YEREMIA 26:5 - Bibilia Kui Mdedie fo Kimochi

⁵ iadanyia madedo ha waṟundi wako waikimbi njilewaduma konu, njekure owinyi iwaduma; kyaindi nyo mulawaicho.

YEREMIA 26:5 ပူးပေါင်းရင်းမြစ်များ

2WAMANGI 17:13

Mndumii-Ruwa kaduma waikimbi na walya wewona kechitutuma Israeli na Yuda kechihamba, “Lekanenyi na njia tsanu njiwicho, muindie mawawaso hako chandu njilewia wandeanu ngawaikimba kui madumbu ha waṟundi wako wai waikimbi.”

2WAMANGI 17:23

Ifurumiaho Mndumii-Ruwa kawafuna wawuke oshangunyi loke chandu awehambie kui dumbu lya waṟundi wake wai waikimbi. Ko ikyo wandu wa Israeli wakadao wapfungo wawuto orukenyi lowo mṟasa Ashuru napfo wakakaapfo mṟasa inu.

2WAMANGI 24:2

Kyasia Mndumii-Ruwa kamdikia makamba ha Wababeli, Waaramu, Wamoabu na Waamoni wakape oruka lo Yuda na ilunyamaṟa sumhana na idedo lya Mndumii-Ruwa alededa kui waṟundi wake waikimbi.

2WAMANGI 9:7

Na iyo nochikapa mba ya Ahabu mndumii opfo, kundu njikutaaye kiṟache kya samu ya waṟundi wako wose wa Mndumii, owokonyi lo Yezebeli.

EZRA 9:11

Mawawaso ha uwewawasie waṟundi wapfo wai waikimbi wechihamba: ‘Oruka lu muida napfo kundu luwe kioṟa kyanu nyi oruka lufanyitse ngafu ko mawuto mawicho ha wandu wo waleepfo. Nyi luichuo ngafu tsing'anyi tsa iwo waleepfo.

YEREMIA 11:7

Kipfa njilewawasa waku wawo lilya njilewawuta orukenyi lo Misri, ngaweengeṟa iwawawasa wanjiindie mrasa mkonufu fo inu.

YEREMIA 29:19

Njechiwuta njido kipfa mulaleadanyia madedo hako njilemuwia orio kiheri kwi madumbu ha waṟundi wako na waikimbi nanyo mukaleha iwaicho. Nyi inyi Mndumii-Ruwa ngahamba.

YEREMIA 32:33

Walenjikumba mhongo handu ha shamu shawo; ma kikawa ngamewalosha kitsitsi walanjiadanyie ma iambia shiloshio shako.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 35:17

Ko ikyo inyi Mndumii-Ruwa o matorito, Ruwa o Israeli, ngahamba kudi. Njechimuendie wandu wose wa Yuda na wenyi wose wa Yerusalemu mawicho hose njilededa kyawo, kipfa inyi njilededa nawo, indi walanjiadanyie, njilewalaha, indi walanjiidikie.”

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

YEREMIA 7:13

Nahong'u kidedo kya Mndumii nyi kikeri kile, na wulalu, kipfa mowuta mawuto halya ha mawicho hose, mulawemeicho handu njiwetsindie imdedia mnu mulaweidikia handu njiwei imlaha.

YEREMIA 7:25

Na inyi, wokia mkonu wandeanu walesama Misri, shika mkonu fo inu, njiwekeri imudumia waṟundi wako, nyiwo waikimbi, njilalemo.

EZEKIELI 38:17

“Inyi Mndumii-Ruwa ngahamba njidi: Iyo nyi ulya njiwekusendie kui dumbu lya waikimbi wako wa Israeli ke nyi njechikuduma ulimbane na wandu wa Israeli.”

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.

OTAMBAHALUO LO YOHANE 10:7

Kya indi mkonu iya ya msu ulya o mfungade mandi echideda; ilyi echikapa ombe loke; Ruwa echiawutsia kyama kilya kyake kirikye alekimanyishya masinga hake waikimbi ke nyi kikeri ndumi ya sia.

OTAMBAHALUO LO YOHANE 11:18

Mkambo ya wandu ikarihinyika kukacha nyashi yapfo na kiheri kyeanduya wapfu. Na yenengya masinga hapfo wuṟundi nyiwo waikimbi wapfo; na waele na weowuo rina lyapfo walya watutu na walya wang'anyi, nkyo kiheri kyerumatsa warumatsi walya wa wuyana wu.”