YEREMIA 12:4 - Bibilia Kui Mdedie fo Kimochi

⁴ Mṟasa indii oruka lofuha kipfa kya oruka lowuṟa mvuo, maṟa hose ha mdemenyi hanaa. Mando hai ngeṟenyi na ndehe tsapfa, kipfa kya wuwicho wo wengi wahamba; “Ruwa echiwona mtsitsionyi fodu pfo.

YEREMIA 12:4 ပူးပေါင်းရင်းမြစ်များ

SHIIMBO SHA DAWIDI 107:34

Oruka lo ndunda tsifoi lukawa rendewele ya mbala, kipfa kya wuwicho wo iwo waweleepfo.

SHIIMBO SHA DAWIDI 50:21

Nyi udo kulewuta, na inyi ngatsia; kokusaṟa ke inyi njifananyi na iyo. Indi njechikudedia, njechiwika isho shose oshangunyi lopfo.

YESAYA 24:4

Wuyana wuikapa kilio, wuiuma; wuyana wuipooka, wuiuma; wandu wanene wa wuyana waipooka.

YESAYA 24:6

Nkyo kitewe oseso lolya wuyana wu, na iwo waipfo wakawono wenyi wunyamaṟi, nkyo kitewe wandu wose wekaa wuyanenyi wakarumatso, wandu waletsuhaa wakawa waangu tupu.

YEREMIA 12:11

Wakalihaluo mrapu, kui kipfa ikyo, linjifihiṟia oruka lose lowa mrapu, kipfa kuwode mndu alewika isho mrimenyi foke-pfo.

YEREMIA 14:2

“Yuda yakapa kilio, mongo yake yaṟengeṟa; Wadamie wanda waṟee kanyiki; na kifihiṟo kya Yerusalemu kyado huye.

YEREMIA 23:10

Kipfa oruka luichuo waṟuhui, kipfa kya ilya nyamu oruka luifihiṟa, maṟa ha nuka hauma; ohendo lu luluwicho, na pfinya tsawo chi tsa wusumhanyi pfo.

YEREMIA 4:25

Ngaambuya njilawone mndu ma umu, ndehe tsose tsihendie kuwodeho ma imu pfo.

YEREMIA 4:28

kipfa inyi ngadeda isho na ikusaṟa iinutsia, manya njechihamba samanya ma njiambuye numa njide-pfo.”

YEREMIA 5:13

Waikimbi wechiwa otanu, ma kuwode idedo lya wulohi kiidi kya wopfo; kyasia nyi wudo wechiwutio.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

YEREMIA 9:9

‘Ngesa njilawuwuye isho?’ Mndumii ahamba. ‘Ngesa njilatae kiṟache kiidi, kya mkambo fo wandu wa mbaṟi ii?’”

HOSEA 4:3

Koikyo, oruka lose lui ngumia, wandu wose wa orukalu wakeri isaramaya, handu hamu na mando ha ngeṟenyi na malehe; ma makunga ha ipalyipalyinyi hairumatso.

YOELI 1:18

Mbe tsikeri iana wukiwa kipfa ili kulawode kelya kyatso; mapo ha machondi naho hakeri ifihiṟa wukiwa.

AMOSI 1:2

Nao nalehamba “Mndumii nechikoṟoṟoma awuka Sioni, Ru lyake lyechiichio wokia Yerusalemu; Shilya shiiliso nyi walisi shechifuha, Na alya owerihu ko Karmeli kochinaa.”

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

ZEKARIA 1:12

Nalyong'u malaika ulya o Mndumii kahaluo kahamba, ‘Hoi Mndumii menyi matorito, nki ilyi ulakunda isaṟya Yerusalemu na mṟi yose ya Yuda na isuo kyayo maaka ii yose makumi mfungade?’

WAROMA 8:22

Kyamba luichi ke shiwumbe shi shose shikeri itsika shiwodo nyi kinangananga shika wulalu cha ha okoki a.