YEREMIA 23:3 - Bibilia Kui Mdedie fo Kimochi

³ Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 23:3 ပူးပေါင်းရင်းမြစ်များ

SHIIMBO SHA DAWIDI 106:47

Hoi Mndumii, Ruwa odu, kyelukiṟewo, kyelusanyie kuwuka ko wa mkambo, luane rina lyapfo iele, lukapie kiṟumi kyapfo ngululu.

YEREMIA 16:15

Indi wechilya nyamu na ihamba, ‘So Mndumii-Ruwa menyi moo, alewuta Waisraeli orukenyi lo mtsudu na wuka njoruka tsose alewafunyia pfo kipfa njechiwawihiṟa wawuye orukenyi lowo njiweinengie waku wawo.’”

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 30:3

Kipfa kuwode mkonu ikeri icha njimuwihiṟie sia nyo wandu wako Israeli na Yuda na imuwihiṟa se kiidi kya oruka lulya njileinenga waku wanu, nawo waluoṟe. Inyi Mndumii-Ruwa ngahamba.”

YEREMIA 31:7

“Kipfa Mndumii-Ruwa nahamba adi, ‘Imbenyi ko sia kipfa kya Yakobo, kapenyi mṟoṟo kipfa kya mkambo fung'anyi, onguonyi, chihiyonyi na ihamba; “Mndumii-Ruwa nakiṟie wandu wake, nawaendie okiṟo walya waletsuhaa na Israeli!’

YEREMIA 31:8

Ambuya, njechiwaende wawuka oruka lo mtsudu, njechiwasanyia wawuka mtsitsionyi fo oruka. Wose wechikaa-pfo, manya shipfupfuṟe na shileta. Waka wanene na wakeri ifee, mamiingi fung'anyi mnu fochiwuya na iya.

YEREMIA 32:37

Njechisanyia wandu wawuke kiidi kya njoruka tsose ipfo kundu walerahanyika kipfa kya nyashi yako na isuo, njiwawihiṟe se handu ha wakae kipuo.

YEREMIA 46:27

“Kyaindi iyo Yakobo mṟundi oko kulaowuo, ma kulaawo mamoo, iyo Israeli; kipfa njechikukiṟa kuwuka kuleshe, njechicha ikiṟa luwa lyapfo, kuwuka oruka walesamiṟo. Yakobo nechiwuya na ikutsia amchihie, ma kuwode echimwowesha pfo,

YEREMIA 50:19

Njechiwihiṟa Waisraeli orukenyi lowo, nawo wechilya shilimu shechidemo fumvuhu lya Karmeli na Bashani waweihuda kando kawukie mafumvuhu ha Efraimu na Gileadi.

YEREMIA 8:3

Ipfa lyechisambuṟo kota ikaa na moo, na mtsuhaṟo fulya fose kiidi kya wandu nyi fui mbicho, kulya wai watsuhaṟe ndewafuna orio handu. Nyi wudo Mndumii menyi matorito ahamba.”

EZEKIELI 11:17

“Uwewawia se nyi wudi Mndumii-Ruwa ahamba, ‘Njechimusanyia sanyia se muwuke ipfo njorukenyi njilewananatsa njiwuye imwinenga se oruka lu lo Israeli.

EZEKIELI 36:11

Njiwehenda ipfumbutsa wandu hamu na shiuma shehende ifo. Nyo mafumvu njemuhaluo muwe handu hecha hekaa cha kuwoka. Njiwehenda iwawutia sha wucha kota kuwoka. Nlyondi nanyo mochiwutaho imanya ke inyi nyi Mndumii-Ruwa.

EZEKIELI 36:24

Ambuya nyi njihenda iwawuta ipfo kiidi kya mkambo ya wandu, njiwewawutase ipfo njorukenyi tsose njihenu njimuwihiṟese na kunu orukenyi lonu nyo muwenyi.

EZEKIELI 36:37

“Inyi Mndumii-Ruwa ngahamba njidi: Waisraeli wakeri ihenda injiterewa wapfumbuke cha ipo lya machondi, kipfa kya ikyo nyi njechiwafoeṟa kudo.

WALEWI 26:9

Njechimuichio makulili na imusaṟia muwade wana wafoi na imupfumbutsa; na Inyi njechiwanza mkundana foko nanyo.

MIKA 2:12

Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

MIKA 7:12

Mkonu fo wana wa mayanu wechimuwuya, wuka Ashuru na shihongo sha Misri, wuka oruka lo Misri na njora tsa Eufrate; wuka ora lo mṟinga na njora tsa mafumvu.