YEREMIA 2:6 - Bibilia Kui Mdedie fo Kimochi

⁶ Ma walehamba, “Nyiku ai Mndumii ulya aleluwuta Misri; kalusongoya kulya nuka ya msanga. Oruka luumu luichuo marina, oruka lo nyoda na ria lya opfu, lulekeido nyi mndu ma ilao nyi wandu?”

YEREMIA 2:6 ပူးပေါင်းရင်းမြစ်များ

2WAMANGI 2:14

Kawada nguwo iya ya Elia ilemwolokia, kalachuo mṟinga kahamba, “Oku Mndumii-Ruwa o Elia.” Nao kiheri alelachuo mṟinga fulya, fukahawikana kunu na kunu, Elisha kaambada.

YOBU 3:5

Meema fukae huyafo, Ipuchi lyishinge huyafo-da, Mfiri fuwe kio rambatanyi.

YOBU 35:10

Ma kuwode mohamba, oku Ruwa chu mowumba, Ekeinengia wandu shiimbo maheri ha kio;

SHIIMBO SHA DAWIDI 23:4

Ee, mangaida kiidi kya pichi lya kirinje kya opfu, Njechiowuo mawichopfo, Kyamba Iyo noi na inyi. Iṟiinga lyapfo na ndichi yapfo shanjiwihiṟya moo.

SHIIMBO SHA DAWIDI 77:5

Njilekusaṟa mbonyi tsa mfiri ya kacha, maaka ya maheri halemsia.

IWUKA 20:2

“Inyi nyi Mndumii-Ruwa, Ruwa opfo njilekuwuta orukenyi lo Misri, mmbenyi ya wusinga.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

YESAYA 64:7

Kake kuwode molaha rina lyapfo, na itambahana nakuwadepfo; kipfa noluṟikie oshangu lopfo na iyo kolutoromesha kui mawicho hadu.

YEREMIA 13:16

“Ichikenyi Mndumii-Ruwa onu, alameende mema madende hanu halamekapa tulio huya mafumvu ha meema. Kiheri muweiwedia saa, ilamehaluke kuwe meema rambatanyi.

YEREMIA 2:2

“Henda noonguo mbonyi kya Yerusalemu ochihamba, Mndumii nahamba adi: ‘Njikumburie, mecha ha uwanake wopfo, ikunda lya wupora wopfo; Chandu ulenjiosha kulya nuka ya olele, Oruka lulalewayo mbeu.

YEREMIA 2:8

Wakohanyi walehamba, “Oku Mndumii-pfo;” Manya wa kanyi walenjimanyapfo, walisi wakanjida, waikimbi wakahalukia Baali wakaikimba kyake, wakaosha mbonyi tsa wulya.

YEREMIA 5:12

Wo nyi waleleha Mndumii wehamba, “Chio-pfo ma kuwode mawicho hechilukoya-pfo, lochikoyana na oshu manya njaa-pfo.

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 51:43

Mṟi yake yawa omino, oruka lumu na nuka ya msanga oruka lulekao nyi mndu ose, ma iido na mndu o wandu ose.

HOSEA 12:13

Kui wuikimbi Mndumii-Ruwa nalewuta Waisraeli orukenyi lo Misri; na kui wuikimbi, Mndumii-Ruwa nalewaringa.

HOSEA 13:4

Mndumii-Ruwa nyi ahamba adi; “Inyi nyi Mndumii-Ruwa njii Ruwa onu, ambuya nyi njilewawuta kulya Misri, manya kuwode se ruwa ungi sile na inyi, manya kuwode se mndu echiidima iwakiṟapfo.

AMOSI 2:10

Ngoseṟa njilewadosa wuka orukenyi lo Misiri, ngawateteṟa maaka makumi haana kulya nuka, kundu mwitoṟie oruka lo Mwaamori.

MATAYO 4:16

Wandu wadamie memenyi wawona ngeela ing'anyi, na walya wadamie orukenyi lo maṟishe ha opfu, wawonekio nyi ngeela.”

NGUMBUO YA MAWAWASO 1:19

“Kyasia, chandu Mndumii-Ruwa, Ruwa odu alelututuma, lulewooka kyaṟo kya kuwuka fumvunyi lya Horebu, lukaida kiidi kya nuka iya ing'anyi na ioweshie muiichi, lukaosha njia wohenda mafumvunyi ha Waamori. Loikishika Kadeshi-barnea,

NGUMBUO YA MAWAWASO 32:10

Nalewakoya orukenyi lo nuka, nuka tsilawode mṟinga tsiwode owira luwawo, Nalewaringa na iwalela, nalewatana cha riso lyake.

NGUMBUO YA MAWAWASO 8:2

Kumbuonyi chandu Mndumii-Ruwa, Ruwa onu, alemuteteṟa kulya kyaṟonyi kileshe; ikyama kulya nuka ko makayo makumi haana, kundu namutiichie na imuhesha namanye isho muweiikusaṟa mrimenyi yanu, kokoya muweiwada mawawaso hake ang'u ote.

WACHILI 6:13

Gideoni kambia, “Hoi Mndumii oko, kokoya Mndumii-Ruwa nai naso-le, kitewe mbonyi-tsi tsilukooye nki? Heku mawuto hake ha ṟiho iho waku wadu waleluongoya, wechihamba, ‘Mndumii-Ruwa nyio aleluwuta orukenyi lo Misri. Indi wulalu Mndumii-Ruwa nalelukumba na iluwika mawokonyi ha Wamidiani!’”