YEREMIA 27:8 - Bibilia Kui Mdedie fo Kimochi

⁸ “Na kechiwa isanga lyo na mangi ulya alakunda iṟundia Ndebkadreza mangi ya Babeli na iwika nzingo tsawo kiidi kya shipfungo sha mangi ya Babeli, inyi njechikapa isanga lyo ko oshu na ko njaa, na ko ndaṟe ya makokoi itane njechiwaarisa ko owoko loke.

YEREMIA 27:8 ပူးပေါင်းရင်းမြစ်များ

YEREMIA 24:10

Njechiwaamtsia shida, njaa na ndaṟe njiwicho tsiwarumatse kichikichi wawuke orukenyi njilewainenga wo na wandeawo.”

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 27:11

Kipfa isanga lilya lyechiwika nzingo tsawo kiidi kya shipfungo sha mangi ya Babeli, na imṟundia, isanga lyo njechilida likae kiidi kya oruka lowo wawenyi, nyi Mndumii ahamba, nawo wechiludema na ikaa pfo.”

YEREMIA 27:13

Nki kitewe mukundi ipfa, iyo na wandu wapfo ko oshu na njaa na ndaṟe ya makokoi chandu Mndumii alehamba ko isanga lyo lyilakundi iṟundia mangi ya Babeli?

YEREMIA 28:14

Kipfa Mndumii o matorito Ruwa o Israeli nyi ahamba adi, ‘Ngawika oṟo ya menya kidi kya nzingo ya masanga hose kundu waṟundie Nebukadneza mangi ya Babeli. Njechimnenga mando ha ngeṟa hose na ha oruka.’”

YEREMIA 28:4

Na inyi njechiwihiṟa Yekonia mana o Yehoyakimu mangi ya Yuda handu hamu na walya wawapfunge wose wa Yuda walehenda Babeli, Mndumii ahamba kipfa njechifunja shipfungo shose sha Babeli.”

YEREMIA 29:17

Inyi Mndumii-Ruwa Menyi matorito ngahamba kudi, “Ambuya njimudikia oshu, njaa na ndaṟe mbicho; njechimuhaluo cha mkuyu njiwicho mnu tsilechiwa iliyo.

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 40:9

Gedalia kalya nyamu oshangunyi lowo na matorito hawo kechihamba: “Mulaowuo iṟundia Wakalidayo. Kaenyi orukenyi muṟundie mangi ya Babeli, na mbonyi tsanu tsechimuhendia necha.

EZEKIELI 14:21

Mndumii-Ruwa nahamba, “Njikeṟi idika ngapo tsing'anyi tsina, mṟinyi fo Yerusalemu natso nyi shida, njaa, mando ha ngeṟenyi mawicho, na ndaṟe ya makokoi, natso tsihende irumatsa wandu na shindo shii na moo.