YEREMIA 14:9 - Bibilia Kui Mdedie fo Kimochi

⁹ Nkili owa cha mndu alaichi kilya aiwuta, kowa cha mbahanyi alechiidima ikiṟa? Kyaindi iyo Mndumii nyi ui kiidi kyadu, lolelaho kui rina lyapfo ulaluleke.’”

YEREMIA 14:9 ပူးပေါင်းရင်းမြစ်များ

2MBONYI TSA MAHERI 7:14

Kokoya wandu wawalahe ko rina lyako wechikunyiṟa wamenyi, na iterewa, na iwalia kyamu kyako, na ida njia tsawo njiwicho, njechiicho shiterewo shawo kulya ruwehu. Njechiwahoṟia madeko hawo, na ioṟase oruka lowo.

SHIIMBO SHA DAWIDI 10:1

Hoi Mndumii, nkili ohoṟoka haleshe? Nkili oowa kiheri kya ngataṟa?

SHIIMBO SHA DAWIDI 27:9

Ulanjiṟike kyamu kyapfo, Ulakushowe na mṟundi opfo kya nyashi. Nyi ukeri ngaya yako ulanjikumbe, Manya ulanjide, Hoi Mndumii o Okiṟo loko.

SHIIMBO SHA DAWIDI 46:5

Ruwa nyiai makidi hawi hake hechidedemapfo; Ruwa nyiechikutarama ngamenyi kilawo.

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 43:7

Orio umu amlahe kui rina lyako, njilemuumba kipfa kya kiṟumi kyako; inyi njilemuumba; ee da, inyi njilemtana.”

YESAYA 51:9

Kure, kure, karishia! Ee, owoko lo Mndumii. Kure cha shiheri shilya sha mboko, kiidi kya shishari shilya sha kacha.

YESAYA 59:1

Ambuya, owoko lo Mndumii luilututu lulemo ikiṟa-pfo; ma kudu koke kulemeri kulechiidima iicho-pfo.

YESAYA 63:19

Lukaawa cha wandu ulawachilie manya le, cha wandu walawalahe ko rina lyapfo.

YEREMIA 15:16

Njilewona madedo hapfo ngahalya, ngameṟa hakanjiinenga sia ing'anyi, hakaloda mrimenyi foko. Kipfa inyi njimanyikie kui rina lyapfo. Lyo Mndumii-Ruwa menyi matorito.

YEREMIA 51:5

Kyaindi Israeli na Yuda Mndumii-Ruwa o matorito alewadapfo, ma chandu oruka lowo luichuo wukiwa, oshangunyi loko nyi mwele o Israeli.

YEREMIA 8:19

Aikyo kilio kya wandu wako, kyaichuo orukenyi lui kuleshe mnu, ngesa Mndumii ai kiidi kya Sioni? Mangi yake ii kiidi kyake? “Nyi kitewe kya iki wanjipfulutsa nyashi na ofano lowo walepacha, na iwuta sha wukika sha wahenu?

SHILIO 5:20

Nyi kili mandi olukumba kiheri kileshe kido? Ngesa na ochikaa ulukumbuose?

EZEKIELI 48:35

Wuleshe wo njomombo tso nyi mita shiku kenda (9,000). Rina lya mṟi fo wokia wulalu nyi lyechiwa: “Mndumii-Ruwa nyi akeri iya.”

HABAKUKI 1:2

“Hoi Mndumii njifihiṟe itane indii iyo ulakunde iicho? Njikufihiṟia kipfa kya wukika, ulakunde ikiṟa?

ZEKARIA 2:5

Kipfa inyi Mndumii njechiwa omombo lo modo, njitengete njora tsose, na inyi njechiwa kiṟumi kiidi kyake.

ZEKARIA 8:3

Mndumii nahamba, njilewuya Sioni na wulalu njechikaa makidi hawi ha Yerusalemu; na Yerusalemu yechilaho mṟi fo lohi, fumvu lya Mndumii menyi Matorito, fumvu yele.

MAITALA 11:23

Mndumii-Ruwa kawia Mose, “Ngesa! Wuidimi woko womefafaa? Kyasia nochiwonang'u kokoya idedo lyako lyechiwa lya lohi kopfo ang'u ote.”

MAWUTO HA WASU 15:17

Kundu mtsuhaṟo fo wandu futsuheye wahende iwado macha hepfula Mndumii hamu na mkambo yose ya wandu wai waendye rina lyako lyewakaya. Nyio Mndumii ahambye ado kechikiwuta.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

NGUMBUO YA MAWAWASO 23:14

Kiwaṟi mfiṟiha fonu fuwe mwele kyamba Mndumii-Ruwa, Ruwa onu, naisenguda mfiṟiha fonu kundu namkiṟe, na iwika wakituwa wanu mawokonyi hanu. Ko ikyo mulalekie nawone kindo kyose kilawaṟi kiidi kyanu, sile wudo nechimuda.”

NGUMBUO YA MAWAWASO 28:10

Mkambo ya wandu yose wuyanenyi wakawona ke nyo muilaho kui rina lya Mndumii-Ruwa wechimuowuo.

WAEBRANIA 13:5

Mbuka yanu ilafane wueehi, kilya kyanu kii-ho kyo kimshikye. Kyamba o amonyi awehambie, “Njechikuda manya-lepfo, njechiwuta macha ipfo kofo ma indipfo.”

OTAMBAHALUO LO YOHANE 21:3

Ngaicho ṟu ling'anyi lyiuka ipfo loṟikenyi lo wuitoṟi lyechihamba, “Aika kanyi ka Ruwa awode hamu na wandu. Nao echitsinda kowo nawo wechiwa wandu wake. Nao Ruwa amonyi nyechiwa Ruwa owo.

1SAMWELI 12:22

Kui kiṟumi kya rina lyake inene, Mndumii-Ruwa echikumba wandu wakepfo kyamba nalekunda imutana nyo muwe wandu wake.