YEREMIA 16:4 - Bibilia Kui Mdedie fo Kimochi

⁴ Iwo wechipfa kui ndare njiwicho kulechiwoneka mowafihiṟia ma iwaṟika. Mnying'a yanu yechikuala cha kyala kya oruka. Wechiarisika kui oshu na njaa: Mnying'a yawo yechiwa kelya kya ndehe na mando hai na moo malang'a.

YEREMIA 16:4 ပူးပေါင်းရင်းမြစ်များ

2WAMANGI 9:10

Na shite shechilya Yezebeli kiwanjenyi kya Yezreeli, ma kochiwoneka momṟika pfo.’” Kaṟuhuo mongo kadicha.

SHIIMBO SHA DAWIDI 78:64

Wakohanyi wawo wakaolotso nyi oshu, manya wakusu wawo walakuidie.

SHIIMBO SHA DAWIDI 83:10

Sa walekombetsio Endori. Wakawa kyala orukenyi.

YESAYA 18:6

Wose handu hamu wechideyo malehe malang'a ha mafumvuhu, na orio kerunduka na mando ha ngeṟenyi; malehe malang'a hechikaa huyawo kiheri kya mbaṟi, na mando hengi hose hechikaa huyawo kiheri kya mbeo.

YESAYA 5:25

Nkyo kimaduma nyashi ya Ruwa yechiakia oshari loke nahende iluhoṟoya owoko loke, nalukape itane mafumvu hechidedema, mnying'a yalyo ilae njienyi tsa mṟinyi cha kyala kya mambuṟo; Hamu na isho nyashi yake ilehalukia haleshepfo, indi owoko loke luluhoṟuo itane wulalu.

YEREMIA 19:7

Na inyi njechiilacha idedo lya Yuda na Yerusalemu handu ha, njechiwaolotsa kwui oshu oshangunyi lo wakituwa wawo na kui owoko lo wandu weshiha moo yawo. Mnying'a yawo yechiinengo ndehe tsa nginehu na mando malang'a ha orukenyi iwe kelya kyaho.

YEREMIA 21:6

Njechikapa wenyi mṟi fu, wandu na mando hai na moo wechipfa kui ndaṟe ing'anyi ya makokoi .

YEREMIA 25:33

“Na walya walewoho nyi Mndumii mkonu fulya wechikaapfo wokia ora lumu lo oruka itane ora lo kawi. Kuwode mowafihiṟia pfo, ma iwasanyia, ma iwaṟika; wechiwa kyala huya oruka.

YEREMIA 34:17

Kwi kipfa kya ikyo inyi Mndumii-Ruwa ngahamba njidi: ‘Nyo mulenjiindia kirianyi na mkuachie fo wanawamaanu Waisraeli-pfo. Kyaisa, na inyi njechimuinenga mkuachie; mkuachie fo iwoho kwi oshu shidenyi, iwoho kwi ndaṟe na njaa. Njechimuhaluo muwe kiṟihisho kiidi kya mangi tsose wuyanenyi.

YEREMIA 34:20

Wechedambiko mawokonyi ha wekunda iwawaha. Mnying'a yawo yechilio nyi ndehe tsa ruwehu na mando ha ngeṟenyi.

YEREMIA 36:30

Kyasia, inyi Mndumii-Ruwa ngahamba njidi, kirianyi nao ke Yehoyakimu mangi ya Yuda: O echiwada mana modamia loṟikehu lo wuitoṟi lo Dawidi pfo, na mnying'a foke fochikumbo nja kundu kuwode mrike mfiri na mbeo njiwawo kio.

YEREMIA 44:12

Njechiwuta wandu wa Yuda waletsuhaa iwo wakuṟeheṟie ihenda ikaa Misri, njiwarumatse wose, wang'anyi ko watutu; wechipfa ko oshu ang'u ndaṟe. Wechiwa mbosha, kiṟihisho, oseso na italuka.

YEREMIA 44:27

Inyi njiwaimehia chi ko mecha pfo kyaindi ko mawicho. Wandu wose wa Yuda orukenyi lo Misri wechirumara ko oshu na njaa kulechitsuhaa ma mndu umu.

YEREMIA 7:33

Na mnying'a ya wandu-wa yechiwa kando ka shilehe na mando ha ngeṟenyi, kulechiwono mndu mohafuna.

YEREMIA 9:22

Mnying'a ya wandu yakuala orio handu ifananyi na kyala kya mademenyi, cha mahaa ha mbeke haledeo mdemenyi, halalesambuyo, kulawode mosanyia, “Mndumii menyi matorito anjiwia njihambe!”

SHILIO 4:9

Nyi nanga walya walepfia shidenyi wechikapana, kota iwo walepfa kyombuho kipfa kya njaa.

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

EZEKIELI 5:12

Kyamba kyenga kyanu kya kaṟaṟu kechipfa ko njaa na ndaṟe ya makokoi kiidi kyanu, na kyenga kya kawi wechipfa ko oshu na kyenga kya kaṟaṟu njechiwarahanyitsa ipfo na ipfo na oshu loko lochiwaosha ipfo numa yawo.

SEFANIA 1:17

Inyi njechiendie wandu wukiwa, wahende cha shipfupfuṟe, kipfa waletana wunyamaṟi;samu yawo yechipusuyo cha kiluli, na mnying'a yawo cha mbuṟo.

NGUMBUO YA MAWAWASO 28:22

Mndumii-Ruwa nechimudikia ndaaṟe ya kipeeta, iseng'u, maode, mrike fung'anyi; mbaṟi, kiwiṟi kenyamaṟa shilimu; shindoshi shechimutuura tane moarisika.

NGUMBUO YA MAWAWASO 28:26

Mnying'a yanu yechiwa shelya sha malehe manya kochikaa mndu mohafunapfo.