YEREMIA 21:2 - Bibilia Kui Mdedie fo Kimochi

² “Luwese mbonyi ko Mndumii, kipfa Nebukadneza mangi ya Babeli naira shida naso, kofia Mndumii. Nechiluwutia chando maṟunda hake hai ha kiṟiha kundu nahende nalude.”

YEREMIA 21:2 ပူးပေါင်းရင်းမြစ်များ

MAWOOKIONYI 10:10

Mawokyonyi ha wuchili woke nyi wokia Babeli na Ereku na Akadi orukenyi lo Shinari.

2WAMANGI 1:3

Kyaindi malaika o Mndumii kawia Elia Mtishbi, “Kure uhende uwonane na wandu wa Mangi o Samaria, uwawie, ‘Ngesa nyi kipfa kulawode Ruwa kiidi kya Israeli, mtano mohenda iwesa ko Baal-zebubu ruwa o Ekroni?’

2WAMANGI 17:24

Kiidima Mangi o Ashuru kaduo wandu wuka Babuloni, Kutha, Ava, Hamathi na Sefarvaimu kawawika kiidi kya mṟi ya Samaria handu wandu wa Israeli waledao wusamiṟonyi, wakawada mṟi yo wakakaapfo.

2MBONYI TSA MAHERI 32:21

Nao Mndumii-Ruwa kaduma msu, kahenda iarisia kuleshe malemali ha ngoru, wanene na wasongoru wawo kiidi kya kiṟaṟo kya mangi o Ashuru. Kyasia, mangi o Ashuru kawuya na kanyi koke awodo nyi sonu. Na kiheri aleida na mba ya ruwa oke, maata ha wana wake wakambaha oweṟe ko oshu.

IWUKA 9:28

Terewenyi Mndumii-Ruwa; cha kipfa makuṟuṟuma ha hang'anyi mnu na mvuo yo ya manzaho hashikie, na inyi njechimuinenga momu mukuhendie, mlakaese ngoseṟa.”

YESAYA 48:2

Kipfa mokekulaha nyi wenyi mṟi Mwele, moketaramo nyi Ruwa o Israeli; Mndumii menyi Matoṟito nyi lyo rina lyake.

YEREMIA 15:11

Kyasia ng'u Mndumii-Ruwa kudee njosesotso tsinjikoye kokoya njilakurundia necha na kokoya njilalekuterewa kipfa kya wakituwa wako kiheri wawei wukiwenyi na waale.

YEREMIA 21:3

Kyasia Yeremia kawawia: “Wienyi Sedekia:

YEREMIA 32:17

Hoi Mndumii-Ruwa, nyi iyo kumonyi kwi pfinya tsapfo tsing'anyi na wuidimi wopfo, kulewumba ruwehu na oruka.

YEREMIA 32:24

Ambuya, Wakalidayo wasuma maṟungu wotengetia mṟi; wawika wado kundu wafuduo wupfungo; wafusaṟikia. Shida, njaa na mawawio shechitewa mṟi fu fuwado na wandu wo. Nyi lohi mbonyi tsilya kuleikimba tsahoya. Nuwonyi kumonyi.

YEREMIA 34:1

Idedo lya Mndumii-Ruwa lilechea Yeremia kiheri kya Nebukadneza, mangi o Babeli, hamu na wandu wose wa mbahanyi na waitoṟi wose wawei wuyana wawei wanda yake kake na wandu wose wawekeri isaṟikia mṟi fo Yerusalemu na mṟi ingi yose ya mṟasenyi:

YEREMIA 37:17

mangi Sedekia kamlaha na koke kamwaambia. Mangi kambia handu ha kisekenyi wai mbenyi yake: “Ngesa kuwode idedo lyose liwukie ko Mndumii-Ruwa?” Yeremia kamhaluo, “Yee! Kaengeṟa imbia, ‘Iyo nochidambiko mawokonyi ha mangi ya Babeli.’”

YEREMIA 37:3

Mangi Sedekia kaduma Yehukali mana o Shelemia, hamu na mkohanyi Sefania mana o Maasela ko mwikimbi Yeremia, wamterewe nawaterewie ko Mndumii-Ruwa, Ruwa owo.

YEREMIA 37:7

“Inyi Mndumii-Ruwa, Ruwa o Israeli, ngahamba njidi: Nochiwia kudi mangi ya Yuda, ichu aleduma unjiterewe handu hake: ‘Ambuya! Wandu wa mbahanyi wa Farao walecha ikutarama, wai kufui iwuya na Misri kowo.

EZEKIELI 7:26

Ambuya chandu ndenga tsilelungana; na mbonyi njiwicho na wudo tsilelungana. Wakawehenda ipfula wuikimbi ko mwikimbi, kyaindi wakohonyi wa kawuṟa wuwawaso wo wainenga na wameku na wudo wakawuṟa chila yewainenga.

WACHILI 20:27

Waisraeli wakaterewa Ruwa nawainenge oloho. Kiheri kyo isanduku lya mkundana lya Mndumii-Ruwa liwei ipfo Betheli.

1SAMWELI 10:22

Wakawesase Ruwa, “Ngesa, kuwode mndu ungi ngoseṟa aicha Ruwa kawawia, ‘Naowie amonyi kiidi kya nzohoṟa.’”

1SAMWELI 28:15

Samweli kawesa Sauli, “Nkilyi onjiwinyisha injiende na kunu huye?” Sauli kamhaluo kambia, “Inyi njiwodo nyi wukiwa wung'anyi! Wafilisti waira shida na inyi, na Ruwa najikumba mhongo; ainjihaluose kui waikimbi ang'u kui ndodopfo Nkyo kimaduma ngakulaha nokenjiwia kindo njechiwuta.”

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.