YEREMIA 17:4 - Bibilia Kui Mdedie fo Kimochi

⁴ Kyoṟa kyapfo kechidekadeka kiidi kya mawoko hapfo kumonyi, njechikuhaluo isinga lya wakituwa wapfo orukenyi ulaluichi kipfa modo fo nyashi yako fuaka na ikoṟa fulechiruma.”

YEREMIA 17:4 ပူးပေါင်းရင်းမြစ်များ

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2WAMANGI 25:21

Mangi Nebukadneza o Babeli kakapa wandu wo kawawahia ipfo kiidi kya oruka lo Hamathi. Ko ikyo wandu wa Yuda waledao wapfungo nja ya oruka lowo.

NEHEMIA 9:28

Kiheri ofoṟo lulewuya, wakawekunyamaṟia se, na iyo kowewada wakituwa wakawawinga. Indise kiheri waledumbuya na ikuterewa uwaashuose, kowewaadanyiase ukeri ipfo ruwehu; Iyo ku isaṟia lyapfo ling'anyi mnu, kowewakiṟa kafoi.

YESAYA 14:3

Kake kechiwa mkonu fulya, Mndumii echikuinenga sia na ikuwihiṟia moo numa ya iyo ilya wukiwa na iwona mawina hafoi chandu uletano isinga;

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

YESAYA 5:25

Nkyo kimaduma nyashi ya Ruwa yechiakia oshari loke nahende iluhoṟoya owoko loke, nalukape itane mafumvu hechidedema, mnying'a yalyo ilae njienyi tsa mṟinyi cha kyala kya mambuṟo; Hamu na isho nyashi yake ilehalukia haleshepfo, indi owoko loke luluhoṟuo itane wulalu.

YESAYA 50:11

Ambuyenyi nyo mose muiatsa modo, muikupfungia shimunyi; idenyi kiidi kya olewo lo modo fonu, na kiidi kya shimunyi sho muleatsa. Mochiambia ishi kui owoko loko; mochilaa mui wasokie nyi fowa.”

YESAYA 66:24

Nawo wechihenda nja wahende iwona mnying'a ya wandu walya walenjipiṟa nyi kipfa wechiliso wukiwa, fusa tsiipfo tsechipfa-pfo na modo fochirumapfo. Oshangunyi lo wandu wengi nyi wechiwa wandu wesuiṟa.”

YEREMIA 12:7

Mndumii-Ruwa nahamba adi, “Ngada mba yako, ngakumba kuleshe kyoṟa kyako, Israeli ai mkunde oko o mrima, ngamdambikia mawokonyi ha wakituwa wake.

YEREMIA 15:14

Njechimuhaluo masinga ha wakituwa wanu kiidi kya oruka mulaluichi kipfa nyashi yako yaaka modo fulechiruma mlungana.”

YEREMIA 16:13

Ko ikyo njechimkumba kuleshe na oruka lu muhende oruka lulaweichio nyi wandeanu ma nyo muwenyi ipfo mochiindia maruwa hengi mfiri na kio ma njechiwasaria pfo.”

YEREMIA 18:23

Kyaindi iyo Mndumii, noichi chila tsawo tsose huyako tsenjiwaaha; kulawahoṟie wuwicho wowo, ma kulasanje wunyamari wowo mesonyi hapfo. Kyaindi wawone ngataṟa oshangunyi lopfo, nokapane nawo kiheri kya nyashi yapfo.

YEREMIA 2:14

“Ngesa Israeli nyi isinga ang'u namfee wusingenyi? Nyi wuda adao mpfungo?

YEREMIA 21:12

lyo mba ya Dawidi! Mndumii nahamba adi; Anduonyi mwanduye ya wusumhanyi ngamenyi, mukiṟe iwo walewonyio, na iliso wukiwa kui owoko lo ichu alewuta ado, kundu nyashi yako ilawone yechiaka cha modo ikoṟe, ilawode mndu morumisha, kipfa kya wuwicho wo mawuto hanu.’

YEREMIA 22:28

Mnducho Konia, nyi kihia kimine kifunjikie. Nyi kihia kilachihiṟie. Kitewe wakumbo o na oshari loke kuleshe, orukenyi walaluichi nki?

YEREMIA 5:19

Nakyo kechiwa ilindi mochiwesa, “Mndumii naleluwutia ishi shose kipfa kya iki? Nalyong'u mochiwawia, ‘Chandu mulenjida inyi na iṟundia maruwa hengi kiidi kya oṟuka lonu muwenyi, nyi wudo mochiṟundia wahenu kiidi kya oruka lulai lonu.’”

YEREMIA 5:29

“Ngesa njitae kiṟache kipfa kya isho? Mndumii ahamba; Na mrima foko njilafutaye kiṟache kiidi kya mkambo fu fo wandu.”

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

SHILIO 1:12

“A ngesa nyo mukuidia na njia musaṟawo kindo? Keambuyenyi! Kuwode mndu alemewado nyi fowa mrimenyi cha inyipfo, Mndumii-Ruwa alenjiendie, keambuya chandu njilewa indo lipiṟe.

SHILIO 5:2

Oruka lodu nyi luleo nyi wandu wahenu; na mba tsadu nyi tsileo nyi wahenu.

EZEKIELI 21:31

Nyashi yako yechimusokia, nyi njechimkapa na nyashi yako ikeri iwiwita cha modo. Njihenda imdambikia mawokonyi ha wandu wawicho, wandu wa warahari irumatsa.

EZEKIELI 7:24

ambuya njechiende wandu wahenu wai wawicho, nawo nyi wechioṟa mba tso tsanu, na alya handu haele moketerewia nyi wechifanyitsa ho. Ikudosa dosa konu njechifuṟunja na alya handu haele nyi wechifanyitsaho.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.