YEREMIA 3:2 - Bibilia Kui Mdedie fo Kimochi

² Iria meso hapfo noambuye huya mafumvu! Na shitoṟomoso shose nyi hanga walalelaa na iyo mbai ya njia kulewedia. Udamie cha Mwarabu nuka ya msanga aiweda mbucha, itane ohaluo orukalu ngafu kipfa kya wumeluki wopfo na wuwicho wopfo.

YEREMIA 3:2 ပူးပေါင်းရင်းမြစ်များ

MAWOOKIONYI 38:14

Naho kakuatuo nguo tsa mka mkusu, kaṟaa kinguo kekushikia, kashikiya kyamu, kakaa mongo fo Enaimu, kufui na njia yehenda Timna. Kipfa nalewona ke Shela amba mndu ashitsie, manya alealyikio nawe mka okepfo.

1WAMANGI 11:3

Solomoni kawada waka mahana mfungade 700, wose wawei wana wa wamangi na masuria mahana haṟaṟu 300. Waka wo wakamdetsa.

2WAMANGI 23:13

Mangi kawefanyitsa ngafu handu heterewa hawei ora lo ngamenyi lo Yerusalemu kuhendesanyi na ora lo fumvu lya njonyamaṟo, handu mangi o Israeli awewikie kui kipfa kya Ashtarothi, kirumo kya Wasidoni, Kemoshi kiṟumo kya Moabu na ngoseṟa Milkomu kiṟumo kya Waamoni.

SHIIMBO SHA DAWIDI 106:38

Wakapusuo samu ilai na mti, samu ya waleu wawo na wa kika wawo, wakawalekia shidaso ko mfanano ya Kanaani; oruka lukateṟefutso kui samu.

MFANANO 23:28

Ee, nekelaaya cha msoki, Nekeengeṟa wenyi mtambo kiidi kya wandu.

MFANANO 7:11

Nawode kifahio na wulemeshi; Madende hake hechiidima ikaa kanyi pfo.

YEREMIA 12:12

Wewada wandu wapfungo wadoye huya, shitoṟomoso sha mafumvu patehu; kipfa oshu lo Mndumii luilya ora lumu lo oruka, itane ora lo kawi lo oruka, kuwode ma umu menyi mbihu echiwada ofoṟo pfo.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 2:23

“Nyi wuda ochiidima ihamba ke, njifanyi ngafu-pfo, ma njileosha Mabaali-pfo?” Ambuya njia yapfo pichinyi, umanye shilya uwutie, iyo nyi ngamia njiangu idicha, yekeida njienyi tsake;

YEREMIA 2:7

Inyi ngawawika kiidi kya oruka luichuo kando, mulyepfo ndunda na mecha hose haipfo, indi nyo kiheri kilya muleida kiidi kya oruka lulya, mulefanyitsa oruka lulya loko na kyooṟa kyako mkakihaluo kindo kisuikie.

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 3:21

“Ṟu liichio huya shitoṟomoso, nyi ofuho lowo na shiterewo sha wana wa Israeli; kipfa wadetsa njia yawo, wakahadima Mndumii-Ruwa owo.

YEREMIA 3:9

indi o nalehenda kawewa mmeluki oruka lukafana ngafu, nao kaṟuhuya na maho na mashidi kechihaindia.

YEREMIA 7:29

“Odenyi njui tsanu nyo wandu wa oruka lo Yerusalemu, mutsikumbe; kapenyi kilio kya wukiwa shitoṟomosonyi sha mafumvu, kipfa Mndumii amesesa oshari lu, lui luteṟiye nyashi yake kalukumbalia nja.

EZEKIELI 16:16

Ambuya nyi ulewuta nguo tsilya tsapfo njicha koachikia natso handu heterewia, na handu na oo kahaluo nyi handu hewutia shindo sha mkika, kindo kya mbaṟi ii kilemewono manya kechikaa kiwonopfo.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

LUKA 16:23

Msuṟi ulya akeri kulya kundu ko wapfu mawukiwenyi, kairia meso kawona Abrahamu kuleshe, na Lasaro ai ipfo nndenyi tsake.

NGUMBUO YA MAWAWASO 12:2

Nyamaṟenyi nakamu orio handu hose wandu wekeindia maruwa hawo ha wongo kokoya nyi mafumvuhu maleshe, wanda ya mashidi, shitoṟomosohu ang'u ngeṟenyi.