YEREMIA 3:18 - Bibilia Kui Mdedie fo Kimochi

¹⁸ Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 3:18 ပူးပေါင်းရင်းမြစ်များ

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

YESAYA 43:5

Manya kulaowuo; kipfa njii hamu na iyo; njechikuendie oshari lopfo wuka ora lo ngamenyi mṟasa ora lo kiukanyi;

YESAYA 43:6

njiwie mtsudu wuta; na iyo nuka, kulaime; njiendienyi wana wako wawuka kuleshe na wana wako wawaka wawuka mtsitsioni fo oruka.

YEREMIA 16:15

Indi wechilya nyamu na ihamba, ‘So Mndumii-Ruwa menyi moo, alewuta Waisraeli orukenyi lo mtsudu na wuka njoruka tsose alewafunyia pfo kipfa njechiwawihiṟa wawuye orukenyi lowo njiweinengie waku wawo.’”

YEREMIA 23:8

Kyaindi, “So Mndumii ai na moo” alewadosa kasongoya mba ya Israeli wuka oruka lo mtsudu na wuka njoruka tsilya njilewafunyia; wo wechikaa orukenyi lowo wa wenyi.

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 30:3

Kipfa kuwode mkonu ikeri icha njimuwihiṟie sia nyo wandu wako Israeli na Yuda na imuwihiṟa se kiidi kya oruka lulya njileinenga waku wanu, nawo waluoṟe. Inyi Mndumii-Ruwa ngahamba.”

YEREMIA 31:8

Ambuya, njechiwaende wawuka oruka lo mtsudu, njechiwasanyia wawuka mtsitsionyi fo oruka. Wose wechikaa-pfo, manya shipfupfuṟe na shileta. Waka wanene na wakeri ifee, mamiingi fung'anyi mnu fochiwuya na iya.

YEREMIA 50:20

Mafiri ho na maheri ho, wuwicho wochishiho orukenyi lo Israeli, indi lochiwonopfo pfo; wunyamaṟi wochishiho orukenyi lo Yuda, indi wochiwonopfo pfo, kipfa inyi njechihoṟia walya njilewatsuhaṟa. Nyi inyi Mndumii-Ruwa ngahamba.

YEREMIA 50:4

“Mafiriho na maheriho, ngahamba inyi Mndumii-Ruwa, wandu wa Israeli na wandu wa Yuda wechisanza handu hanu na iwuya wechifihiṟa na injishiha inyi Mndumii-Ruwa, Ruwa owo.

YEREMIA 50:5

Wechiwesa njia yehenda Siyoni, na shamu shawo nyipfo shiembeṟukie, wechihamba, “Njonyi.” Nawo wechiwadana na Mndumii-Ruwa kiidi kya mkundana fo mlungana fulechikaa fuhadimike.

YEREMIA 7:7

Na inyi njimude handu-ho, mkulaye orukalu njileludambikia wandeanu wokia mbooko itane mlungana.

EZEKIELI 11:17

“Uwewawia se nyi wudi Mndumii-Ruwa ahamba, ‘Njechimusanyia sanyia se muwuke ipfo njorukenyi njilewananatsa njiwuye imwinenga se oruka lu lo Israeli.

HOSEA 1:11

Wandu wa Yuda na Waisraeli wechilungana na isahuo msongoru owo umu; nawo wechioṟa orukenyi lowo. Mkonufo fochiwa mkonu mnene fo Yezreeli!

HOSEA 11:12

Efraimu nanjiṟingichia ko madedo ha wongo, na mba ya Israeli ko wulembi; ma wulalu Yuda nakeri iangalala ko Ruwa, nao nyi akeri mwele, nao nyi mhendeli.

HOSEA 2:2

Dediyenyi mayanu, mdediyenyi, kipfa wulalu o chi mka okosepfo, manya inyi chi mii okese-pfo. Mdediyenyi nalekane na iṟuhuya lyake, nalekane na wumeluki woke.

AMOSI 9:15

Na inyi njechiwawikya ona na kuwode kewapaaya sepfo, wechikaa oruka lulya lowo ndewainenga nyi Inyi Mndumii-Ruwa opfo ngahamba.

ZEKARIA 10:6

Inyi njechikarisha mba ya Yuda, njechikiṟa mba ya Yosefu, inyi njechiwawihiṟa kipfa ngawaichio makulili; wechiwa ke njiwakumbie pfo kipfa inyi nyi Mndumii-Ruwa owo njechiwaicho.

ZEKARIA 2:6

Na wulalu dichenyi oruka lo mtsudu, Mndumii ahamba kipfa inyi nyi ngawarahanyitsa onyo cha njotanu tsiina tsa ruwehu, Mndumii ahamba.