfo.

EZEKIELI 16:17

Kowewuta shindo shilya shekuchopa njilekuinenga, sahabu iya yako na fesa iya yako kohendasungusia sanamu tsa wasoṟo, natso kowehenda iwuta shindo sha mkika natso.

EZEKIELI 23:10

Kyasia wakamwatuo nguo tsake wakamda kitaṟe, wakawewada wana wake, nao wakambaha na oshu. Ngapo i yake ikawa wulosha ko waka wengi.

EZEKIELI 23:21

“Oholiba! ‘Nulekumbuo wumeluki wopfo kiheri kya wututu wopfo kulya Misri, chando walenyamaṟa ukeha wopfo na ikuwadawada mawee ha wututu wopfo.’

EZEKIELI 23:3

kiidi kya wututu wowo wakachumia mchumie mbicho kulya Misri, wakawa wameluki na wukeha wowo wukasia.

HOSEA 2:2

Dediyenyi mayanu, mdediyenyi, kipfa wulalu o chi mka okosepfo, manya inyi chi mii okese-pfo. Mdediyenyi nalekane na iṟuhuya lyake, nalekane na wumeluki woke.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

YOELI 1:19

Njikufihiṟia iyo, Mndumii-Ruwa, kipfa modo foongoṟa madema hadu, olewo lo modo lorumatsa mashidi ha mademehu.

HABAKUKI 2:19

Ochia nyi lo ulya echiwia ikidi kure; na iwia iho henda! Ngesa kindoki kechidimailosha? Ambuya kikishikie na sahabu na fesa, ma kuwode moo pfo.

MATAYO 5:32

Kyaindi inyi nyi ngambia ke, ‘Orio mndu molekana na mka oke kulawode kitewe kya isokombo, nyi amtana mokisokombo; na mndu kaalika ichu amde nyi aruhuya.’”