YEREMIA 2:34 - Bibilia Kui Mdedie fo Kimochi

³⁴ Kukawewono na samu ya walya walawode mti ipfo, kilemiyonyi kya nguo tsapfo; Manya njileiwona handu hengi-pfo ma ya wandu wengi-pfo na oo tupu.

YEREMIA 2:34 ပူးပေါင်းရင်းမြစ်များ

2WAMANGI 21:16

Ngoseṟa ya isho, da kya wunyamaṟi wotewa wandu wa Yuda inyamaṟa na iwuta mawicho oshangunyi lo Mndumii-Ruwa, Manase nalewaha wandu wafoi walawode mti, itane samu yaichuo ora lumu lo Yerusalemu ikahaukia ora lungi.

2WAMANGI 24:4

Na kipfa oshangunyi loke, kipfa kya samu aleipusuo ilawode mti, Mndumii-Ruwa alemhoṟia madeko ho pfo.

IWUKA 22:1

Mndu kaiwa mmbe ang'u ichondi, kashinja, ang'u kakumba; nechitaa mmbe tsingi tsitanu handu ha mmbe imu, na machondi haana handu ha ichondi limu.

IWUKA 22:2

Mmiwi kakoyo kechifunja handu, nao kakapo tane apfa, kochikaapfo kiṟache kya samu kipfa kyakepfo.

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YESAYA 59:3

Kipfa mawoko hanu hafanyi ngafu ya samu, na shimnyo shanu shifanyi ngafu ya wukika; madumbu hanu hadedie wongo na njolimi tsanu tsikasiria wuwicho.

YESAYA 59:7

Madende hawo hai maangu idichia mawicho na ihekia mteeṟa wapusuo samu ilawode mti; makusaṟo hawo nyi mawicho; wukiwa na inyamaṟika shawono kiidi kya njia tsawo njinene.

YEREMIA 19:4

Kipfa walenjida inyi na ihaluo handu ha hakawa hahenu nawo wakapfaamiria uvumba maruwa hengi walawehaichi, ma chi wo tupupfo na wandeawo ma wa mangi wa Yuda wakatana waichuṟa samu ya wandu walai na mti.

YEREMIA 2:33

Chando kulesungusia njia yapfo kundu noshihe mbuya, nkyo kitewe ma waka walya wawicho nulewalosha njia tsapfo.

YEREMIA 6:15

Ale walesokiyo nyi fowa lilya walewuta mawicho? Ote walesokio nyi fowa ma waleṟeenze pfo wai; kyasia wechioloka kiidi kya iwo weoloka; kiheri njechiwachea wechiolotso wanda, Mndumii ahamba.

YEREMIA 7:31

Wakawika handu hakuiriye ko ‘Tofethi,’ kui pichi lya mana o Hinomu, kundu wakoṟe wana wawo wa kisoṟo na wa kika kui modo kindo njilalekiwawasa, ma injiida mrimenyi foko pfo.”

YEREMIA 7:6

manya mulatuure ma mndu mhenu ma mana mngweda ma mka mkusu, mulapusuye handu-ho samu ilai na mti, mulaoshane na maruwa ha wongo hai ochia lonu.

YEREMIA 8:12

Ngesa na waleṟeenze lilya walewuta sha mkika? Ote waleṟeenze-pfo, ma walewado nyi sonu-pfo; kyasiang'u wechioloka kiidi kya weoloka; kiheri kecheo wechiolotso wanda. Mndumii ahamba.

SHILIO 1:9

Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

SHILIO 4:14

Wanene wawo nyi walerahanyika ipfo na ipfo njienyi cha shipfupfuṟe, kyamba nyi wawefanyi samu, kulakae manya mndu ose alekuwasha nawo.

EZEKIELI 20:31

Ili mandi muiwuta shidaso shanu, mochikoṟa wana wanu modonyi chi muleengeṟa ikufanyitsa na sanamutso mṟasa inu. Aka ngesa iyo mba ya Israeli nochiidima injiwesase kindo? So Mndumii-Ruwa ai na moo, ochiidima injiwesase kindopfo.

EZEKIELI 22:25

Wanene wanu wafananyi na miiso tsirongona ili tsiwode kindo madumbunyi hatso. Kyamba wekewaha wandu, wakawesoka wandu masaa hawo, wakaengeṟa waka wakusu orukenyi.

EZEKIELI 23:45

Kipfa kya ikyo wandu wa wusumuhanyi nyi wechiwaanduya chando wekeanduya waṟuhui na wawahi, kyamba nyo nyi waṟuhui na wawahi.”

EZEKIELI 24:7

Kyamba samu yo walepusuo ikeri ipfo kiidi kyawo, kya mba ilepusukia terinyi ishikio nyi kilulipfo, ilekuala ihohu lya iṟaṟa handu yewono.

EZEKIELI 9:9

Nao Mndumii-Ruwa kanjihaluo, “Wunyamaṟi wo mba i ya Israeli na Yuda nyi wung'anyi mnu. Orukalu luichuo wuwahi na mṟi fu fuichuo iwonyia, nawo nyi wekehamba, ‘Mndumii nalelukumba nao ekewonasepfo.’