YEREMIA 3:14 - Bibilia Kui Mdedie fo Kimochi

¹⁴ “Wuyenyi nyo wenyi mtolo nyo wana wedeko; Mndumii ahamba, kipfa inyi nyi mii onu; na inyi njechiwuta mndu umu, o mṟi fumu na wawi wa mba imu, na inyi njiwaende mṟasa Siyoni.

YEREMIA 3:14 ပူးပေါင်းရင်းမြစ်များ

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

YEREMIA 23:3

Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 3:8

Na inyi ngawona, kiheri kilya njileda Israeli menyi wunyamaṟi ngamnenga paruo yemsama kipfa kya iṟuhuya lyake, mshiki oke, Yuda awode mtambo, nalasaṟe ma nta;

YEREMIA 2:2

“Henda noonguo mbonyi kya Yerusalemu ochihamba, Mndumii nahamba adi: ‘Njikumburie, mecha ha uwanake wopfo, ikunda lya wupora wopfo; Chandu ulenjiosha kulya nuka ya olele, Oruka lulalewayo mbeu.

YESAYA 10:22

Kipfa wandu wapfo, iyo Israeli, ma wakafo cha msanga fo mbai ya ipalyipalyi, nyi mtsuhaṟo tupu fochiwuya; orumatso nyi lui luteseheṟe luisoka cha meda kui wulohi.

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

WAROMA 9:27

Na Yesaya apoṟohoṟya Israeli, “Kukoye mfoye fo wana wa Israeli wueshikya cha mbuṟusanga tsa mbai ya ipalyipalyi lya wuyana sa wechikiṟo-ho nyi waangu tupu.

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YESAYA 17:6

Kyaindi kilya kiletsuhaṟo nyi mosambuo kechiwa kiidi kyake; cha kiheri kilya kekapa msinepfunyi, ndunda tsiwi tsiṟaṟu tsii huye mnu; ndunda tsiina tsitanu kiidi kya iṟamba, maṟamba ha ikidi lya ndunda, Mndumii ahamba, Ruwa o Israeli.

YESAYA 1:9

Kokoya Mndumii menyi Matoṟito alaleludeeya mtsuhaṟo mwaangu, luwechiwa cha Sodoma na ifanana na Gomora.

YESAYA 31:6

Halukienyi ichu mulemleha nyo wana wa Israeli.

YESAYA 57:17

Kipfa kya wuwicho wo ilanga lyake njilewado nyi nyashi, ngamkapa; ngaowisha kyamu kyako, ngarihinyika; nao kawehenda na okachu loke, kaosha makusaṟo ha mrima foke amonyi.

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 31:6

Kipfa kiheri kicha mringi nakape ombe, kiidi kya shifumvu sha Efraimu. “Kurenyi, luhende huye mṟasa Sioni, ko Mndumii-Ruwa, Ruwa odu.’

YEREMIA 31:12

Wechicha wechiimba ko maṟu huya fumvu lya Sioni, wechiwona kiṟumi huya wucha woko, inyi Mndumii-Ruwa. Ko shilimu sha moo, mvinyo na mafuda njekemuinenga, ko machondi na mmbe da; ohendo lo moo yawo, yechiwa cha mdemi funose, manya fochipooka sepfo.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

2MBONYI TSA MAHERI 30:6

Kyasia mangi na wasongoru wake wakaduma wandu, waṟaṟanje paruo, orukenyi lose lo Israeli na Yuda. Baruo yo iwewode ndumi yehamba, “Nyo wandu wa Israeli mulekia isaṟikio lya mangi o Ashuru. Wuyenyi Mndumii-Ruwa, Ruwa o Abrahamu, Isaki, na Yakobo, kundu nao nawemuwuya.

YESAYA 27:12

Nakyo kechiwa kiidi kya mkonufo, Mndumii nyi echikapakapa ndunda tsake wokia mfu fo meda itane kimeda kya Misri nanyo mochisanyio umu-umu, nyo wana wa Israeli.

YESAYA 44:22

Njilesanja madeko hapfo cha ipuchi linene, na wunyamaṟi wopfo cha ipuchi; wuya na koko; kipfa njilekukiṟa.

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.