YEREMIA 15:9 - Bibilia Kui Mdedie fo Kimochi

⁹ Mndu mka aleṟumisho kui wana mfungade; kusaṟe awode manya umupfo. Nawuta mṟufu foke fo ifurumia, Mnengeri foolokia kui mfiri, nahoyo nsonu na isalucho, walya wadeo na moo, wearisika kui oshu lo wakituwa wawo. Nyi inyi Mndumii-Ruwa ngahamba.”

YEREMIA 15:9 ပူးပေါင်းရင်းမြစ်များ

YESAYA 47:9

Kyaindi nomanye ke ishi shechikuhoya oweṟe lumu, mfiri fumu nopfio nyi wana na icheyo nyi wukusu; shechikuhoya mkonu mteṟie, wusawi wopfo ma wuwechifo na wuhanga wopfo wukang'ana.

YEREMIA 19:7

Na inyi njechiilacha idedo lya Yuda na Yerusalemu handu ha, njechiwaolotsa kwui oshu oshangunyi lo wakituwa wawo na kui owoko lo wandu weshiha moo yawo. Mnying'a yawo yechiinengo ndehe tsa nginehu na mando malang'a ha orukenyi iwe kelya kyaho.

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 44:27

Inyi njiwaimehia chi ko mecha pfo kyaindi ko mawicho. Wandu wose wa Yuda orukenyi lo Misri wechirumara ko oshu na njaa kulechitsuhaa ma mndu umu.

YEREMIA 50:12

Oruka lonu lofeeyo lochisutso; na oruka lo maanu lochimino. Apaa! Babeli yechiwa yefurumia kiidi kya mkambo, yechiwa nuka ilawode mṟinga ma nta.

YEREMIA 6:4

Oloṟenyi shida huye yake; kurenyi kudo kiheri kya mfiri. Ochia lodu, mfiri fo kelya, shiṟinje sha kiukanyi shaengeṟa ilea.

YEREMIA 7:19

Kyaindi wanjiwichuṟa wo wawenyi na iṟenze chi kyamu kya oshangunyi lonu.

SHILIO 1:1

Ambuya nyi kiṟiha kya mṟi fuweichuo wandu, wulalu nyi fukeri wulya! Nyi mṟi fuwewode mng'ano kiidi kya wandu wa mkambo; indi wulalu nyi fukeri cha mndu mka mkusu. Kiidi kya mṟi ingi nyi fuwei cha mana o kika o mangi; kyaindi wulalu nyi fukeri isinga lya wandu wengi.

SHILIO 4:10

Ngapo iya ilechea wandu wako ilewakangaṟitsa, ma chandu waka wawode mrima fo isaṟia, nyi walekoṟa wana wawo wawenyi wakawalya kiheri kyo ngapo ing'anyi ilewakoya.

EZEKIELI 5:12

Kyamba kyenga kyanu kya kaṟaṟu kechipfa ko njaa na ndaṟe ya makokoi kiidi kyanu, na kyenga kya kawi wechipfa ko oshu na kyenga kya kaṟaṟu njechiwarahanyitsa ipfo na ipfo na oshu loko lochiwaosha ipfo numa yawo.

EZEKIELI 5:13

“Nyi wudong'u njechiawutsia nyashi yako kowo na mrima foko fuwade ofoṟo fukeseke. Nawo waidime imanya ke nyi inyi Mndumii, njiwode wunyenyi, njilewakapa kipfa kya mawicho hawo.

1SAMWELI 2:5

Walya wawewode shelya shifoi ili mbooko, wulalu wekyeinengo kiṟundio kundu wawone kelya. Kyaindi walya wawewodo nyi njaa, wulalu wawodose nyi njaapfo. Mndumka mhumba naleinengo wana mfungade. Kyaindi mka awode wana wafoi, wulalu naledeo alawode mana.