YEREMIA 2:23 - Bibilia Kui Mdedie fo Kimochi

²³ “Nyi wuda ochiidima ihamba ke, njifanyi ngafu-pfo, ma njileosha Mabaali-pfo?” Ambuya njia yapfo pichinyi, umanye shilya uwutie, iyo nyi ngamia njiangu idicha, yekeida njienyi tsake;

YEREMIA 2:23 ပူးပေါင်းရင်းမြစ်များ

ESTA 8:16

Wayuda wakaichuo sia, na sa ikakya kowo wakakuicho kiṟumi na ifuda na wuwinzi.

SHIIMBO SHA DAWIDI 36:2

Kipfa nyekekukundisha oshangunyi loke, ke odetso loke lowoneka ma isuika pfo.

SHIIMBO SHA DAWIDI 50:21

Nyi udo kulewuta, na inyi ngatsia; kokusaṟa ke inyi njifananyi na iyo. Indi njechikudedia, njechiwika isho shose oshangunyi lopfo.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

MFANANO 30:12

Kuwode kishari kya wandu wekutana wecha wo wawenyi; Walawasanje oko lowo.

MFANANO 30:20

Ifo nyi fo mhendie fo mndu mka mṟuhui; Nekelya kaanguo dumbu lyake, Kahamba, ngamewuta kindo kiwichonyi.

YEREMIA 14:10

Mndumii nawia adi wandu-wa, “Nyi udi walekunda iṟahaṟaha; walaidime ikukarisha, kyasia na Mndumii echiwaambia-pfo, na wulalu nechikumbuo wuwicho wowo, nechiwuwuya njonyamaṟo tsawo.”

YEREMIA 16:10

Na iyo ili ochiwia wandu-wa madedo ha hose wo wechikuwesa! Kitewe Mndumii-Ruwa nahambe madedo mawicho hadi kipfa kyadu nki? Deko lida lulewuta? Nyi wunyamaṟi wuda lulewuta. Mndumii-Ruwa Ruwa odu?

YEREMIA 2:36

Nkili uiṟahaṟaha kudi kundu noilache ohendo lopfo. Nochiṟeenze kipfa kya Misri, chandu kuleṟeenze kipfa kya Ashuru.

YEREMIA 3:2

Iria meso hapfo noambuye huya mafumvu! Na shitoṟomoso shose nyi hanga walalelaa na iyo mbai ya njia kulewedia. Udamie cha Mwarabu nuka ya msanga aiweda mbucha, itane ohaluo orukalu ngafu kipfa kya wumeluki wopfo na wuwicho wopfo.

YEREMIA 31:22

Nochipfio nyi mdo mṟasa indi? Iyo Israeli ulawode wuhendeli? Kipfa inyi njiwutie kindo kicha wuyanenyi; mndu mka nechiringa mndu msoṟo.”

YEREMIA 7:31

Wakawika handu hakuiriye ko ‘Tofethi,’ kui pichi lya mana o Hinomu, kundu wakoṟe wana wawo wa kisoṟo na wa kika kui modo kindo njilalekiwawasa, ma injiida mrimenyi foko pfo.”

YEREMIA 9:14

Indi wakanjisuiṟa wakaosha mahio hawo na idichia muidikie fo Baali, chandu wafee wawo wawaloshie.”

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

LUKA 10:29

Nao kakunda ikutana mcha asumhanyi kawia Yesu, “A odoya oko nyiu?”

WAROMA 3:19

Kya indi luichi ke isho wuwawaso wuhambye nyi woshiwia walya wai shi ya wuwawaso kundu orio dumbu lipfumbo na wuyana wose wuwone wuu-wuhutsye owingo sumuhana na Ruwa.