YEREMIA 2:7 - Bibilia Kui Mdedie fo Kimochi

⁷ Inyi ngawawika kiidi kya oruka luichuo kando, mulyepfo ndunda na mecha hose haipfo, indi nyo kiheri kilya muleida kiidi kya oruka lulya, mulefanyitsa oruka lulya loko na kyooṟa kyako mkakihaluo kindo kisuikie.

YEREMIA 2:7 ပူးပေါင်းရင်းမြစ်များ

NEHEMIA 9:25

Ambuya wandu wapfo nyi walewada mṟi iwode njomombo, iwode wusuṟi wung'anyi, mba njicha tsiweichuo shindo shifoi, maṟungu ha mṟinga haweimasume, madema ha msabibu ha wafuda ha msinepfu, handu hamu na mashidi hengi hawewode ndunda tsifoi, koikyo nyi walelya, isho shose wakaihuda na inuo. Wakachihio mnu kipfa kya wucha wopfo.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

YESAYA 19:25

Kipfa Mndumii menyi Matorito nalewainenga ona kechihamba, wandu wako Misri na iyo Ashuru wawikio ona, iṟunda lya mawoko hako, na iyo Israeli, kyooṟa kyako.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 3:1

Mndumii-Ruwa nahamba, “Kokoya mndu ada mka oke, kahenda kawa na mka o mndu ungi, ngesa msoṟo ulya nechemwambiase? A orukalo lochiwangafu? Iyo Israeli naawo kulewa mmeluki na wambuya wafoi, na iyo ngesa nochinjichea inyi daa?” Mndumii ahamba.

YEREMIA 3:2

Iria meso hapfo noambuye huya mafumvu! Na shitoṟomoso shose nyi hanga walalelaa na iyo mbai ya njia kulewedia. Udamie cha Mwarabu nuka ya msanga aiweda mbucha, itane ohaluo orukalu ngafu kipfa kya wumeluki wopfo na wuwicho wopfo.

YEREMIA 3:9

indi o nalehenda kawewa mmeluki oruka lukafana ngafu, nao kaṟuhuya na maho na mashidi kechihaindia.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 32:30

Kipfa Waisraeli na wandu wa Yuda walewuta kindo kyose oshangunyi loko pfo, sile nyi wuwicho tupu wokia uwanake wowo; wandu wa Israeli walewuta kindo kyose pfo, shile nyi injisuiṟa kwi mawuto hawo. Nyi inyi Mndumii-Ruwa ngahamba.

EZEKIELI 20:24

Kyamba nyi waleleha ichumia kiidi kya sungusihu tsako, wakawumbuya mawawaso hako na ifanyitsa sabato tsako, na meso hawo hakakunda iosha sanamu tsilya tsa waku wawo.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

EZEKIELI 20:6

Kiherikyo njilewawikia kyasa ke njihenda iwawuta orukenyi lo Misri njiwaduo orukenyi njilewasumbuṟia njimonyi, oruka luichuo wuki na maruwa, oruka sa lulucha kota njoruka tsingi tsose.

EZEKIELI 23:35

Koikyo Inyi Mndumii-Ruwa Menyi Matorito ngahamba kyamba nulenjihadima na injikumba mhongo, nochiambiang'u weri wo wumeluki na wuṟuhui wopfo.”

EZEKIELI 36:17

“Iyo mndu! Ili mandi Waisraeli wawekeri kulya orukenyi kowo, nyi walelufanyitsa ko mchumie na mawuto hawo. Ambuya nyi njileṟinganyisha mawuto hawo cha mndu mka ili akeri kiidi kya mfiri yake.

HOSEA 9:3

Ambuya wechikaa orukenyi lo Mndumii-Ruwapfo, Ee wana wa Efraimu nyi wechiwuya wusingenyi kulya Misri, wechihenda ilya shelya sha ngafu kulya Ashuru.

MIKA 2:10

Kurenyi hendenyi konu! Iya kuwode hesia moo pfo. Kipfa kya iwuṟa wuhendeli, masaramayo hang'anyi hamuwedie!

MAITALA 13:27

Walewia Mose, “Luleshika orukenyi kuleluduma luhende iitichia; nyi oruka luwode wuki wufoi na maruwa hafoi na ili nyi indunda lyalo.

NGUMBUO YA MAWAWASO 21:23

mnying'a foke fuladeo kidihu kio taṟaṟaa indi mochimṟika mfiri na ifo ifo. Kyamba mndu amaso kidihu namsese nyi Mndumii-Ruwa, nanyo mochiteṟefutsa oruka lonu muleinengo nyi Mndumii-Ruwa, Ruwa onu, luwe lonu.”

NGUMBUO YA MAWAWASO 32:9

chandu iitala lya wana wa Ruwa lii. Kyaindi nalekusambuṟia wandu wa Yakobo wawe wake, iwo nalekuwasambuṟia wawe masaa hake.

NGUMBUO YA MAWAWASO 6:18

Wutenyi shilya shichihiṟie Mndumii-Ruwa kundu muonyisho. Mochiidima iwada oruka lulya lucha sa Mndumii-Ruwa alelya nyamu iinenga waku wanu,