YEREMIA 2:20 - Bibilia Kui Mdedie fo Kimochi

²⁰ “Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 2:20 ပူးပေါင်းရင်းမြစ်များ

1WAMANGI 12:32

Yeroboamu kawawasa iwada mfiri mnene meri fo nyanya 8 mkonu fo ikumi na katanu fo meri ifananyi na mkonu mnene iwei kiidi kya Yuda. Kado huye kundu nahendie rasio. Kawewika ado kiidi kya Betheli kechiwuta mwano mba tsilya alesungusia, kawika makohanyi walya handu ha huye ha Betheli.

1WAMANGI 14:23

Kipfa iwa walewewika handu ha huye, na ngo, na handu heindia maruwa ha wongo, huye ya orio kifumvu kileshe, na wanda ya ikidi liwode maṟa mawishi.

SHIIMBO SHA DAWIDI 107:14

Kawawuta memenyi na mṟishenyi fo opfu. Kafunja shipfungo shawo.

SHIIMBO SHA DAWIDI 2:3

Luranduo shipfungo shawo, Lukaumbe kuleshi naso shiwoho shawo.

SHIIMBO SHA DAWIDI 78:58

Wakamdosa nyashi kya ikudosa lyawo, wakamtewa kawado nyi wunyenyi kui mfanano yawo.

IWUKA 19:8

Wandu wose wakaidikia handu hamu wakahamba, “Isho shose Mndumii-Ruwa alehamba lochishiwuta.” Na Mose kawia Mndumii-Ruwa, madedoho ha wandu.

IWUKA 24:3

Mose kahenda iwia wandu madedoho hose ha Mndumii-Ruwa, na mdumbuye yake yose; wandu wose wakahaluo kui ṟu limu, wehamba, “Madedo hose Mndumii-Ruwa adeda lochihawuta.”

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

YESAYA 1:21

Mṟifu fuwei mhendeli, fulewa fuda fumeluki! Ichu aweichuo mwanduye fo lohi, lohi iweichuo koke, indi ate wulalu nyi mbaahi!

YESAYA 10:27

“Kake kiidi kya mkonufo mhanda foke fochiwuka kosohu kopfo, na ngowa tsa ikidi nzingonyi kopfo, na ngowa tso tsechinyamaṟo, kipfa kya ishio mafuda.”

YESAYA 14:25

ke njechinyamaṟa Mwashuri-cho njihaluo shiteno teno kiidi kya oruka loko, na huye ya fumvu lyako njimchumechume wanda ya madende hako; nlyondo kipfunga kilya kechiiroho, na ṟio lilya lyechiwuto makosohu hawo.

YESAYA 9:4

Kipfa nyi ulefunja kilunga kya mhanda foke, na ndichi ya kombe lyake, na iṟiinga lyake ichu alembonyia cha mafiri ha Midiani.

YEREMIA 13:27

Ngamewona wuwicho wopfo, wuṟuhui wopfo, na wulala wopfo, ngafu na wumeluki wopfo, wui huya mafumvu kiidi kya mdemi. Ochia lopfo, Iyo Yerusalemu! Noleha iheṟemtso; mbonyitso nochikaa natso noshike indii?’”

YEREMIA 17:2

Wana wawo wakumburie rasio tsawo na masaa hawo kiidi kya orio ikidi huye ya shitoṟomoso;

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 30:8

“Mkonu fo ili fochishika, nyi inyi Mndumii-Ruwa menyi Matorito njideda, njechifunja ikidi lyeduo mbe njidumbuo na mshe yalyo.

YEREMIA 5:5

Njechihendiya wandu wang'anyi, njechideda nawo, kipfa waichi njia ya Mndumii na, mwaanduye fo Ruwa owo. Indi iwa kui mahiyo hawo walehiye, kusanza kimu na idumbuo shipfunga shimu na Mndumii owo.

EZEKIELI 16:28

“Ambuya chandu ulekeshiko, nulekapa wuṟuhui na Waashuru kyaindi kula shiko.

EZEKIELI 16:31

Orio handu ipfo paṟepaṟenyi nulewika pfo hekalu lyeindia maruwa hengi, kowewutiapfo wuṟuhui. Indi ulafanane na waṟuhui wengi kyamba iyo uleambia pesapfo.

EZEKIELI 16:41

Wandu wo wechihenda ikoṟa mba tsapfo na ikukapa oshangunyi lo waka sa wafoi, na inyi njehenda ikuima piu mkao fopfo fo wuseṟeṟi na mkao foinenga wasoṟo heleri tsewatsutsuma.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

EZEKIELI 23:5

“Kii kidi ma chandu Ohola awekeri mka oko, naleengeṟa iwa mseṟeṟi, kawelanga wasoṟo wengi wa kulya Ashuru.

HOSEA 1:2

Kiheri Mndumii-Ruwa alewoka ideda na wandu wa Israeli kui dumbu lya Hosea, nalewia Hosea, “Henda nohende ialika; mka opfo echiwa mhendeli kopfo pfo; na wana wapfo nawudo wechituṟa wuhendeli cha mayawo. Nawudo wandu wako walenjida inyi na wakawa wameluki.”

HOSEA 2:5

Mayawo nawuta wumeluki, nalekapika kechiwuta shindo sha sonu. Nalehamba; njechihendesana na wakunde wako, sa wekenjinenga kelya na mṟinga, sufu na kitanyi, mafuda na mvinyo.

HOSEA 3:3

Kyasia, ngambia, “Kikiwaṟi nowe mka oko mhendeli, ko mfiri ifoi kulaṟuhuya ma iwa mka o mndu ungi; na inyi da njechiwa mhendeli.”

HOSEA 4:13

Wakeri iwuta shidaso shawo shitonyohu sha mafumvu; ee da, wawuta shiano mafumvunyi, wanda ya Mialoni, Migude na Moya, kipfa maṟinje hayo nyi mecha. Koikyo wana wanu wa kika wechiwuta wumelukimeluki, na wamali wanu wechiwa waṟuhui.

HOSEA 9:1

Ambuya, nyo Waisraeli manya mulachihio, ma mlasungusie mfuho ing'anyi cha wandu wengi wa mkambo, kyamba nyi mulewa wandu waṟuhui, mukalekana na Mndumii-Ruwa onu; mukakuchihiṟa na wueri wo wuṟuhui wulewutikia handu hehuya Ngano.

WALEWI 26:13

Inyi nyio Mndumii-Ruwa, Ruwa onu njilemwuta orukenyi lo Misri kundu mulawe masinga ha Wamisri. Inyi njilefunja shitemba shilya muwewapfungie nzingonyi tsanu na imlekia muchumie necha.”

NAHUMU 1:13

Wulalu njechifunja ngada yake, na itusuo shipfunga shapfo.

NGUMBUO YA MAWAWASO 12:2

Nyamaṟenyi nakamu orio handu hose wandu wekeindia maruwa hawo ha wongo kokoya nyi mafumvuhu maleshe, wanda ya mashidi, shitoṟomosohu ang'u ngeṟenyi.

NGUMBUO YA MAWAWASO 15:15

Kumbuonyi ke nyo muwei masinga kulya Misri na Mndumii-Ruwa, Ruwa onu, nalemutalaa; nkyo kitewe inu ngamuwawasa njido.

NGUMBUO YA MAWAWASO 26:17

Inu, moteṟia muwenyi ke Mndumii-Ruwa nyio Ruwa onu, na ke mochiosha njia tsake, na iwada shiteṟio shake, na mawawaso hake, na iindia ṟu lyake.

NGUMBUO YA MAWAWASO 4:20

Kyaindi nyo nyi wandu Mndumii-Ruwa alemuashuo kuwuka Misri kulya nungu nyi ya menya. Nalemuwutapfo kundu muwe wandu wake chandu mukeri wulalu.

NGUMBUO YA MAWAWASO 4:34

Kuwode Ruwa ungi oose aleheṟia manya indi ihenda ionduo mkambo foke kuwuka mkambonyi fungi, chando Mndumii-Ruwa, Ruwa onu, alewika, kulya Misri. Mesonyi hanu muwenyi, naleloṟa pfinya tsake tsing'anyi na wuidimi woke shihesho sha kiṟiha, na shida, kaende shindo shioweshie mesonyi hanu kulya Misri?

NGUMBUO YA MAWAWASO 5:27

Nanga iyo Mose otikiria kufui, noadanyie shose Mndumii-Ruwa, Ruwa odu aihamba numa nocheiluwia mbonyitso tsose echikuwia. So lochitsiicho na itsiawutsia.

YOSHUA 1:16

Wandu wo wakahaluo Yoshua wechihamba, “Shindo sho shose oluwia nyi lochishiwuta, na orio handu ochiluduma nyi lochihenda.

YOSHUA 24:24

Nawo wakahaluo, “Luhenda iṟundia Mndumii-Ruwa, Ruwa odu na imwindia.”

YOSHUA 24:26

Naalyo Yoshua kaṟehia madedo ha kitapunyi kya wuwawaso wo Mndumii-Ruwa, kaweira iho sa ling'anyi kalihoṟotsa alya iṟaṟenyi kiidi kya mba i ya Ruwa.

OTAMBAHALUO LO YOHANE 17:1

Nahong'u kukacha umu o malaika walya waele mfungade wawerie shitela shilya mfungade kadeda na inyi kehamba, “Kyenjoong'u nkuloṟe mdumbuye fochihoya mṟuhui ulya ang'anyi; mṟi fung'anyi fumbikye huya mṟinga fufoi.

WACHILI 10:6

Waisraeli wakawuta mawicho oshangunyi lo Mndumii-Ruwa wakasingia Mabaali, Maashtarothi na maruwa ha Shamu, ha Sidoni, ha Moabu, ha Amoni na ha Wafilisti. Wakada Mndumii-Ruwa ma walamwindie se.

WACHILI 2:11

Kyasia, Waisraeli walewuta mawicho oshangunyi lo Mndumii-Ruwa wakaindia Mabaali.

WACHILI 2:13

Waleda Mndumii-Ruwa wakaṟundia Mabaali na Maashtarothi.

1SAMWELI 12:10

Wandeanu walelilia Mndumii-Ruwa wechihamba, “Lulewuta wunyamaṟi cha kipfa lulekuda iyo Mndumii-Ruwa lukaṟundia Mabaali na Maashtaroth kyeluashuo kuwuka mawokonyi ha wakituwa wandu, naso lochikuṟundia.”