YEREMIA 20:9 - Bibilia Kui Mdedie fo Kimochi

⁹ Wulalu ngahamba ke njechimsenda pfo, ma njechidedase kui rina lyake pfo, kyasia kechiwa cha ili kuwode modo, sa fuiaka kiidi kyako fui fupfinyike, kiidi kya mafuo hako inyi ngalehela itirisia, ma njechiidima ikarishia pfo.

YEREMIA 20:9 ပူးပေါင်းရင်းမြစ်များ

SHIIMBO SHA DAWIDI 39:3

Mrima foko fukawa modo kiidi kyako, kiidi kya makusaṟo hako modo fukaaka, njilededa kui olimi loko.

YEREMIA 23:29

Idedo lyako chi cha modo? Mndumii ahamba; Cha kiria kepaṟa maho shipeṟengupeṟengu.

YEREMIA 23:9

Ko mbonyi tsa waikimbi, njilepfa mrima, mafuo hako hose haṟengeṟi, ngawa cha mndu mnanzi, cha mndu amrohie mvinyo; kipfa kya Mndumii na kipfa kya madedo hake maele.

YEREMIA 4:19

Mawawio! Mawawio! Ngawawio kiidi kya mrima foko! Mrima foko fuiṟewe kiidi kyako njiidima itsiapfo kipfa fuicho ṟu lya iranda lya shida.

YEREMIA 6:11

Kyaindi njiichuo nyashi ya Mndumii, ngalehela na itirisia; letsienyi huye ya wana wai njienyi na kiidi kya wanake, wakuwumbie handu hamu; kipfa mii na mka oke wechidao handu hamu, mndu mku na ulya ashitsie maka yake.

EZEKIELI 3:14

Nalyo Mumuyo fo Ruwa fukanjiira alya fukanjiduo haleshe, ngahenda njii msokie nyi fowa na nyashi, kyaindi pfinya ya Ruwa iwei na inyi.

EZEKIELI 3:3

Nalyo kanjiwia, “Iyo mndu lya kitapu ki njikeri ikuinenga, nokuihutse nyi kyo.” Koikyo ngakiambia ngakilya, nakyo kikaloda cha wuki dumbunyi lyako.

AMOSI 3:8

Miiso fompoṟohoṟa, nyiu alechiowuo? Mndumii-Ruwa amededa nyiu aidima ideda shile nyi ihamba kisuku?

YONA 1:2

Kure nohende Niniwe, mṟi fulya fung'anyi, nofupoṟohoṟie na pfinya, kochiwawasa; kipfa madeko hawo na wunyamaṟi wowo woshika oshangunyi loko.

YONA 1:3

Kyaindi Yona kakure kadichia Tarshishi, kundu nakushowe na oshangu lo Ruwa; kasoka kahenda mṟasa Yafa, adi kakoya wandu wahenda Tarshishi kui ngalawa ya otano, kawuta heleri tsishikie kiheo kewukia Yafa noshike Tarshishi, kadoya ngalawenyi kahendesana na wandu walya wengi Tarshishi, kundu nadiche kyamu kya Ruwa.

LUKA 9:62

Na Yesu kambia, “Ma mndu amelesha owoko loke kawada kumbi lyedema na mbe, kawuya yambuya numa, nechikaa nasumhane ipfo wumanginyi wo Ruwapfo.”

MAWUTO HA WASU 17:16

Paulo aipfo adi kechiwawedya kulya Atene kawona chando mṟi fulya fuichwo njofano, mumuyo foke fukapfuluko mnu.

MAWUTO HA WASU 18:5

Kikasia Sila na Timoteo wekisoka wawuka Makedonyia Paulo kaṟungamisha mwongoye na kamu kechiṟingishya Wayuda ke Yesu nyio Kristo.

MAWUTO HA WASU 4:20

Kyamba so lochiidima ida luladeda ikyo lulewona na iichopfo.”