YEREMIA 2:13 - Bibilia Kui Mdedie fo Kimochi

¹³ Kipfa, wandu wako wawuta mawicho kawi, walenjida inyi njii soka ya mṟinga fo moo wakasuma nduwa tsawo wamenyi, nduwa tsiifuna, tsilechiidima iwada mṟinga.”

YEREMIA 2:13 ပူးပေါင်းရင်းမြစ်များ

2WAMANGI 22:17

Kipfa walenjida na ipfaamiṟia maruwa hengi ubani kundu wandu wanjipfulutse nyashi kui maṟunda ha mawoko hawo, kyasia, nyashi yako yechiakia Yerusalemu ma yechiwa ihutsopfo.

SHIIMBO SHA DAWIDI 36:9

Kipfa kopfo iyo kuipfo soka ya moo; kiidi kya sa yapfo lochiwona sa.

KOHELETI 1:14

Ngawewona maṟunda hose hai mawute orukenyi, ate shose nyi wulya piu.

KOHELETI 1:2

Koheleti nahamba, Wulya tupu, wulya tupu, shindo shose nyi wulya nakamu.

KOHELETI 12:8

Moonguo nahamba, nyi wulya wung'anyi; shose nyi wulya

KOHELETI 2:11

Ngawuya ngaambuya maṟunda hose njileṟunda na mawina hako hose, ate shose nyi maai na maai, kuwode ho kiira iya wuyanapfo.

KOHELETI 2:21

Kipfa kuwode mndu maṟunda hake nyi kui wuṟango, kui mahio, kui wuaria; nao nechideeya mndu alahawinyie manya kitutu. Isho se nyi wulya na wukiwa wulechiwa ihamba.

KOHELETI 2:26

Kipfa Ruwa nekeinenga ulya amchihiṟie wuṟango, wulaanyi na sia; indi mdeko nekemneenga wukiwa, kasanyia na iwika kikumbinyi kundu nainenge ichu Ruwa amteseheṟiye. Isho nasho nyi wulya na maai.

KOHELETI 4:4

Ngakusaṟa kya masaa hose na orio iṟunda lya wuaria, ke nyi kiidi kya mndu ailimbana na mana o mae. Isho nasho nyi maai na maai.

YESAYA 1:3

Mmbe iichi menyi oyo, Na nzoi iichi tengo lya menyi yo, Kiṟihishie Israeli aichipfo, wandu wako wekekusaṟapfo.

YESAYA 1:4

Ochia lowo, mkambo fuwode wunyamaṟi, wandu wekeduo mhanda fo wukika, oshari lo wewuta mawicho, wana wekenyamaṟa; waleda Mndumii, wamina ichu ai Mwele o Israeli, walekanyi nao na iwuya numa.

YESAYA 12:3

Kyasia, kui sia mochidahia mṟinga, kiidi kya maṟungu ha okiṟo.

YESAYA 5:13

Kui kipfa ikyo wandu wako wawaduo wapfungo, kipfa kya ituṟa wuṟango na wulaanyi; na wandu wawo wawode kiṟumi wawodo nyi njaa, na wengi wawo wawodo nyi nyoda ing'anyi.

YESAYA 55:2

Kitewe ketaa fesa ko kindo kilai kando nki? Na shilya mowona ko kindo kilaihutsa? Njiadanyienyi mnu, mlye kilya kii kicha na ikuchihiṟa kui wunoru.

YESAYA 63:8

Kipfa nalehamba, “Nyi kya lohi iwa nyiwo wandu wako, wana walawode mtambo; kawa mkiṟa owo.”

YEREMIA 1:16

Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 14:3

Wanene wawo wakeduma waṟundi wawo mṟingenyi; Wekeshika nduwenyi walawone mṟinga; wekewuya na shihiya shilawode kindo, wasingidie na iawo nyi moo, na ishikia mdo yawo.

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 17:13

Hoi Mndumii mkusirie fo Israeli, iwo wose wekuda wechisonu iwo wechilehana, na iwo wechiṟehiyo kilulinyi kipfa wada, Mndumii ai soka ya mṟinga fo moo.”

YEREMIA 18:14

Ale, mafumvu ha Lebanoni haletsitsa manzaho ? Ang'u shimeda sha mṟinga shiwukie mafumvunyi hake shekeumia?

YEREMIA 19:4

Kipfa walenjida inyi na ihaluo handu ha hakawa hahenu nawo wakapfaamiria uvumba maruwa hengi walawehaichi, ma chi wo tupupfo na wandeawo ma wa mangi wa Yuda wakatana waichuṟa samu ya wandu walai na mti.

YEREMIA 2:11

Ngesa wandu wa mkambo wailacha maruwa hawo, ma chandu halawei Maruwa! Kyaindi wandu wako wailacha wuitoṟi wowo, ko kindo kilechiwatarama.

YEREMIA 2:17

Ishi shilekuchea cha uwekunda kumonyi, kipfa kuleda Mndumii-Ruwa opfo, lilya alekusongoya njienyi?

YEREMIA 2:26

Chando inyinyi lyekeṟenze ili lyawado, na wudo mba ya Israeli yechiṟenze; wo na wamangi wawo, na wanene wawo, na wakohanyi wawo na waikimbi;

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

YEREMIA 5:26

Kipfa kiidi kya wandu wako kuipfo wandu wawicho, wekelaaya cha modeha mdeho; wekedeha ikawada wandu.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

EZEKIELI 14:5

Njikeri ihenda iwihiṟa Waisraeli wo na koko, iwo walenjida wakahenda iindia sanamu.”

EZEKIELI 47:1

Kyasia kanjiwihiṟa na alya mongonyi foida na hekalunyi. Handuho kukaapfo mṟinga fuwukie wanda ya kisingikiti kilya kya hekalu nafo fukahenda ora lo ngamenyi. Ambuya mṟingafo nyi fuwekeri isoka fuwuka wanda ya ora lo nuka lo mongo fo hekalu nuka ya rasionyi.

MIKA 2:8

Kyaindi Mndumii-Ruwa nahamba adi; “Nyo nyi mokepufukia wandu wako cha wakituwa. Mokewasoka maṟao hawo wandu watsiri, wandu wekekuchumia na ihenda kowo, kulawode wuowu, walawode mahio hose ha shida.

MIKA 6:3

Mndumii-Ruwa nahamba adi, “Lanye wandu wako kiki njilemuwutia? Kiki ngamuwinyisha nakyo? Njihaluonyi!

ZEKARIA 13:1

Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

YOHANE 4:11

Mka ulya kambia, “Hoi Mndumii, a ili kulawode ma kindo kyedahya mṟinga, na ṟungu li lyiileshe lidi nyi hanga ochiende mṟinga fu furie moo?

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 7:37

Naho ili komshika mkonu fulya mnene foimarisya nafo fui mtoṟu kota ingi Yesu kahoṟoka-ho kaira ṟu ling'anyi kahamba, “Kokoya kwiho mndu awodo nyoda nakucheye na koko nache inyo.

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

2PETRO 2:17

Nawo nyiwo wakeri cha soka tsilaṟukie mṟinga na cha mapuchi hamawiwite nyi otanu. Kilya kii-kiṟeheṟye-ho kyawo nyi kulya ṟungunyi lya meema.

OTAMBAHALUO LO YOHANE 21:6

Nahong'u Kanjiwia, “Shameawukia! Inyi nyio Alifa na Omega, Mboki na Mwawutsi. Ichu amwangari njechimwenenga kyenyo kya nnga kiṟukye ipfo sokenyi ya mṟinga fo moo.

OTAMBAHALUO LO YOHANE 22:1

Nao malaika kanjiloṟa meda fo mṟinga mharami cha kilo la furie moo fuwei miili fuwode ngesa fuṟukye ipfo loṟikenyi lo Ruwa na Kidahina kilya.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.

WACHILI 10:13

Manya kudo nyo mulenjida, mukasingia maruwa hengi. Koikyo njechimukiṟa sepfo.

1SAMWELI 12:10

Wandeanu walelilia Mndumii-Ruwa wechihamba, “Lulewuta wunyamaṟi cha kipfa lulekuda iyo Mndumii-Ruwa lukaṟundia Mabaali na Maashtaroth kyeluashuo kuwuka mawokonyi ha wakituwa wandu, naso lochikuṟundia.”