YEREMIA 24:9 - Bibilia Kui Mdedie fo Kimochi

⁹ Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 24:9 ပူးပေါင်းရင်းမြစ်များ

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2MBONYI TSA MAHERI 7:20

njechimukuṟuo njimuwute kunu orukenyi sa njilemuinenga. Njechiwa kuleshe na hekalu li, handu njilehamba njiwe moindio, kundu wandu wa oruka lose wahambe iki nyi kindo kya kitohio na ili salucha oshangunyi lo wandu wa mkambo yose.

SHIIMBO SHA DAWIDI 69:11

Kiheri njilehaluo masaṟa ha mkunja; hawe nguwo tsako, ngawa oṟaayo kowo.

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YESAYA 65:15

Nanyo nyi mochida rina lyanu liwe oseso ko wasambuṟe wako.” Na Mndumii-Ruwa nechikuwaha; nao nechilaha waṟundi wake kui rina lingi:

YEREMIA 15:4

Njechimuhaluo kindo keowesha kiidi kya wamangi wose wa wuyana, kipfa kya mbonyi tsa Manase mana o Hezekia, alewuta ipfo Yerusalemu lilya awei mangi ya Yuda.

YEREMIA 19:8

Njechihaluo mṟi fu fuwe kindo keṟihisha; wandu na italuka orio moida kufui nechiṟihio na italuo kipfa kya ngapo yafo.

YEREMIA 25:18

Wai Yerusalemu na mṟi ya Yuda na wamangi wawo na wandu wang'anyi kundu wahaluke wakiwa na kindo kiṟihishie na italuka, na oseso chando kui na inu.

YEREMIA 26:6

Njechihaluo mba i iwe cha Shilo, na mṟi fu njifuhaluo fuwe oseso njoshari tsose tsa oruka.”

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 29:22

Kipfa iki kechimukoya, wandu wose walesamiṟio Babeli wuka Yerusalemu wechihamba madedo ha hesesa. Mndumii-Ruwa naluwutie cha Zedekia na Ahabu, iwa walekoṟo na modo nyi mangi ya Babeli.

YEREMIA 34:17

Kwi kipfa kya ikyo inyi Mndumii-Ruwa ngahamba njidi: ‘Nyo mulenjiindia kirianyi na mkuachie fo wanawamaanu Waisraeli-pfo. Kyaisa, na inyi njechimuinenga mkuachie; mkuachie fo iwoho kwi oshu shidenyi, iwoho kwi ndaṟe na njaa. Njechimuhaluo muwe kiṟihisho kiidi kya mangi tsose wuyanenyi.

YEREMIA 42:18

Kipfa inyi Mndumii-Ruwa Menyi Matorito, Ruwa o Israeli, ngahamba njidi: Chandu nyashi yako na tuke yako ilehoya wandu wa Yerusalemu, nyi wudo tuke yako yechimuhoya nyo, kokoya mochihenda Misri. Mochiwa kirumo, kiṟihisho, oseso na sonu. Mochiwonase iyapfo.”

YEREMIA 44:12

Njechiwuta wandu wa Yuda waletsuhaa iwo wakuṟeheṟie ihenda ikaa Misri, njiwarumatse wose, wang'anyi ko watutu; wechipfa ko oshu ang'u ndaṟe. Wechiwa mbosha, kiṟihisho, oseso na italuka.

YEREMIA 44:13

Njechiwahoṟuo wose wai orukenyi lo Misri chandu njilehoṟuo mṟi fo Yerusalemu, ko shida, njaa, na ndaṟe njiwicho.

YEREMIA 44:22

Mndumii-Ruwa echiidima itirisiase mawuto ho hanu mawicho mulewuta pfo; nkyo kimarete oruka lonu lowa mrapu, cha nuka ya msanga, oseso luwuṟie wandu, chandu kii mṟasa inu.

EZEKIELI 23:46

Koikyo Mndumii-Ruwa nahamba adi: “Njikeri iduma mamwingi fo wandu nafo fochihenda iwaowesha na iwasoka orio kindo.

EZEKIELI 25:3

‘Adanyienyi idedo lya Mndumii-Ruwa, kyamba nyo nyi mulekeseka lilya mba yako ilefanyitso, na oruka lo Israeli lulerumatso, na lilyandi wana wa Yuda waledao wusingenyi.

EZEKIELI 26:2

“Ambuya Iyo mndu! Tiro nyi aleseka mṟi fo Yerusalemu kechihamba: ‘Ambuya mṟi fo Yerusalemu mongo yake wandu wa mkambo wawekekuidiaho fo mmaa irumatso. Wulalu fomeludea mweke fo wusuṟi woke womerumatso!’

EZEKIELI 5:8

Nyi wudi Mndumii-Ruwa ahamba: Nyashi yake nyi ikeri huye yapfo, nao nechikutaa kya mawicho hapfo oshangunyi lo wandu.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.

NGUMBUO YA MAWAWASO 28:37

Mochiwa cha kindo kiporu, kindo kipiṟe na kiṟiha ipfo kiidi kya wandu wose wa orukalo Mndumii-Ruwa aimuduo.