YEREMIA 3:8 - Bibilia Kui Mdedie fo Kimochi

⁸ Na inyi ngawona, kiheri kilya njileda Israeli menyi wunyamaṟi ngamnenga paruo yemsama kipfa kya iṟuhuya lyake, mshiki oke, Yuda awode mtambo, nalasaṟe ma nta;

YEREMIA 3:8 ပူးပေါင်းရင်းမြစ်များ

2MBONYI TSA MAHERI 21:11

Na ngoseṟa, nalesungusia handu heindia maruwa hengi kiidi kya mafumvu ha Yuda na itewa wandu wa Yerusalemu idetsa wuhendeli, na wandu wa Yuda wakadekio Mndumii-Ruwa, ko wunyamaṟi.

YESAYA 50:1

Mndumii nahamba adi, “Yeku paruo iya yesama mayanu, yeloṟa ke njilelekana nao? Ang'u njilemukumba kou kiidi kya iwa wainjiwesa sile? Nyo nyi mulekumbo kipfa kya wunyamaṟi wonu; kake mayanu naledeo kipfa kya wuwicho woke.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 33:24

“Ngesa, kulemeicho chandu wandu-wa wekehamba inyi Mndumii-Ruwa njilekumbalia kuleshe wandu wa Israeli na wandu wa Yuda, wandu wa mba tsiwi njiletsisambuṟa? Walemina wandu wako, mṟasa iwawona chi mkambo pfo.

YEREMIA 5:7

“Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

EZEKIELI 16:46

Wawiye ipfo Samaria nyi akeri huye yapfo hamu na wana wake na mananu opfo mtutu Sodoma nyi akeri nuka yapfo hamu na wana wake.

EZEKIELI 16:47

Ambuya ulekunda iosha njotifo tsawopfo, manya iwuta mawuto hawo mawichopfo, kyaindi ko oweṟe sa lututu mnu nulenyamaṟika kota wo ko orio kindo uwekeri iwuta.

EZEKIELI 16:51

Wasamaria wunyamaṟi wowo nyi kenga sa kitutu tupu kya wunyamaṟi wopfo. Kohenda iṟinganyisha wunyamaṟi wo wopfo na wulya wo washiki wo wapfo, wo nyi wechiwoneka ke nyi wai na usumhanyi.

EZEKIELI 23:44

Kyamba nyi wudo walewahendia chandu wandu wekehendiya waka wai wameluki; nyi wudo walehendia Ohola na Oholiba waka walya waṟuhui.

EZEKIELI 23:9

Kipfa kya ikyo njilemdambikia mawokonyi ha mbuya tso tsake Washuru iwo awewalangie mnu.

HOSEA 3:4

Na nyi wudo, Waisraeli wechiwa: Wechikaa ko kiheri kileshe walawode mangi ang'u msongoru; ma shidaso, ang'u shimnaṟa shiele, ma shisibau sha kipeeta, ma sanamu ang'u mfanano yeindia.

NGUMBUO YA MAWAWASO 24:1

“Kokoya mndu msoṟo aalika mka numa nalachihio kyake cha akooya koke kindo kilawaṟi, naho msoṟocho kamṟehia paruo yemsama, kamnengia na imfuna nawuke kanyi koke, na mkacho kakure,

NGUMBUO YA MAWAWASO 24:3

ko koya msoṟocho okawi kawona alamkundi, kawemṟehia paruo yemsama, kamnengia na imfuna, ang'u kokoya msoṟocho napfa,