YEREMIA 27:6 - Bibilia Kui Mdedie fo Kimochi

⁶ Na wulalu ngawika njoruka tsose mawokonyi ha Nebukadneza, mangi ya Babeli, mṟundi oko na mando ha ngeṟenyi ngamnenga naho hamuindie.

YEREMIA 27:6 ပူးပေါင်းရင်းမြစ်များ

YEREMIA 28:14

Kipfa Mndumii o matorito Ruwa o Israeli nyi ahamba adi, ‘Ngawika oṟo ya menya kidi kya nzingo ya masanga hose kundu waṟundie Nebukadneza mangi ya Babeli. Njechimnenga mando ha ngeṟa hose na ha oruka.’”

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 43:10

Kiidima uwawie kudi: Ambuyenyi, inyi njechiduma na iende Nebukadneza, mangi ya Babeli, mṟundi oko, nao nechiwika loṟika loke lo wuitoṟi huye ya maho-ha njihaṟikie iya, na iala kai lya wumangi huyake.

YESAYA 44:28

inyi njekewia Koreshi, mlisi oko na icho mowuta shilya njikundi; mṟasa nadedie Yerusalemu, nochiwiko; na hekalu lyo, otende lopfo lochiwiko.”

YEREMIA 24:1

Nebukadneza, mangi ya Babeli amemaa isamiṟa Yekonia mana o Yehoyakimu mangi ya Yuda hamu na wasongoru wa Yuda, waaria wa nganya kuwuka Yerusalemu na iwaduo Babeli. Mndumii-Ruwa kanjilora kiwonesio ki. Shikunja shiwi sha ndunda tsa mkuyu shii oshangunyi lo hekalu lya Mndumii-Ruwa.

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 22:25

na inyi njikuwike mawokonyi ha walya waikushiha iyo wakusoke moo, na mawokonyi ha walya uwaowoye, kiidi kya mawoko ha Nebukadneza, mangi o Babeli na kiidi kya mawoko ha Wakalidayo.

YEREMIA 49:30

Dichenyi, hendenyi kuleshe, kaenyi marinenyi. Nyo wandu wa Hazori, dichenyi mṟaheṟahe na ikaa maowionyi! Inyi Mndumii-Ruwa ngahamba. Kipfa Nebukadneza mangi ya Babeli nakuteseheṟa kyanu, nakusaye icha imusaṟikia.

EZEKIELI 29:12

Kiidi kya mṟi yo yose ya Misri yechinyamaṟika yechikaa wulya maka makumi hana (40). Ambuya nyi njechiṟaṟanja Wamisri kiidi kya wandu wa mkambo ingi na iwasamiṟia njorukenyi tsingi.

DANIELI 4:12

Maṟa halyo hawei mecha mnu, ndunda tsifoi, kando kashikie wandu wose, mando ha nja hakawona mṟishe wanda ya maṟamba halyo - malehe hakakaa huye ya maṟamba; orio kii na moo kikawona kando.

DANIELI 4:22

nyi iyo mangi kuleng'ana kowada pfinya; kipfa wunene wopfo wuleng'ana wukatana woshika ruwehu, na wuitoṟi wopfo wushikie matsitsionyi ha oruka.

2WAMANGI 25:28

Nalededa nao necha kamnenga kiṟumi kota wamangi wengi wawei kimu nao ipfo Babeli.

2MBONYI TSA MAHERI 36:23

“Ili nyi iwawaso lya mangi Koreshi, Mchili ang'anyi o Persia: Mndumii-Ruwa, Ruwa o Ruwehu, amenjitana njiwe Mchili o wuyana wose, na kanjinenga iṟunda lemsungusiao hekalu kulya Yuda mṟinyi fo Yerusalemu. Wulalu, nyo mose sa mui wandu wa Mndumii-Ruwa, hendenyipfo, na Mndumii-Ruwa, Ruwa onu nawe nanyo.”

EZEKIELI 30:24

Ambuya njihenda iwikia mawoko ha Nebukadneza mangi o Babuloni pfinya, njiwewika oshu loko mawokonyi hake. Kyaindi njechifunja mawoko ho ha Farao, nao nyi echiṟohoṟa oshangunyi lo mangi o Babuloni cha mndu amfaṟe owicho.