YEREMIA 3:23 - Bibilia Kui Mdedie fo Kimochi

²³ Na lohi da, ngaya iwaṟi iwuke kuleshepfo, cha fumvuhu; kisanzio kiwode mtiṟi huya fumvu; nyi lohi okiṟo lo Israeli nyi kiidi kya Mndumii-Ruwa, Ruwa odu.’

YEREMIA 3:23 ပူးပေါင်းရင်းမြစ်များ

SHIIMBO SHA DAWIDI 3:8

Okiṟo lui na Mndumii; Ona lopfo lukae na wandu wapfo.

SHIIMBO SHA DAWIDI 62:7

Ko Ruwa okiṟo loko, na kiṟumi kyako; iṟaṟa lya pfinya tsako, na kidichiyonyi kyako nyi ko Ruwa.

MFANANO 21:31

Frasi tsekeṟeheṟo kipfa kya shida, Indi Mndumii nyio ekeende okiṟo.

YESAYA 10:20

Kake, “Kechiwa mkonu-fo mtsuhaṟo fo Israeli na iwo walekia wa mba ya Yakobo, wechikusiria se icho alewakapapfo, kyaindi wechikusiria Mndumii, Mwele o Israeli kya lohi.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 43:11

Inyi ee da, inyi nyi Mndumii ngoseṟa yako kuwode ungi pfo.

YESAYA 44:9

Wepacha sanamu wose nyi wulya; ma mbonyi tsawo tsiwachihiṟie tsechitarama kindopfo; ma wangochi wake wawonyipfo ma waichi-pfo; kundu waṟeenze.

YESAYA 45:15

Nyi lohi iyo nyi Ruwa ulya ekeṟika mbihu fopfo, Hoi Ruwa o Israeli mkiṟa.

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 45:20

Sanzenyi muche; na itikiria hafui, nyo wa mkambo fulekiṟo; wawode wuṟango walya weduo sanamu ya ikidi lipachepfo; nyi weketerewa ruwa alechiidima ikiṟa.

YESAYA 63:1

Nyiu ichu awuka Edomu, Awode nguwo tsifanyi samu awuka Bosra? Ichu awode nguwo tsa wuhuru, Akeri ihenda kiidi kya wusuṟi na pfinya tsake? Inyi njideda na wusumhanyi, ai mopfinya mokiṟa.

YESAYA 63:16

na kipfa iyo nyi ndeadu, manya chando Abrahamu alaluichi, ma Israeli eidima ilusendapfo, Iyo Mndumii, nyi Iyo ndeadu, “Mkiṟa odu,” mlungana, na mlungana nlyo rina lyapfo

YEREMIA 14:8

Iyo nyi kikusirio kya Israeli, mkiṟa odu kiheri kya kiwi, nki kitewe ukeri cha mhenu orukenyi lodu, ang'u mndu o kyaṟo alaa kio kimu tupu.

YEREMIA 17:14

Unjichiṟe hoi Mndumii na inyi njechichia, unjikiṟe na inyi njechikia: kipfa iyo nyi ui kiṟumi kyako.

YEREMIA 17:2

Wana wawo wakumburie rasio tsawo na masaa hawo kiidi kya orio ikidi huye ya shitoṟomoso;

YEREMIA 3:6

Koikyo Mndumii kanjiwia maheri ha mangi Yosia, “Omewona mawuto ha Israeli ichu modeko? Nadoye huye ya orio fumvu lileshe kahenda pfo iṟuhuya, na wanda ya orio ikidi liwode maṟa mawishi!

YEREMIA 31:7

“Kipfa Mndumii-Ruwa nahamba adi, ‘Imbenyi ko sia kipfa kya Yakobo, kapenyi mṟoṟo kipfa kya mkambo fung'anyi, onguonyi, chihiyonyi na ihamba; “Mndumii-Ruwa nakiṟie wandu wake, nawaendie okiṟo walya waletsuhaa na Israeli!’

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

HOSEA 1:7

Kyaindi njechihoṟia wandu wa Yuda, na iwakiṟa. Inyi, Mndumii-Ruwa, Ruwa owo, njechiwakiṟa, kyaindi chi ko pfinya tsa olemali-pfo, ma chi ko wuda, ang'u ko oshu, ang'u ko frasi, ang'u ko wedoya frasi-pfo.

YOHANE 4:22

Nyo Wasamaria kilya mokeindya mukiichipfo indi so lokeindya kilya lukiichi, kyamba nyi ipfo ko Wayuda mpfo kundu okiio lo wandu luwukye.