YEREMIA 15:4 - Bibilia Kui Mdedie fo Kimochi

⁴ Njechimuhaluo kindo keowesha kiidi kya wamangi wose wa wuyana, kipfa kya mbonyi tsa Manase mana o Hezekia, alewuta ipfo Yerusalemu lilya awei mangi ya Yuda.

YEREMIA 15:4 ပူးပေါင်းရင်းမြစ်များ

2WAMANGI 21:1

Manase nawewode maka ikumi na iwi awooka iwada wumangi wo Yuda, kaitoṟia ipfo Yerusalemu ko maka makumi hatanu na itanu (55) na rina lya mae nyi Hefziba.

2WAMANGI 21:15

Njechiwawutia isho kipfa kya injinyamaṟia na injisuiṟa wokia wandee wawo wawuka Misri mṟasa inu.”

2WAMANGI 21:2

Nalewuta shiwicho oshangunyi lo Mndumii-Ruwa kechiosha njotende njiwicho tsa wandu wa mkambo iya Mndumii-Ruwa aleifuna oshangunyi loke, kiheri Waisraeli waweida kiidi kya oruka lo kyasa.

2MBONYI TSA MAHERI 33:1

Manase nawewode ohendo lo maka ikumi na iwi kiheri alewa mangi o Yuda, kaitoṟia ipfo Yerusalemu ko maka 55.

2MBONYI TSA MAHERI 33:2

Nalewuta wunyamaṟi oshangunyi lo Mndumii-Ruwa, ko ichumia mchumie njiwicho cha iya ya wandu wa mkambo sa Mndumii-Ruwa alewafuna kiheri wandu wake wa Israeli wawekeri ianga orukenyi lo Kaanani.

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 29:18

Njechimulatia na oshu, njaa na ndaaṟe mbicho. Njechimuhaluo muwe kindo kisukiṟie ko wuitoṟi wose kiidi kya oruka, ee da, kindo cha oseso, kichano, omino na kindo kepiṟo kiidi kya mkambo iya yose njilemufunyia-pfo.

YEREMIA 34:17

Kwi kipfa kya ikyo inyi Mndumii-Ruwa ngahamba njidi: ‘Nyo mulenjiindia kirianyi na mkuachie fo wanawamaanu Waisraeli-pfo. Kyaisa, na inyi njechimuinenga mkuachie; mkuachie fo iwoho kwi oshu shidenyi, iwoho kwi ndaṟe na njaa. Njechimuhaluo muwe kiṟihisho kiidi kya mangi tsose wuyanenyi.

YEREMIA 9:16

Njechiwarahanyitsa kiidi kya wandu wa mkambo wakeri kundu ma wandeawo walaweichi, njiwedika oshu luwaoshe mtano ngawarumatsa.”

SHILIO 1:8

Yerusalemu nyi ulewuta wunyamaṟi sa wuwicho, fukokufanyitsa kipfa kya wunyamaṟi wofo. Wose wawefuṟumishie wakafumina, kyamba nyi walewona fui kitaṟe. Wakawesumukia na ikuṟika kipfa kya sonu.

EZEKIELI 18:19

“Indi nyo mokewesa, chi kiwaṟi mana nakapo kipfa kya njonyamaṟo tsa mfee oke? Kokoya mana chu nalewuta sha wusumuhanyi kaweosha wuwawaso woko, kyalohi ngambia ichu nechikaa na moo.

EZEKIELI 23:46

Koikyo Mndumii-Ruwa nahamba adi: “Njikeri iduma mamwingi fo wandu nafo fochihenda iwaowesha na iwasoka orio kindo.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.

NGUMBUO YA MAWAWASO 28:64

Mndumii-Ruwa nechimupaṟatsana kiidi kya mkambo yose, kuwookia ora lumu lo wuyana mṟasa ora lungi. Na ipfo mochiṟundia maruwa hengi ha mashidi na maho maruwa sa nyo manya waku wanu walalemewamanye.