YEREMIA 2:8 - Bibilia Kui Mdedie fo Kimochi

⁸ Wakohanyi walehamba, “Oku Mndumii-pfo;” Manya wa kanyi walenjimanyapfo, walisi wakanjida, waikimbi wakahalukia Baali wakaikimba kyake, wakaosha mbonyi tsa wulya.

YEREMIA 2:8 ပူးပေါင်းရင်းမြစ်များ

1WAMANGI 18:22

Naalyo Elia kawawia, “Inyi njimonyi nyio njitsuhae, inyi njimonyi njii mwikimbi o Mndumii, kyaindi waikimbi wa Baali nyi wandu mahana hana na makumi hatanu 450.

1WAMANGI 18:29

Kiheri kya mfiri fo saa nyanya wakaterewa kyaindi ote lohi kilafume kindo, kuwewode ṟu, ma mohaluo ma moambuya-pfo.

1WAMANGI 18:40

Elia kawawia, “Wadenyi waikimbi wa Baali, nalakie ma umu.” Wakawawada, na Elia kawaduo mṟasa kimeda kya Kishoni kawawaahia pfo.

YOBU 35:10

Ma kuwode mohamba, oku Ruwa chu mowumba, Ekeinengia wandu shiimbo maheri ha kio;

YESAYA 28:7

Ma kudo, iwa nawo wadeko kui mvinyo, wadekie kui kenanza; mkohanyi na mwikimbi wadekie kui wunanzi, wai wameṟe nyi mvinyo, wadekie kui kenanza; wekedeko shiwonesioni, wakakapa mtulia kiidi kya mwanduye.

YESAYA 29:10

Kipfa Mndumii namupusuya mrima fo mado, kawikia meso hanu iwushi-wushi, nawo nyi waikimbi, nashikie mdo yanu, na walya wewona.

YESAYA 30:5

Wose wechiwadia sonu wandu welechiidima iwatarama, walawode kindo ma kiira, indi nyi sonu na iterengio.

YEREMIA 10:21

Na inyi Yeremia ngahamba; “Walisi wawa masembo, waleterewa waloṟo mbonyi ko Mndumii-Ruwa-pfo nkyo kitewe walawone kiira, na machondi hawo hose hakaṟahanyika.

YEREMIA 12:10

Walisi wafoi wanyamaṟa dema lyako lya msabibu, wakachuma chuma oruka lui masaa hako: mdemi foko fucha wafuhaluo nuka ya msanga.

YEREMIA 16:19

Iyo Mndumii-Ruwa! Iyo nyi pfinya yako na opanga loko kopfo, nyi kidichionyi kiheri kya ngataṟa. Njoshari tsose tsa wuyana tsekuchea tsechihamba, “Waku wadu wawewode kindo pfo shila maruwa ha wongo, shindo sha mai shilawode kiira.

YEREMIA 18:18

“Nalyong'u wakahamba njonyi ludede kya Yeremia, kipfa wuwawaso wochidekia mkohanyi pfo na wulaanyi wodekia menyi wuṟango pfo, ma idedo lechidekia Mwikimbi pfo. Njonyi lumkape kui idedo lyake amonyi, ma lulaadanyie idedo lyake ma limu.”

YEREMIA 2:11

Ngesa wandu wa mkambo wailacha maruwa hawo, ma chandu halawei Maruwa! Kyaindi wandu wako wailacha wuitoṟi wowo, ko kindo kilechiwatarama.

YEREMIA 2:6

Ma walehamba, “Nyiku ai Mndumii ulya aleluwuta Misri; kalusongoya kulya nuka ya msanga. Oruka luumu luichuo marina, oruka lo nyoda na ria lya opfu, lulekeido nyi mndu ma ilao nyi wandu?”

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 7:8

“Kyaindi nanyo mokusiria na madedo ha wulembi tupu halawode ma mbucha.

YEREMIA 9:14

Indi wakanjisuiṟa wakaosha mahio hawo na idichia muidikie fo Baali, chandu wafee wawo wawaloshie.”

EZEKIELI 22:26

Wakohanyi wawo wakafunja mawawaso hako, wakawesalucha shindo shako shiele. Waleidima iṟohuo kiidi kya shindo shiele na shilya shilai shielepfo, ma kiidi kya kiloshio waleidima iloṟa wandu wamanye nyi shindo shiha shii sha ngafu na nyi shiha shii shiele. Walekunda iindia sabato tsako pfo, kikatewa ngahenda imino kiidi kya mkambo fo wandu.

EZEKIELI 34:2

“Iyo mndu! Deda wuikimbi ko walisi wo wa Waisraeli ochiwawia kudi: Mndumii-Ruwa nahamba adi kyanu; Ochia nyi lonu walisi wa Israeli; mokekuihutsa muwenyi tupu! Angesa, muichi ke walisi nyi kiwawaṟi iihutsa machondi?

HOSEA 4:6

Wandu wako warumara kipfa walanjiichi; kipfa iyo mkohanyi noleha iwapfunda. Ngakuleha ulawe mkohanyi oko. Kipfa nohadima mdumbuye ya Ruwa opfo, na inyi njechihadima iwikia mboṟa wana wapfo.

HABAKUKI 2:18

“Sanamu tsengusia nyi kiki tsaidima, ma ulya aleisungusia? Sanamu yesalaṟa, ii mlosha o wongo kiki yaidima manya ulya alesalaṟa itane awikaho kikusirio kyake na iwikapfo sanamu tsiladeda?

MATAYO 16:26

Kipfa iki mndu echiira-ho kya wowina woke nyi kiki kokoya nyi awinyia wuyana wose kawuwona kadetsya-ho moo foke? Ang'u kindo mndu echiwika kiwe ndalai ya moo foke nyi kiki?

LUKA 11:52

Ochia lonu, nyo walanyi, wa wuwaso, kipfa muleduo opfunguo lo wulaany nanyo muwenyi mulaide napfo, na walya wawekundi iida napfo mkawakingia.”

YOHANE 16:3

Na kyatewa wawuta wado nyi kipfa walaichi ma Wande ma inyi walanjiichi.

YOHANE 8:55

Ma mulalememmanye. Kyaindi inyi njimwichi. Kokoya ngahamba njimwichipfo nyi njiwechiwa mowongo chanyo. Kya indi njimwichi na idedo lii lyake lyo njiliringa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

NGUMBUO YA MAWAWASO 33:10

Wakelosha luwa lya Yakobo mawawaso hapfo; waloshe wandu wa Waisraeli chile tsapfo. Walewi wapfaamiṟe opfamo oshangunyi lopfo, shidaso shiawukie shekoṟa rasionyi lyapfo.

1SAMWELI 12:21

Mulaoshe maruwa ha wongo halawode kiira manya haleidima imukiṟa, kyamba nyi ha wongo.

1SAMWELI 2:12

Wana wa kisoṟo wa Eli wawei wandu wawicho mnu nakamu. Walekeindia Mndumii-Ruwa menyi matorito.