YEREMIA 26:2 - Bibilia Kui Mdedie fo Kimochi

² Mndumii nyi ahamba adi, “Hoṟoka osehu lo mba ya Mndumii udede na mṟi yose ya Yuda, iwo wekecha iwika wuindi kiidi kya mba ya Mndumii.” Deda nawo madedo hose njikuwawasa iwawia, ulade idedo ma limu.

YEREMIA 26:2 ပူးပေါင်းရင်းမြစ်များ

YEREMIA 1:17

Wulalu iyo kure nokuṟeheṟe uhende iwawia madedo hose njilekuwawasa, ulaowuo kipfa kyawo, njilawone njechikuowesha ipfo oshangunyi lowo.

YEREMIA 1:7

Kya indi Mndumii-Ruwa kanjiwia, “Ulahambe inyi njii mana mtutu. Kipfa nyi ochihenda ko orio mndu njechikuduma koke, na iyo nochihamba orio idedo njechikuwawasa.

YEREMIA 19:14

Kiidima, Yeremia kawuka ipfo Tofeti, ipfondu Mndumii-Ruwa alemduma nahende iduopfo wuikimbi, nao kahoṟoka osehu lo mba ya Mndumii-Ruwa, kawia wandu wose kechihamba:

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

YEREMIA 25:2

Idedo Yeremia alewia wandu wose wa Yuda na wengi wose wa Yerusalemu, kehamba.

YEREMIA 28:5

Nlyo mwikimbi Yeremia kawia mwikimbi Hanania kiidi kya wakohanyi na kiidi kya wandu wose walehoṟoka kiidi kya mba ya Mndumii.

YEREMIA 36:10

Kyasia Baruku kasoma madedo ha Yeremia halya hawei kiidi kya kitapu kilya oshangunyi lo siṟi yose ya wandu mbenyi ya Mndumii-Ruwa, kiṟihenyi kya Gemaria mana o Shafani awei mṟehi. Kiṟiha kyo kiwei kichangalenyi kya huye, kuwode Mongo mhya fo mba ya Mndumii-Ruwa.

YEREMIA 42:4

Yeremia kawahaluo, “Kicha; ngaicho. Njechiterewa Mndumii-Ruwa, Ruwa onu, chandu moterewa; kindo kyose Mndumii-Ruwa echinjihaluo, njechimuwia; njechimuṟika kindo kyosepfo.”

YEREMIA 7:2

“Kuhoṟotse ipfo kichuminyi kya hekalu lya Ruwa noongoye-pfo kikeri kiile, ‘Nyo Wayuda mose mokuidia kichuminyi-ki muterewe Mndumii.’

YEREMIA 7:27

“Na iyo nowaongoye madedo hose ma kudo wechikuicho pfo, kowalaha wekuhaluo pfo.

EZEKIELI 3:10

Mndumii kanjiwia se, “Iyo mndu, adanyia necha madedo ha njikuwia, uhawade na mrima.

EZEKIELI 33:7

“Ambuya iyo mndu nyi ngakusambuṟa iyo uwe mringi o mba ya Israeli, kiheri kyo ochiicho idedo liwukie koko nyi ochiwawia.

EZEKIELI 40:4

Kyasia kanjiwia, “Iyo mndu! Ambuya necha, uweadanyia necha. Kewewada na mrima orio kindo njiihenda ikuloṟa kyamba nocha na iya kundu njikuloṟe kindo. Kipfa kya ikyo nochiongoya wana wa Israeli orio kindo ochikiwona.”

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

LUKA 19:47

Nao kawa molosha handu halya haele orio mkonu, Indi wakohanyi wanene na walaanyi wa wuwawaso na wanene wa wandunyi wakashiha mwaanya fomrumatsa.

YOHANE 18:20

Yesu kamhalwo, “Inyi njiweloshye na pata wuyana wukaicho. Mafiri hose njiwelosha ipfo sinagogenyiyi na hekalunyi kundo Wayuda wecheke kumbuhananya. Kuwode ma kindo ndehamba kya kiṟikapfo.

YOHANE 8:2

Ili lya ngama ngamenyi kaida-se na ipfo hekalunyi Wandu waipfo wose wakamwosha, nao kadamya-pfo kechiwalosha.

MAWUTO HA WASU 20:20

Nyi mwichi ke njilemṟika nyo idedo ma limu lii kiiṟa kyanupfo. Kya indi njiweimwongoya na imulosha ma njiwei patehu ma njiwewa ipfo mba.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

MAWUTO HA WASU 5:25

Kukacha-pfo mndu kawashitsya mbonyi ke wandu walya mlewashingya kulya mba ya wapfungo nyi kulya hekalunyi wai wahoṟoki wechilosha wandu.

MAWUTO HA WASU 5:42

Nawo ma walakudeye waleehenda-se yongwo mbonyi tsa Yesu mafiri hose ipfo hekalunyi na kui mba kui mba.

NGUMBUO YA MAWAWASO 12:32

Orio kindo ngamuwawasa, kuṟisenyi mushiwute; mulaengeṟeho kindo manya mulawuteho kindo.”

NGUMBUO YA MAWAWASO 12:5

Indi mochihenda handu Mndumii-Ruwa, Ruwa onu echisambuṟa ipfo shisharinyi shose iiṟicha rina lyake na hawe handu hake hekaa; ipfo mpfo kundu mochihenda;

NGUMBUO YA MAWAWASO 4:2

Mulaengeṟeho kindo manya kimu kiidi kya mawawasoho njimuinenga, manya mulaanguṟeho kindo; hendelienyi mawawaso ha Mndumii-Ruwa, Ruwa onu iha njimuinenga.

YOSHUA 8:35

Kyasia kulakaeho manya idedo awewawasie Mose lilalesomo oshangunyi lo mamingi fo Waisraeli na waka, wana watutu na wahenu wawei kiidi kyawo.

OTAMBAHALUO LO YOHANE 22:19

Na kokoya kwipfo echiwuta ko madedo ha kitapu kya otambahaluo lu; Ruwa echiwuta-ho kita kyake kya ikidi liende moo na kya mṟi fulya mweele fu mhambe kitapunyi ki.