YEREMIA 17:1 - Bibilia Kui Mdedie fo Kimochi

¹ “Wunyamaṟi wo Yuda wui wurehie kui kalamu ya menya; kui sumi ya almasi wui wutoṟongochie kiidi kya mrima yawo na ndumbenyi tsa rasio tsawo.

YEREMIA 17:1 ပူးပေါင်းရင်းမြစ်များ

MFANANO 3:3

Osaṟyo na lohi shilalekane na iyo; Shipfunge nzingonyi yapfo; Shiṟehiye ihohu lya mrima fopfo.

MFANANO 7:3

Hapfunge shimnyonyi shapfo; Ṟehia kiidi kya iho lya mrima fopfo.

YESAYA 49:16

Ambuya njikapie ofano lopfo mahinyi hako, na mawanda hapfo hai oshangunyi loko kitsitsi.

YEREMIA 11:13

Kipfa itala lya maruwa hapfo iyo Yuda haṟinganyi na itala lya mṟi yapfo; chandu itala lya njia tsa Yerusalemu nyi wudo mulehoṟotsa rasio tsa kindo kilya kya wusutsu, shitaṟa shepfaamiṟa Baali uvumba.

YEREMIA 2:22

Kipfa ma kotambahana isamba na mbala na sabunyi tsa mbaṟi tsose, ochiidima iwuta oko lo wuwicho ulewuutapfo,” Mndumii-Ruwa ahamba.

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

HOSEA 7:2

Kii kidi wakusaṟie manya le pfo ke inyi njikumburie mawuto hawo mawicho hose, wulalu mawicho hawo nyi hawatengetia njora tsose, na isho wawutie shose nyi shikeri oshangunyi loko.

HOSEA 8:11

“Ambuya wandu wa Efraimu nyi walewika marasio hafoi, naho hakawaengeṟia njonyamaṟo.

WALEWI 4:25

Numa mkohanyi nechiira samuyo ya kidaso kya wunayamaṟi na kimnyo kyake naiwike ndumbenyi tsa rasio lya kidaso kemaya modonyi; na samuyo yakyo naipusuye oo shia rasio lya kidaso kemaya modonyi.

ZEKARIA 7:12

Wakahaluo mrima yawo ikafanana na iho liumu; kundu walaicho wuwawaso na madedo ha Mndumii menyi Matorito alehaduma kui mumuyo mawokonyi ha waikimbi wa kuwooka; kui kipfa kya ikyo nyashi ya Mndumii menyi Matorito yechiwaakiya.

2 WAKORINTO 3:3

Nyi mutambahalukye na pata ke nyi mui paruo ya Kristo i njitomboyane nyiso, ii njiṟehye chi kui wino kya indi kui Mumuyo o Ruwa chu menyi-moo; chi mapalu-hu ha mahopfo indi mapalu-ho ha ngoo stii nyama.