YEREMIA 3:12 - Bibilia Kui Mdedie fo Kimochi

¹² Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 3:12 ပူးပေါင်းရင်းမြစ်များ

MAWOOKIONYI 4:7

Kowuta mecha; ochiidikio? Kulamewute mecha wunyamaṟi wuipfo; wuikuwedia o mongo, wukulangie iyo, kyaindi kikuwaṟi uwuwinze.”

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 17:23

Ifurumiaho Mndumii-Ruwa kawafuna wawuke oshangunyi loke chandu awehambie kui dumbu lya waṟundi wake wai waikimbi. Ko ikyo wandu wa Israeli wakadao wapfungo wawuto orukenyi lowo mṟasa Ashuru napfo wakakaapfo mṟasa inu.

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

2WAMANGI 18:1

Kiidi kya maka fo kaṟaṟu fo wuitoṟi wo Hoshea mana o Ela mangi o Israeli, Hezekia mana o Ahazi mangi o Yuda nalewoka wuchili.

2MBONYI TSA MAHERI 29:10

Wulalu ngameanduo ko mrima foko fose, iwika mkundana na Mndumii-Ruwa, Ruwa o Waisraeli, kundu nalaengeṟe ilusuo mnu.

2MBONYI TSA MAHERI 30:9

Mukawuuya Mndumii-Ruwa, wandu walya waleduo wanawamayo wanu na wana wanu wusingenyi, wechimusaṟia, na iwalekia wawuye na kanyi. Kipfa Mndumii-Ruwa, Ruwa onu ai mhendeli na menyi isaṟia, nechimuambilia, kokoya mombuuya o.”

SHIIMBO SHA DAWIDI 103:17

Kya indi wuoloru wo Mndumii wui na iwo wekemwindia, wokia mlungana tane mlungana, na wusumhanyi woke wui na wana wa wana wawo.

SHIIMBO SHA DAWIDI 103:8

Mndumii naichuo osaṟio na wuoloru, ekewado nyi nyashi owinyipfo, naingiki osaṟio.

SHIIMBO SHA DAWIDI 103:9

O echideda mafiri hosepfo, manya echiwado nyi nyashi yake mlunganapfo.

SHIIMBO SHA DAWIDI 145:8

Mndumii nawode isaṟia, naichuo makulyilyi, ekewado nyi nyashi owinyipfo, naichuo wuoloru.

SHIIMBO SHA DAWIDI 79:5

Ewo Mndumii, mṟasa indii? Nochiicho nyashi mlungana? Wunyenyi wopfo wochiaka cha modo?

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

SHIIMBO SHA DAWIDI 86:5

Kyamba Iyo, Mndumii Ui mcha, nokuṟeheṟie ihooṟia, noichuo osaṟio. Ko wandu wose wekyekulaha.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 31:6

Halukienyi ichu mulemleha nyo wana wa Israeli.

YESAYA 44:22

Njilesanja madeko hapfo cha ipuchi linene, na wunyamaṟi wopfo cha ipuchi; wuya na koko; kipfa njilekukiṟa.

YEREMIA 11:6

Mndumii-Ruwa kanjiwia, “Onguo madedo ha hose kiidi kya mṟi yose ya Yuda na njia tsa Yerusalemu. Wawie waadanyie mbonyi tsa madedo ha na ihainutsia.

YEREMIA 12:15

Kechiwa ngamewawutapfo njiwuye iwasaṟia, numa njiwaendese orio mndu naide na kyoṟenyi kyake na orio mndu naide na orukenyi loke.

YEREMIA 23:8

Kyaindi, “So Mndumii ai na moo” alewadosa kasongoya mba ya Israeli wuka oruka lo mtsudu na wuka njoruka tsilya njilewafunyia; wo wechikaa orukenyi lowo wa wenyi.

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 3:14

“Wuyenyi nyo wenyi mtolo nyo wana wedeko; Mndumii ahamba, kipfa inyi nyi mii onu; na inyi njechiwuta mndu umu, o mṟi fumu na wawi wa mba imu, na inyi njiwaende mṟasa Siyoni.

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 3:22

Wuyenyi nyo mui wewuta shindo shilachihiṟa, inyi njechichiṟa mawuto hanu mawicho. “Nanyo mohamba, ‘Ambuya locha kopfo; kipfa iyo nyi Mndumii-Ruwa odu.

YEREMIA 3:5

Nyechiwada nyashi yako mlungana Naiwada itane matsitsionyi: Ambuya nohamba kudo, indi nowuta shindo shiwicho, noosha njia yapfo kumonyi.”

YEREMIA 3:7

Na inyi njilehamba numa ya iwuta isho shose nechinjiwuuya inyi, indi nalawuye; na mshiki oke, Yuda awode mtambo, kawona isho.

YEREMIA 30:11

Kipfa inyi njikeri hamu na iyo njikukiṟe. Inyi Mndumii-Ruwa ngahamba. Njechirumatsa piu mkambo yose, njilekurahanyitsa koyo; indi iyo njechirumatsa pfo. Njechikuhoṟuo chandu kikuwaṟi njechikuda uhende njilakuhoṟuopfo; Nyi inyi Mndumii-Ruwa ngahamba.’

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

YEREMIA 31:21

“Wika shiacho njienyi tsapfo, tochia mambo tsekuloṟa okondo, kumbuo necha njia iya ing'anyi, njia iya uleida ochihenda. Iyo Israeli wuya, wuya na kanyi, mṟinyi yapfo.

YEREMIA 31:8

Ambuya, njechiwaende wawuka oruka lo mtsudu, njechiwasanyia wawuka mtsitsionyi fo oruka. Wose wechikaa-pfo, manya shipfupfuṟe na shileta. Waka wanene na wakeri ifee, mamiingi fung'anyi mnu fochiwuya na iya.

YEREMIA 33:26

Kyasia, nyi wudo kikeri da: njechikumba wafeo nyi Yakobo na Dawidi, mṟundi oko pfo. Njechihoṟotsa umu o kishari kyake naitoṟie wa oshari lo Abrahamu, Isaki na Yakobo. Kipfa njechiwawihiṟia sia yawo na iwasaṟia.”

YEREMIA 4:1

Kokoya okunda iwuya, iyo Israeli, Mndumii ahamba, “Nochiwuya na koko inyi; na kokoya okunda iwuta ngafu ii kidi kyapfo, ilakae kufui na iyo nyi ochikia.

SHILIO 3:22

Ikunda lyinganyi lya Mndumii-Ruwa lyeketsitsapfo, Isaṟia lyake liwode mtsitsionyipfo.

EZEKIELI 11:17

“Uwewawia se nyi wudi Mndumii-Ruwa ahamba, ‘Njechimusanyia sanyia se muwuke ipfo njorukenyi njilewananatsa njiwuye imwinenga se oruka lu lo Israeli.

EZEKIELI 33:11

Kipfa kya ikyo nyi ochiwawia kudi, so Mndumii-Ruwa ai na moo njekeseka ili mandi mndu apfa kipfa kya wunyamaṟi wokepfo, kyaindi kindo kinjichihiṟie nyi mndu cho ai mnyamaṟi nalekane na wunyamaṟi na mkao foke mmbicho kundu naidime ikaa na moo. Dumbuyenyi, wukanenyi na mawuto hanu mawicho nyo Waisraeli. Nki ili mukundi ipfa?

EZEKIELI 39:25

“Nyi wudo Inyi Mndumii-Ruwa njikeri ihamba, njikeri ihenda isaṟia Waisraeli wai nyi wana wa Yakobo njiwewawihiṟia se mboṟa yawo, kundu rina lyako liele liidime se iindio.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

WALEWI 26:40

“Kyaindi kokoya wadumbuya wuwicho wowo, na wo wafee wawo kya wupiṟi walenjiwutia Inyi, na chandu walewingana na Inyi,

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.

NGUMBUO YA MAWAWASO 30:2

Mkawuuya Mndumii-Ruwa, Ruwa onu, nyo na wana wanu, mukaindia kui mrima fose na ngoo yose idedo lyake njimuwawasia inu,