YEREMIA 11:7 - Bibilia Kui Mdedie fo Kimochi

⁷ Kipfa njilewawasa waku wawo lilya njilewawuta orukenyi lo Misri, ngaweengeṟa iwawawasa wanjiindie mrasa mkonufu fo inu.

YEREMIA 11:7 ပူးပေါင်းရင်းမြစ်များ

2WAMANGI 17:13

Mndumii-Ruwa kaduma waikimbi na walya wewona kechitutuma Israeli na Yuda kechihamba, “Lekanenyi na njia tsanu njiwicho, muindie mawawaso hako chandu njilewia wandeanu ngawaikimba kui madumbu ha waṟundi wako wai waikimbi.”

2MBONYI TSA MAHERI 36:15

Kyasia, Mndumii-Ruwa, Ruwa o wasahuye wawo, nalewadumia waikimbi wewakanga mkonu na mkonu, kipfa nalewasaṟia wo na Hekalu lyake.

IWUKA 15:26

Kawawia, “Kokoya mochiadanyia ṟu lya Mndumii-Ruwa, onu kui pfinya tsose na iwuta shisumhanyi oshangunyi loke, nodehe madu hapfo uicho mawawaso hake, na iwada mawawaso hake, Inyi njechiende ndaṟe tsilya njileendie Wamisripfo; huyapfo pfo kyamba Inyi njii Mndumii-Ruwa njekekukiṟa.”

YEREMIA 11:4

Ifu nyi mma njilelya na wandu wako njiwawuta Misri, kiidi kya riko lya modo fo menya. Njilewawia wanjiindie na iṟunda lilya njilewawawasa ke wakawuta wado wechiwa wandu wako na inyi njiwe Ruwa owo.

YEREMIA 25:3

Wokia maka fo ikumi na kaṟaṟu fo wumangi wo Yosia mana o Amoni mangi ya Yuda, mṟasa mfiri fu fo inu, maka ii makumi hawi na iṟaṟu (23) idedo lya Mndumii lechinjichea na inyi ngadeda nanyo, njechikure ngamenyi otuko na ihamba; kyaindi nyo mulenjiadanyiapfo.

YEREMIA 25:4

Nao Mndumii nadumie konu waṟundi wake wose waikimbi wo kekure otuko na iwaduma, kyaindi nyo mulawaicho ma ideha madu hanu muwaadanyie mulakunde.

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 34:14

‘Orio maka fo mfungade, orio umu onu nechiinenga manomae mkuachie Myuda amkumbe kawa isinga ko maka iṟandaṟu. Kimuwaṟi muwalekie, walamuṟundie-se! Kyaindi waku wanu walenjiadanyia ma ideha kudu kowo pfo.

YEREMIA 35:14

Iwawaso lilya Yonadabu mana Rekabu, aleinenga wana wake, ke walanyo mvinyo, waleliosha; nawo wekenyo mvinyo mṟasa mkonu fu fo inu pfo, kipfa waindia wuwawaso wo mku owo. Kyaindi inyi njilededa nanyo ngoseṟa na ngoseṟa; nanyo ma mulenjiadanyiapfo.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 7:13

Nahong'u kidedo kya Mndumii nyi kikeri kile, na wulalu, kipfa mowuta mawuto halya ha mawicho hose, mulawemeicho handu njiwetsindie imdedia mnu mulaweidikia handu njiwei imlaha.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

ZEKARIA 1:4

Mulawe cha Wandeanu, waikimbi wa kacha walewafihiṟia, wehamba, Mndumii menyi matorito nahamba adi, Wuyenyi wulalu, na ida njia tsanu njiwicho, na mawuto hanu mawicho; indi waleichopfo, manya injiadanyiapfo, Mndumii ahamba.

WAEFESO 4:17

Na wulalu kilya ngahamba na iṟingishya njikuwode na Mndumii nyi kikerikiile, ke mulakikuhendye cha wandu walaichi Ruwa wekekuhendya mhie yawo iwewa ya shindo sha melemele.

NGUMBUO YA MAWAWASO 12:32

Orio kindo ngamuwawasa, kuṟisenyi mushiwute; mulaengeṟeho kindo manya mulawuteho kindo.”

NGUMBUO YA MAWAWASO 30:20

Mukunde Mndumii-Ruwa, Ruwa onu muindie ṟu lyake na ioshana nao. Kyamba mukawuta mudo kyaloṟa Abrahamu, Isaki na Yakobo, ke nechimuinenga.”

NGUMBUO YA MAWAWASO 4:6

Wadenyi na ihaawutsia mawawasoho kyamba mukawuta mudo wandu wa mkambo ingi ili wechimanya mawawasoho wechiwutaho imanya ke nyo muwode wuṟango na osaaṟe, wahambe, ‘Kya lohi wandu wa wa mkambofu wawode wuṟango na osaaṟe!’”

NGUMBUO YA MAWAWASO 5:29

Kima kiheri kyose waweiwada mahiyo cha iha wakanjiindia na iwada mawawaso hako! Mbonyi tsawo tsiwewawiia necha kiheri kyose; wo wawenyi na luwa lyawo mlungana.

NGUMBUO YA MAWAWASO 6:2

Kiheri mui na moo kyose, kimuwaṟi iindia Mndumii-Ruwa, Ruwa onu, na iwada wuhendeli na mawawaso njimuinenga nyo na luwa lyanu kundu muidime ikaa na moo mleshe.

NGUMBUO YA MAWAWASO 8:6

Ko ikyo, wadenyi mawawaso ha Mndumii-Ruwa, Ruwa onu, muoshe njia tsake na imwindia.

2WATESALONYIKYE 3:12

Iwo wai wado nyi lowawawasa na iwatutuma kui Mndumii Yesu Kristo ke waṟunde ṟunda wechikutsia walye kelya kyawo wa wenyi.

1SAMWELI 8:9

Kyasia, waadanyie watutume mnu nakamu, nowawie na pata chandu mangicho echiwachilia kindo echiwawutia.”