YEREMIA 19:2 - Bibilia Kui Mdedie fo Kimochi

² Uhende itane pichi lya mana o Hinomu, lii hafui na kichumi kya mba tsa shohyo uonguopfo madedo njechikuwia.

YEREMIA 19:2 ပူးပေါင်းရင်းမြစ်များ

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

NEHEMIA 3:29

Sadoki, mana o Imeri nyi alewika ora lui sumhana na mba yake. Ora loituma ilo lukowiko ko wuhya nyi Shemaya, mana o Shekania, ichu awei mringi o mongo fo ora lo ngamenyi.

YEREMIA 1:7

Kya indi Mndumii-Ruwa kanjiwia, “Ulahambe inyi njii mana mtutu. Kipfa nyi ochihenda ko orio mndu njechikuduma koke, na iyo nochihamba orio idedo njechikuwawasa.

YEREMIA 11:6

Mndumii-Ruwa kanjiwia, “Onguo madedo ha hose kiidi kya mṟi yose ya Yuda na njia tsa Yerusalemu. Wawie waadanyie mbonyi tsa madedo ha na ihainutsia.

YEREMIA 18:2

Kure nosoke mṟasa mba yesungusia shinungu na ipfo njiwode madedo njechikuwia.

YEREMIA 26:2

Mndumii nyi ahamba adi, “Hoṟoka osehu lo mba ya Mndumii udede na mṟi yose ya Yuda, iwo wekecha iwika wuindi kiidi kya mba ya Mndumii.” Deda nawo madedo hose njikuwawasa iwawia, ulade idedo ma limu.

YEREMIA 3:12

Henda onguo madedo ha woambuya ora lo mtsudu nohambe, wuya, iyo Israeli modeko, Mndumii ahamba, njechikuambuyase na nyashi-pfo, njiwode isaṟia, Mndumii ahamba, njechiwada nyashi mlungana-pfo.

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

YEREMIA 7:2

“Kuhoṟotse ipfo kichuminyi kya hekalu lya Ruwa noongoye-pfo kikeri kiile, ‘Nyo Wayuda mose mokuidia kichuminyi-ki muterewe Mndumii.’

YONA 3:2

“Kure, nohende Niniwe, mṟi fulya fung'anyi, uonguopfo mbonyi njechikuwawasia.”

MATAYO 10:27

Iki ngambia meemenyi kekihambenyi senyi na kindo moicho mowewedyo madunyi kekyongwonyi na pata.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

MAWUTO HA WASU 5:20

“Hendenyi muhoṟoke hekalunyi muwie wandu madedo ha hose ha moo fu.”

YOSHUA 15:8

Koikyo mṟasa fo nyi fuleida pichi lya Hiromu ora lo seri lo kifumvu kya Wayebusi, mahonyi ha Yerusalemu, fukohendia kitoṟomoso kya fumvu liwei ora lo kyukanyi lo pichi lya Hinomu fukashika mtsitsionyi fo mfo fo Refaimu.