YEREMIA 2:3 - Bibilia Kui Mdedie fo Kimochi

³ Israeli wawei waele wa Mndumii; Shilimu sha kuwooka sha oshari loke; iwo wechimlya wechihutsio owingo; ngataṟa tsechiwachea Mndumii ahamba.’”

YEREMIA 2:3 ပူးပေါင်းရင်းမြစ်များ

IWUKA 22:29

Kulakeleo injiendie mwano ya ndema lyapfo ya kuwoka ya Ngano na mvinyo, na mafuda ha msinefu. Na nochinjiendie wana wapfo wakisoṟo wawee.

IWUKA 23:16

na mkonu mnene fo shilimu, ndematso tsapfo tsawuka mademenyi hapfo; na kingise, mkonu mnene fosanyia, masiisonyi ha maka, ilyi ochisanyia isho ulewinyia demenyi.

YESAYA 41:11

“Ambuya, wose walewona nyashi yako wechitsia na iowuo; wandu wairekiana na iyo wechiwa wulya na isaramaya.

YESAYA 47:6

Njiwesuuye wandu wako, ngafanyitsa ngafu kyoṟa kyako ngawawika mawokonyi hapfo; iyo ulewasaṟia-pfo; noledika wameekuṟio lyapfo, lilemeri mnu.

YEREMIA 12:14

Mndumii nahamba adi, “Kipfa kya wamṟasa wako wawicho walya wekepaya kyoṟa kyako, njileinenga wandu wako Israeli, ambuya njechiwawuta kiidi kya oruka lowo na njechiwuta mba ya Yuda kiidi kyawo ilakae kowo.

YEREMIA 2:4

Adanyienyi idedo lya Mndumii, nyo wa mba ya Yakobo na nyo wa njoshari tsose tsa Israeli.

YEREMIA 30:16

Kyaindi iwo wose wakurumatsa, wechirumatso. Na wakituwa wapfo wose wechidao osamiṟonyi, wekulaaya njechiwalaaya.

YEREMIA 50:7

Wandu wose walehakoya walehawaha, na wakituwa waho wakahamba, luwode mti sopfo, kipfa ho haledekio Mndumii-Ruwa ai kanyi kawo kalohi; Mndumii-Ruwa ichu ai kikusirio kya waku wawo!

YOELI 1:3

Wiyenyi wana wanu mbonyi tsi, nawo wawiye wana wawo, nawo wawiye rika liicha.

AMOSI 6:1

Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

HABAKUKI 1:11

Indi ambuya nechideka cha otanu ichu ahaluye pfinya tsake nyi ruwa oke.”

ZEKARIA 1:15

Ngawesuo kipfa kya wandu wa mkambo wawode sia; kyamba inyi njilesuo kitutu tupu, nawo wakaitika wukiwa.

ZEKARIA 2:8

Kipfa Mndumii menyi matorito nahamba adi, Kundu njishihe kiṟumi, nanjiduma ko wandu wa mkambo walya walemuduo wapfungo, kipfa ulya momupaaya nyo, napaaya njeche ya riso lyake.

MAITALA 18:12

“Ngakuinenga shindo shose shicha shii sha kuwoka shiwukie mademenyi ha Waisraeli wekenjiinenga: mafuda mecha, mvinyo na mso.

WAROMA 11:16

Komkoya kipeṟengu kya mkate kii kiele, na mkate fo fose mso fo mruwe fui mwele na komkoya mri fo ikidi fumcha na maṟamba ho naho hamecha.

WAROMA 16:5

Njiiṟikiṟyenyi na siṟi iya wekyekusanza mbenyi tsawo. Kewenjiiṟikiṟienyi Epaineto mkunde oko, nyio sa aleasa ihalukya Kristo ipfo Asia.

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

NGUMBUO YA MAWAWASO 14:2

Cha kipfa nyo mui waele wa Mndumii-Ruwa, Ruwa onu; Mndumii-Ruwa amemusambuṟa nyo muwe wake kiidi kya wandu wose wa wuyanenyi kose.”

NGUMBUO YA MAWAWASO 26:19

Nechimutana nyo muwe mkambo fung'anyi kota ingi yose aleiumba. Nanyo mochiṟingishia rina lyake, kiṟumi kyake na wuindi woke. Nyo mochiwa waele wake chandu alehamba.”

NGUMBUO YA MAWAWASO 7:6

Wutenyi mudo kyamba nyo muiwashimbuo ko Mndumii-Ruwa, Ruwa onu. Kiidi kya wandu wose wa wuyanenyi nalemusambuṟa nyo kundu muwe mkambo foke o amonyi.

YAKOBO 1:18

Nyio alekunda kalufee so kui idedo lya kii-lohi kundu lukae-pfo lui odambiko lulya lo wuwee lusongoe mawumbe hake.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.