YEREMIA 17:2 - Bibilia Kui Mdedie fo Kimochi

² Wana wawo wakumburie rasio tsawo na masaa hawo kiidi kya orio ikidi huye ya shitoṟomoso;

YEREMIA 17:2 ပူးပေါင်းရင်းမြစ်များ

2MBONYI TSA MAHERI 24:18

Kyasia, wakaanduya ilekana na iadapfuma Ruwa, mbenyi ya Mndumii-Ruwa, Ruwa o wasahuye wawo, wakawoka ihoneṟia Ashera na sanamu. Nyashi ya Ruwa ikado huye ya Wayuda na Yerusalemu kipfa kya wunyamaṟiwo wowo wung'anyi.

2MBONYI TSA MAHERI 33:19

Na kiterewo kyake, na chandu Ruwa alemuambilia, wunyamaṟi woke wose na ituṟo lyake lya wuhendeli, handu alesungusia heindia, na chandu alesungusia sanamu tsa Ashera kiheri alawemetoche wunyamaṟi, isho shishiṟehie kiidi kya Ngumbuo tsa Walodi.

2MBONYI TSA MAHERI 33:3

Nalesungusiase handu halya heiadapfuma maruwa hengi handu ndeye o Hezekia alewunduo; kasungusia na shitaṟa shilya shedasia Baali, kasungusia na sanamu tsa Maashera. Na kya ngoseṟa naleadapfuma shindo shose sha ruwehu na ishiindia.

SHIIMBO SHA DAWIDI 78:58

Wakamdosa nyashi kya ikudosa lyawo, wakamtewa kawado nyi wunyenyi kui mfanano yawo.

IWUKA 34:13

Kyaindi nochiwunduo rasio tsawo, na ifunja-funja ngo tsawo, na imanyamanya maashera hawo.

YESAYA 1:29

Kipfa wechidedema kya shindo wawekusirie sha maai, nanyo mochisonu kipfa kya shaahu mulesambuṟa mushiindie.

YESAYA 17:8

Manya echiambuya rasioni ii iṟunda lya mawokopfo; ma echiambuya shilya shii shiṟunde na shimnyo sha mawokopfo, mbuonyi na sanamu tsa mnengeṟi.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 3:23

Na lohi da, ngaya iwaṟi iwuke kuleshepfo, cha fumvuhu; kisanzio kiwode mtiṟi huya fumvu; nyi lohi okiṟo lo Israeli nyi kiidi kya Mndumii-Ruwa, Ruwa odu.’

YEREMIA 3:6

Koikyo Mndumii kanjiwia maheri ha mangi Yosia, “Omewona mawuto ha Israeli ichu modeko? Nadoye huye ya orio fumvu lileshe kahenda pfo iṟuhuya, na wanda ya orio ikidi liwode maṟa mawishi!

YEREMIA 7:18

Wana wesana ngu na wandeawo waatsa modo, indi waka weriha-riha mso fo koṟia Mangi mka o nginehu mkate waletsie maruwa ha kihenu mshimbika wechinjiwichuṟa.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

NGUMBUO YA MAWAWASO 12:2

Nyamaṟenyi nakamu orio handu hose wandu wekeindia maruwa hawo ha wongo kokoya nyi mafumvuhu maleshe, wanda ya mashidi, shitoṟomosohu ang'u ngeṟenyi.

WACHILI 3:7

Waisraeli wakawuta wunyamaṟi oshangunyi lo Mndumii-Ruwa; wakahadima Mndumii-Ruwa, Ruwa owo wakaindia Mabaali na Maashera.