YEREMIA 2:18 - Bibilia Kui Mdedie fo Kimochi

¹⁸ Na wulalu nochiwuta kuda kiidi kya njia ihendie Misri, inyo mṟinga fo Shihori Ang'u nochiwuta kuda kiidi kya njia ihendie Ashuru, inyo mṟinga fo meda fulya?

YEREMIA 2:18 ပူးပေါင်းရင်းမြစ်များ

2MBONYI TSA MAHERI 28:16

Kiheri kyo, mangi Ahazi naleduma ndumi ko mangi o Ashuru kechimterewa namtarame.

YESAYA 23:3

Shindo shishidonge, sha Shihori, shilimu sha Nili, shilecha huya mṟinga fufoi, nlo ohawi loke na mooko foke, nao nawei tumo ya wandu wa mkambo.

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 7:20

Kiidi kya mkonu fo, Mndumii nechiende wembe kuwuka ora lumu lo meda fo Efrati, ke nyi mangi ya Ashuru. Nechioda mdo yanu, na njui tsa madende hanu na ioda ngerero tsanu.

YEREMIA 2:36

Nkili uiṟahaṟaha kudi kundu noilache ohendo lopfo. Nochiṟeenze kipfa kya Misri, chandu kuleṟeenze kipfa kya Ashuru.

YEREMIA 31:22

Nochipfio nyi mdo mṟasa indi? Iyo Israeli ulawode wuhendeli? Kipfa inyi njiwutie kindo kicha wuyanenyi; mndu mka nechiringa mndu msoṟo.”

SHILIO 4:17

Lukaarohiyo ilaa dembo lochiweda moiluikanyia, lukalaa dembo lochiweda mkambo fo wandu wechicha ilukiṟa lulawone.

SHILIO 5:6

Ambuya, nyi lokehenda iterewa shelya ko Wamisri, na Waashuru kundu luidime iihutsa mbihu yadu.

EZEKIELI 16:28

“Ambuya chandu ulekeshiko, nulekapa wuṟuhui na Waashuru kyaindi kula shiko.

EZEKIELI 17:15

Kyaindi katahacha kaduma ko mangi o Misri namdikie frasi na wasoṟo mbahanyi. A ngesa nechiidima iwinga? Ngesa mndu mowuta shindo sha mbaṟi i nechiidima ikia? Natehiye kyasa naidime ikuashuo?

EZEKIELI 23:30

Nyi wakuwutia isho kipfa nyi ulekapa wumeluki na wandu wa mkambo walawode wuidiki, kowekufanyitsa na sanamu tsa maruwa hawo.

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 7:11

Efraimu nyi awa cha mbeta injitondo ilawode wuṟango, kunu ikeri Misri ang'u Ashuru iterewa.

YOSHUA 13:3

oruka lulusende nyi lo Wakaananyi kuwokia kimeda kya Shihori mṟasenyi na Misri mṟasa oruka lo Ekroni kya ora lo huye. Njoruka tsose tsa wamangi watanu wa Ufilisti Gaza, Ashdodi, Ashkeloni, Gathi na Ekroni handu hamu na oruka lo Avi,