YEREMIA 11:8 - Bibilia Kui Mdedie fo Kimochi

⁸ Kyaindi walekunda injiindia- ma injicho-pfo, wakawona kicha kyawo nyi ihenda chandu wakukundia ko orikiki lowo na mrima ikuiwitie iichuo wuwicho. Kyasia ngawahoṟuo kihianyi na wuwawaso njilewawia wawuwade indi wo wakaleha iwuwada.”

YEREMIA 11:8 ပူးပေါင်းရင်းမြစ်များ

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

YEREMIA 13:10

Wandu-wa wawicho waleha iadanyia madedo hako, wahenda wakahaṟie mrima yawo na iosha maruwa ha wongo, ihaṟundia na ihaindia, wechifanana na kiṟota kyo kinyamaṟikie.

YEREMIA 3:17

Mandi ho wechilaha Yerusalemu, “Kidi kya wuitoṟi kya Mndumii,” na wandu wa mbaṟi tsose wechikoyana Yerusalemu; iindia Mndumii-Ruwa. Ma wechihenda-se na orikiki lo mrima yawo njiwichopfo.

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 34:14

‘Orio maka fo mfungade, orio umu onu nechiinenga manomae mkuachie Myuda amkumbe kawa isinga ko maka iṟandaṟu. Kimuwaṟi muwalekie, walamuṟundie-se! Kyaindi waku wanu walenjiadanyia ma ideha kudu kowo pfo.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 35:17

Ko ikyo inyi Mndumii-Ruwa o matorito, Ruwa o Israeli, ngahamba kudi. Njechimuendie wandu wose wa Yuda na wenyi wose wa Yerusalemu mawicho hose njilededa kyawo, kipfa inyi njilededa nawo, indi walanjiadanyie, njilewalaha, indi walanjiidikie.”

YEREMIA 38:20

Yeremia kambia, “Ochidambiko kowopfo. Wulalu iyo india iki Mndumii-Ruwa ahamba, chandu njikuwia, na mbonyi tsapfo tsechichia na moo fopfo fochikia.

YEREMIA 44:16

“Kindo ki oluwia handu ha Mndumii-Ruwa lochikiindia-pfo.

YEREMIA 44:17

Indi orio kindo lulekiliia nyamu lochikiṟunda: Lochipfaamiria mka mangi o ngina ubani na imletsia mwaano fonyo chandu luwekewuta so luwenyi na waku wadu, wamangi wadu na wasongoru wadu, kiidi kya mṟi ya Yuda na njienyi tsa Yerusalemu. Maheri ho luwewode kando kalushikie, lukafuda ma lulewona ngataṟa yosepfo.

YEREMIA 44:5

Indi kuwode alenjiicho ma ideha kudu koke pfo. Nyo muleleha ida wuwicho wonu na ida ipfaamiṟa ubani maruwa hengi.

YEREMIA 7:13

Nahong'u kidedo kya Mndumii nyi kikeri kile, na wulalu, kipfa mowuta mawuto halya ha mawicho hose, mulawemeicho handu njiwetsindie imdedia mnu mulaweidikia handu njiwei imlaha.

YEREMIA 7:24

Indi wo waleichowo ma walemanya kundu kowopfo, indi wakawechumia weindia mtambo ya wumbafu wo mahio hawo mawicho walenjikumba mhongo chi oshangunyipfo.

YEREMIA 7:26

Indi wo walenjiicho pfo ma indehia kudu-ote! Indi wawei ikuumiṟa mrima wakawewichuo kota wandeawo.

EZEKIELI 20:8

Kyaindi wakanjimina, walakunde injiadanyia. Walekunda ilekana na sanamu tsilya tsawo ma ilekana na maruwa halya ha wongo ha wa Misri pfo, ikyo kikanjiinenga njikunde iwasotsia ngapo na nyashi yako ing'anyi kulya Misri.

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.

ZEKARIA 7:11

Kyaindi iwo waleleha iadanyia, wakakumba madedoho mhongo wakashinga madu hawo.